بسم الله الرحمن الرحيم
اخواني الاعزاء في اغلى المنتديات ....سوالف
حبيت اسرد لكم تجربتي الاخيرة والتي قد عملتها اليوم على قمة الفخامة الامريكية ان صح التعبير ....
تجربتي اليوم هي مختلفه تماماً لانها لسيارة امريكية وقد توقع البعض بل واجزم اني ساكون منحازا عليها ومنقصاً من حقها...لكن ان شاء الله اني لا اترك لا صغيرة ولا كبيرة الا واتكلم عنها سواء ايجابي او سلبي
بس اول شي لازم تقولوا ماشاء الله تبارك الله عشان لايزعل علينا صاحب السيارة

اولا السيارة طبعا وكما اسلفت لكم سابقاً هي

كاملة المواصفات موديل 2001 قطع عدادها 30اىلف كيلو متر فقط لذلك ماشاء الله تحس ان السيارة جديدة ولم يمض عليها اكثر من شهر واحد فقط

اولا نتكلم عن المحرك والميكانيكا عامة
محركها طبعا هو نورث ستار ذو سعة 4.6 لتر بقوة 300 حصان

ذو وضعية عرضية في وسط ((الكبوت))

متصل طبعا بعلبة تروس اوتوماتيكية نااااااااعمة التعشيق بخمسة سرعات امامية

يحقق لها تسارعاً ممتازاً جداً خاصة لوزنها ((ماشاء الله تبارك الله ))
تصل السيارة الى سرعة قصوى تصل تماماً الى 225 كيلو مترا ((بحكم انها محددة الكترونياً))

بواسطة كفرات مقاس 235/55/17 بحنوط سباعية الاشعاعات توحي لك بالفخامة الامريكية


مقدمة السيارة
تتكون مقدمة السيارة من انوار امامية رأسية ولكنها في نفس الوقت غريبة الشكل بحيث انها لم تأخذ حيزا كبيرا وكما هو واضح من الصورتين التاليتين نجد ان النور الامامي مقسم نصفين اعلى واسفل القسم العلوي للنور الواطي والقسم السفلي للنور العالي ونجد تحته نور الضباب الذي يطفي مؤقتا حين تشغيل نور الاضائة العالي (اوتو)
وفي نصف الشبك الامامي توجد الشاشة الخاصة بنظام ارؤية الليلة (نايت فيجن))<--ساتكلم عنه لاحقاً


وعند فتح غطاء الكبوت يظهر هكذا

ومن داخل السيارة توجد الشاشة الخاصة به (امام السائق مباشرة)

اما ازرار التحكم به فتوجد تحت الدركسون من جهه يسار السائق



الشكل العام للسيارة
هيكلها عبارة عن شكل احادي ممشوووق جدا لا توجد به اي تعرجات غريبة مثل الــCTS ماشاء الله احسن ما هو عليه هو طوله المناسب مع تصميم شكله الخارجي والناظر اليها من الامام الى الخلف لا يحس باختلاف كبير بل بالعكس ...يحس بتناسق كبير بين الواجهه والخلفية


ومن الخلف ايضاً


وتظهر هنا جلية الانوار الخلفية مع تقنية اللد ((خليه)) بشكل طولي طالما اشتهرت به كاديلاك طول السنين

نأتي الى داخل السيارة
ماشاء الله تحس باحساس ان جميع المفاتيح وازرار التحكم في يدك انت السائق متى ماشئت ...

كنسول وسطي عصري ..دركسون بــ4 اشعاعات مدعم بالطاقة وبازرار التحكم بالصوت ومثبت السرعة وبقوة مروحة المكيف وبدرجة حرارة المكيف
في اعلى الكنسول توجد فتحات التكييف وتحتها مباشرة المكيف بمفاتيحه واسفل منها السي دي بلاير ومشغل الكاسيت اشارة الى انها تتوفر ايضا بسيدي تشانجر داخل علبة القفازات الامامية (درج الطبلون)
الدركسون طبعا بتحكم كهربائي ارتفاعا ونزولا عمقا وبروزاً مع ذاكرة طبعاً
تحكم بالمكيف الامامي منفصل عن الخلفي
مع وجود شاشة صغيرة خلفية للمكيف الخلفي

والتحكم طبعا واضح بدرجة الحرارة وسرعة المروحة واماكن خروج الهواء
المقاعد الامامية بـ10 وضعيات تحكم كهرباي مع ذاكرة لمقعد السائق فقط وتشمل المرايا الجانبية والدركسون والمكيف والمسجل والمرايا الدخلية طبعا
مع ريموت كنترول منفصل عن المفتاح
اشارة الى ان المقاعد الامامية تتمتع وتتوفر بمساج كهربائي

مع تسخين كامل المقاعد الامامية والخلفية مع امكانية اختيار التسخين فقط للمقعد او تكاية الظهر لجميع المقاعد
الاتساع الخلفي على غير المتوقع وسيارة بهذا الطول

ولكنه في نفس الوقت ليس بالممل
وضعية المقاعد الامامية جدا ممتازة
اما الخلفيه انا اعطيها 4من 5
ستائر جانبية على الابواب الخلفية(يدوية) وستارة خلفية كهربائية
في الصورة القادمة تبيين لمفاتيح فتح خزان الوقود والشنطة الخلفية والانوار الامامية الازرار العلوية لعداد المشي والزيت وخلافه

مع العلم ان الشنطة وخزان الوقود لا تفتح الا اذا كانت عصا القير على الوضع P او N فقط
وعند الوضع D يتم قفل السنتر لوك اوتوماتيكيا ويتم فتحه مرة اخرى عن التغيير الى الوضع N

مؤخة السيارة
حساسات خلفية ضد الاصطدام موصوله بعدد3 اشارات داخل السيارة موجود فوق مقعد الركاب الخلفيين حتى يتسنى للسائق ان يراها من خلال المراية الوسطية واسفل منها توجد الاربعة عواد للسيارة المطلية بالكروم الخالص مما اضفى على السيارة فخامة متناهية


الشنطة الخلفية جدا جدا جدا ضيقة لوجود اطار خامس من نفس الحجم


في النهاية ساسرد لكم بعض مميزات وعيوب او نواقص السيارة واتمنى اني وفقت في تصدير هالمعلومات والموضوع اليكم

مميزاتها
تتوفر السيارة بعدادين للسرعة ((الكتروني وانبير (ابر)) <--ساوفر لكم الصور ان شاء الله غدا
دركسون كهرباء ماشدني له هو سرعة استجابته والمقاعد كذلك
مكيف خلفي منفصل عن الامامي وبتوفر شاشة له
وجود عدد 2 مشغل للسي دي
شاشة معلومات واسعة النطاق ماشاء الله تتكلم عن عمر زيت المحرك بالنسبة المئوية وكذلك زيت الجير بوكس والبطارية ومتوسط السرعة واستهلاك الوقود وتايمر لحساب الوقت
ماشاء الله تبارك الله تماسك مذهل وقوي حتى على سرعات عالية تتعدى 160 واكثر وعلى منحنيات خطره
نقاء صوت وصفاء من نظام بوس العالمي بواسطة 6 سماعات وواحد اووفر
بوصله في المراية الداخلية
ابتعاد الدركسون عن السائق في حاله رغبته في الخروج من السيارة (عند فتح الباب)
ستائر جانبية وخلفية تخفي الركاب عن من بالخارج من المتطفلين

اما من عيوبها فساذكر ما افتكره الان
شنطة خلفية صغيرة بالمررررررة
مراية واحدة فقط هي اللتي تتحول الى الاسفل عند التعشيق على مضعية R
عدم طوي المرايا الجانبية الخارجية كهربائيا مع العلم ان هذه الميزة تتوفر في الموديل DHS
عازوليه هواء جدا تعبانه بعد تخطي سرعة 100 فقط
تحكم غير منفصل لراكب المقعد الامامي للمكيف
الساعة تتكون من 24 بدل 12 ص و 12 م
ريموت كنترول لاتستطيع من خلاله اغلاق فتحة السقف والزجاج الجانبي واياضا مو منفصل عن المفتاح
صرفية وقود جدا مرتفعة لمحرك بمثل هذه التقنية
محرك مزعج بصوته المرتفع الغير رياضي نهائياً
ازعاج صوت المكيف بدون قوة دفع هواء تذكر
لا تتوفر بها اضائة زينون


اتمنى اتمنى من الله العلي القدير اني كفيت ووفيت عن السيارة واي طلبات انا حاضر مع العلم اني ساتكلم عن نظام النايت فيقت باختصار غدا ان شاء الله

تحياتي

السلام عليكم ..

أنا ما أحب ها السياره أبدا ...

بس اللي عجبني موضوعك .. ترتيبه وتنسيقه ومبذول عليه جهد كبييير ماشاء الله عليك ..

الله يبارك فيك ..

ومشكووور ..

وعليكم السلام
وشكرا على مرورك من هنا واعجابك بالموضوع

سيارة تستحق مثل هذه التجربة من شخص محترف مثلك

سؤال بسيط بس : كيف تسارع السيارة من 0 - 100 و من 80 - 120 و هل تفقد عزم على السرعات العالية أم تبقى استجبتها قوية و هل هي مزعجة على المطبات أم مريحة و هل تشعر بفقدان السيطرة على السيارة عند دوران المنعطفات بسرعة عالية و هل تشعر بأن هناك فائدة من نظام التحكم بالثبات و هل هي سيارة عملية يومية أم ينصح بها كسيارة ثانوية و هل سؤالي طويل أم هو بسيط


نسيت أقول الله يعطيك العافية على هذا المجهود الجبار و اتمنى لك التوفيق في تجارب أخرى و بصراحة طريقتك في كتابة الموضوع جميلة جدا و مرتبة لدرجة أني حبيت السيارة من بعد قرائت للموضوع

للمشرفين الأعزاء اطالب بتثبيت الموضوع

للتثبيت

خليل

والله لاسف ماجربت التسارع لكنه ممتاز
العزم ماشاء الله متوفر على اغلب دورات المحرك
والسيارة تتعبر مريحة من الدرجة الثانية واعطيها 4 من 5 في الراحة لووجود كفرات مقاسها 235 على 55 <---مرة مرتفع

مثل ماذكرت سابقا السيارة ممتازة على المنحنيات وعلى الطريق فالهواء لا يلعب بها

هل هي عملية ؟
لا وابداً لانك تحس ان المواد الخام في اي وقت ممكن تسقط في يدك من شدة ضعف جودتها حتى انك تحس بقربعة بسيطة في المطبات والطرق الخشنه
اي شي ثاني ؟:p

والله زمااان على مثل هالمواضيع الحلوه يعطيك الف الف عافيه

ترتيب جيد وطرح مشوق

واللي كنت خايف منه عدم الحياديه بس الحمدلله خاب ضني

ويبيله تثبيت

ياالله على الموضوع التحفه هذا ....ينتضر التثبيت فقط

مشكور على الموضوع .. بس ترا ولا صوره طلعت الظاهر انه الباندودث تبع Jeeran خلص لازم ننتظر لين بكره :eek:

حسبي الله ونعم الوكيييييييييييل
هذي رساله الموقع
((لقد تجاوز هذا الموقع الحد المسموح به من الباندويدث هذا اليوم الرجاء اعادة الزيارة غدا))

الله يعافيك ويسلمك
بس ايش رايك ماني متفنن في خيبة ظنك؟;)

760IL
شكرا على الدعم
ننتظر المزيد

السلام عليكم ورحمة الله وبركاته

يعطيك الف عافيه اخوي على هالتجربه....موضوعك أكثر من رائع....بس ما طلعت عندي الا صورتين :(

اخي الكريم موضوع رائع لاكن للاسف ولا صوره طلعت عندي

اولا غريبه بصراحه الكاديلاك اللي معى خويك لان في ماصفات ناقصه كثير عن السيفيل وماادري هم قاصدينه او هناك سبب ثاني او انت يمكن مانتبهت لبعضها

اولا السرعه لدي غير محدده ووصلت عليها 240 وكانت حتزيد وكمان ماعندي صوت التنبيه للسرعه الزائده وكمان انت ماتكلمت عن شوية مواصفات سهيت عنها وهي:
1- نظام ماجلان الصغير الموجود بالدرج الامامي بس طبعا مو شغال بالسعوديه
2- البرنامج الذكي اللي شاشة المعلومات في الطبلون اللي يخليك تتحكم في خصائص كثيره منها نزول مرايا وحده عند الرجوع للخلف او الثنتين او ماتنزل نهائيا وكمان تختار خيار اضائة انوار النهار اللي تشتغل لحالها في النهار فقط وكمان اذا تبغى الريموت يفتح باب واحد ثم الابواب الباقيه او يفتح الكل مره وحده وكمان تقدر تطفي الاشارات اللي تشتغل مع فتح السياره بالريموت وكمان تقدر تشيل صوت البوري مع فتح السياره وتقدر تطفي الهيدروليك الاوتو مايصير يشتغل وكمان السنتر لوك تبيه يتسكر اذا مشت السياره ولا لا واذا تبي تتسكر كلها بس باب السواق مايتسكر او باب السواق يتسكر والباقي لا وووو اشياء كثير وانا بصراحه يمكن نسيت نصها بس ماركبت دي تي اس ماادري فيها او لا بس دام انها في السيفيل اكيد فيها
3- الهيدروليك اللي يوزن السياره على وزنيه وحده في حالة التحميل او السياره فاضيه يخليها بوزنيه وحده وطبعا الهيدروليك في المساعدات الاربعه وكمان السياره تنزل من قدام شوي بعد تجاوز 120 كيلو
4- ازرار الكراج كما يسميها البعض اللي تبرمجها على كراج بيتكم وهيه جايه مع السياره من بلدها وكمان تقدر تبرمجها على تطفية الكهرب في البيت او تشغيل المكيف في البيت او اي شي غير سلكي وطبعا لك ثلاث ازرار فارغه تقدر تخزن اللي تبغى
5- المقعد يتحسس وضعية جلوسك ويعدها اوتو بدون اي تدخل منك وللعلم مقاعدها اخذت جائزه افضل مقعد بس ناسي اسم الجائزه بالضبط
6- نظام الصوت بوس متكون من 8 سماعات وواحد سماعه كبيره في الوسط ماادري اش تسموها ووفر اوو ماادري ايش يعني المجموع 9 سماعات بوس وليس 7 كما ذكرت ولكن يمكن سيارة خويك غير ؟!
7- امكانية فتح المقاعد الخلفية لزيادة مساحة الشنطه وللعلم الشنطه عندي كبيييره مره بس ماادري عن الدي تي اس
8- نظام ون ستار اللي فيه الهاندس فري وامكانية برمجة الازرار بالصوت مثلا كزر البوابه تستطيع برمجه بصوتك مثلا بكلمه ( افتح ) بدون ضفط الزر فيفتح البوابه
9- قناة لاستقبال القنوات اللي بلاقمار الصناعيه مثلا قنوات الموسيقى الامريكيه والاخبار والرياضه وطبعا كلها انجليزيه لان العرب ماعندك احد
10- وكمان نظام ستابلي تراك اللي يوزع كل شي على الكفرات الاربع بالتساوي سواء ضغطه الفرامل في لفه او حتى اذا حذفت السياره عليك في ملف والاشياء ذي
11- كمان تحريك رؤوس المقاعد اوتو عن طريق زر
12- الدريكسيون يتحرك باربع اتجاهات كهربائيه
13- شاشه لالستعلام عن حالة زيت المكينه والقير بالنسبه المئويه
14- حساب كم يكفي البنزين اللي في التانكي كيلو وكم ياخذ لتر حتى يتفلل
15- تحذير في حالة نسيت احد القزازات او الابواب مفتوحه وسكرت السياره بالريموت بعد اقل من دقيقه تطلق صوت الانذار
16- والطبلون كمان تقدر تختار بين الميل او الكيلو وكمان بين الشاشة الكترونيه او الطبلون العادي او بهما معا يعني شاشة وعداد سرعه
17- الجلنط يتفك اوتو في حال وضع السياره في وضع حركه واذا جيت تسحب الجلنط والسياره في الدي مثلا مايتعشق الا لما تحطه في الان او البارك فقط
18- قزازات ملونه للحمايه من الاشعه فوق البنفسجيه ( زي الفي كول )
19- اذا فتحت الشنطه والسياره شغاله وفي وضع البارك ينزل الهيدروليك من الخلف لتسهيل التحميل وعند اغلاقها يرجع يشتغل ويرفع السياره لوضعها الطبيعي
20- اذا مثلا جيت عند مطب وهذي صارت معي شخصيا وحكت السياره ترتفع السياره عن الوضع الطبيعي فوق لتسهيل عملية الخروج وتوي اكتشفتها قبل امس لما حطت في مطب كبير
21- عدد اربع واقيات شمس للركاب في الامام

وبصراحه استغرب هالشي في الدي تي اس لما تقول صوت المحرك قوي لانه عندي ماتسمع صوت المحرك الا بعد 4000 دوره وبشكل خفيف بدون ازعاج ابدا وبالعكس كانه صوت باثفايندر مثلا وهو واقف عند وصول الار بي ام الى 4000 دوره وانا طبعا مااكذبك لاكن توي اعرفها هالمعلومه منك لاني زي ماقلت ماركبت دي تي اس

الساعه اللي تقول 24 هوه يقدر يغيرها من البرنامج اللي قلت له من شاشة المعلومات في الطبلون بين 24 او 12 شكل صاحبك نص مواصفاتها مايعرفها


انا اعبي السياره فل بـحدود 62 ريال من التانكي الفاااضي وتمشي 470 كيلو او حولها حسب شاشة المعلومات فبنظري صرفيتها حلوه جدا بالاخذ بعين الاعتبار 8 سلندر و 300 حصان


مافهمت عليك بس اذا فتحات المكيف طبعا يتحكم كل راكب بجهته والركاب في الخلف لهم مكيف لحالهم بدرجه حراره منفصله عن بعض بس ماادري عن الدي تي اس ؟!! فماادري وش تقصد لاكن كل راكب يتحكم في فتحات المكيف اللي عنده طبعا زي اي سياره وكمان عندي الركاب اللي قدام اذا حبيت يصيروا درجة وحده مثلا كل التكييف اللي قدام 15 او مثلا الراكب بردان شوي ويبغى 18 يشغل الدايره اللي في المكيف اللي جهته ويحط 18 وبكذا كل واحد له درجته وانا طبعا ماادري عن سيارة خويك فيها ولا لا؟!


معقوله ؟! يعني انت اي سياره تركبها تقول من داخل كانها تطيح
وطبعا اقصد بكلامي تجربتك للفياقرا الذهبيه اول قبل سنه او سنتين ماني فاكر بس في تجربتك لها تقول الديكورات تطلع اصوات كانها بتفكك وطبعا التجربه موجوده في موقع المربع نت باسم العضو CL600 اللي هو انت ياماجد يعني بصراحه ((( لاتعليق )))

وبالنسبه الى عمليه او غير عمليه يعني اتوقع سؤال ماينسال بصراحه يعني سياره تدفع فيها 180000 الف وتقول مو عمليه ؟!!!

وعلى العموم تجربه رائعه ولاكن في مميزات كثيره سهيت عنها وانا كمان نسيت نصها لاكن كتبت بعضها فوق من باب التذكير فقط وليس الانتقاد ولك الشكر

وبالنسبه للصوت المزعج اللي تقول بعد 100 انا اقلك في سيارتي والله مااسمع الا صوت ارتداد الهواء لاكن بعد 180 تسمع صوت من الفتحه اذا كانت مفتوحه كسر اما اذا مسكره فابد كل اللي تسمعه صوت ارتداد هو خارجي ولا له اي منفذ للمقصوره وكمان ياليت لو كان في فيدوهات مشان يشوفوا الناس

وعلى العموم السياره تتكلم عن نفسها قبل كل شي

سلام

العضو CL600 عضو اخر غير S8
وهو مشترك بهذا المنتدى

اوكي اذا كان موهوه انا اسف يمكن تشابه اسامي لانهم كلهم الاثنين ماجد وكلهم من ديره وحده بس برضه النقطه هذي المفروض يقولها في سياره بـ 50000 الف مو بالسيارات هذي وانا اختلف معه كليا بالنقطه هذي وزي منت شايف انا في اشياء اول مره بصراحه اسمعها عن الدي تي اس مثلا صوتها المرتفع وصوت المكيف المرتفع يعني اذا سياره خويه فيها شي ممكن او الدي تي اس كذا مااعرف بس مااتوقع لان السيفيل مو كذا

سلالام

تجربة حلوة تشكر عليها

ما قصرت
تجربة رائعة

يعطيك العافيه على هالتجربه الجميله للسياره الجميله جدا ;)

غالية
وعليكم السلام والرحمة
الف شكر على المشاركة وبخصوص الصور ان شاء الله تظهر اليوم في الليل
STS4ever
بالفعل السرعة محددة على 225 كيلو حتى انك تحس بالفصله القوية ...عموما فلم السرعة موجود لكنه 15 ميجا

1- نظام ماجلان غير متوفر في السيارة
2- بالفعل النظام الذكي هذا لكنه ناقص بحيث انه لا يستطيع انزال الا مراية واحدة فقط فقط فقط وغير كذا انا حسيت بان هناك امور اخرى فيه لكن خويي ماعنده معلومات كافية عن السيارة ..باختصار شديد السيارة طول ايام السنه واقفة ولا تتحرك
3- زر الهيدورليك هذا وينه؟
4-ازارار فتح الكراج غير موجودة ولا متوفرة بالسيارة
5-المقاعد الاوتو هذه تطرقت اليها في مزايا السيارة
6- السماعات الموجودة بالسيارة 7 فقط
7-المقاعد الخلفية لا تفتح والشنطة جدا ضيقة حتى بعد انتشال الكفر الاسبير .
8-غير موجود به النظام الصوتي ابداً
9-فرينا كل موجات الراديو مااشتغل الا MBC واذاعة القران فقط
10-بالفعل هالنظام انا نسيت اتكلم عنه وخاصة في المنعطفات وعلى السرعات العالية وانا لاحظت ذلك على منعطف بسرعة 180 ك او اكثر
11-لا ...رؤوس المقاعد لا تتحرك اوتو بل يدوي .....اللي يتحرك اوتو هو ستاندر حزام الامان .
12-الدركسون انا ذكرت انه يتحرك كهربائيا ارتفاعا ونزولا وعمقا وبروزا <--فتح عيونك ياخي
13-الشاشة هذي تكلمت عنها في الموضوع ياليت لو تقراه مره ثانية
;)
14-نفس اللي فوقه ^^^
15-طيب ليه مايختصروها ويخلوا الريموت يقفل القزاز وفتحة السقف؟
16-اياضا انا ذكرت ان الطبلون تستطيع اختياره بين الكرتوني وامبير<--الظاهر انك ماقريت الموضوع !!!
17-فك الجلنط اوتو لم اشا ان اتكلم عنها لانها موجود في كاديلاك وكل السيارة من ايام الثمانينات
18-القزاز الملون في اغلب السيارات الفاخرة حتى البيجو حقتي القزاز حقها طبقتين
19- هذه غير متوفره في السيارة
20-امممم مدري ...احنا طحنا في مطب وحكت ويااااااااالله طلعت السيارة
21-هذه موجودة في سيارات سعرها اقل من نصف سعر الكاديلاك


واوعوذ بالله من صوت المحرك المزعج وعازوليه الهواء السيئة لدرجة تحس انك فاتح الزجاج الجانبي
اضف ازعاج المحرك الى ازعاج الهواء الخارجي وتطلع لك النتيجة الغير متوقعة ابدا

بخصوص الساعة انا توقعت ذلك لكن ماحبيت اني اتملقف في سيارة الرجال
اما البنزين وماادراك مالبنزين والصرف ....
عبينها فل فتحدد الرانج في الكمبيوتر ان البنزين يمشي بك 279 كيلو متر فقط
من جد بالوعة بنزين
اقصد ببالتحكم الغير منفصل لمكيف الراكب فهو كما تفضلت انت هو بدرجة الحرارة
فالتحكم بدرجة الحرارة المنفصل هو للركاب الخلفيين فقط اما الراكب الامامي فلا والف لا
وبخصوص ردي بانها غير عملية فهذا صحيح ...فكل سيارة زادت تقنيتها زادت مشاكلها وعدم صلاحيتها للاستعمال المتكرر
وكل سيارة قلت تقنيتها زادت جودتها وتحملها للاستعمال المتكرر والطويل والقاسي

وكما قلت لك اهتزاززات الابواب والديكورات الداخلية واضحة جدا حتى عند فتح الباب والسيارة واقفة تسمع صوت مفصلات مسكة الباب

a.w.t
يعطيك العافية
الحمد لله انك تداركت الموقف واثبت انه ليس كلامي فقط ...حتى على افضل السيارات جودة

AMG

الله يعافيك ويستر عليك

السلام عليكم ورحمة الله وبركاته

جهد مشكور وعمل مرتب ومن زمان عن التجارب

لي رجعه ان شاء الله

للثبيت

مشكور ويعطيك الف عافيه

لكن فيه شي يالحبيب


السياره هذي صدقني مهب فل كامل .. وبرضوه فيها عيوب كثيره !!

الوالد عنده DTS وفيه كل المواصفات اللى قالها اخوي STS4ever وفيه اكثر بالنسبه الحفظ والذاكره للمكيف والمسجل والكرسي في الكمبيوتر مع الصوت ...

واتوقع ان الكدلك في السعوديه اكثر مواصفات من عندنا في الامارات لشعبيته .. فا مومعقول ان اللى عندنا افضل من السعوديه !!

وبرضوه عن البنزين ناقص كثير (( سياره الوالد يكتب 500 كيلو اذا عبيته فل )) ونعبيه بــ 75 درهم 92 اوكتين (( خصوصي ))

وبرضوه على المطبات يرتفع .. واصلا يرتفع اذا نزل الموتر عن مستواه الطبيعي سواء اذا حمل او في مطب ...

اما عن جوده القطع داخليا .. فا اتوقع هذا رايك .. لانه مهب معقول خشب بنوعيه الزبيرانو تكون جوده قليله

لكن في الاخير انت ماشاءالله جردت السياره بكل قطعه وحبيت ازود معلومه عن اسم السياره وهي DTS (( Deville auto Traction Saloon ((

شكرا لك مره ثانيه

اخي الكريم انا كان لدي او ماشريت السياره المرايتين تنزل اوتو وبصراحه كرهت هالميزه لانها بغت تسبب لي مصيبه اكثر من مره وانا اوقف لاني متوعد اناظر في مراية السائق وانا البق مشان اشوف في سيارات جايه ولا لا لاكن في الاخير عرفت اشيلها من البرنامج وارتحت من هالميزه وصارت بس مراية الراكب فقط اللي تنزل بس غرييييب هالدي تي اس ؟؟!!

الهيدروليك ماله زر هو اوتو من زمان يعني اذا اتحمل يرتفه لوزنه الطبيعي يعني ماتقدر تتحكم فيه كمثلا تنزل السياره او ترفعها لاني لما نزلت تحت السياره لقيت زي الحبل جنب المساعد اذا اترخى يشتغل الهيدروليك وترتفع حتى يتشد واذا اتشد يرتخي حتى يرجع لوزنه الطبيعي عاد لاتقول مافيها هيدروليك !

ازرار فتح الكراج فوق المرايه الداخليه عند ازرار الفتحه

السماعات انا غلطت اسف انا عندي 8 وليس 9 لان عندي ثلاث على الطبلون الامامي واربع في الابواب ووحده كبيره ورى = 8 اسسسف بس المفروض الدي تي اس بعد 10 مو 8 لانه هو طراز القمه ؟!!!

النظام الصوتي مع الهاتف مع ازرار الكراج هو نظام ون ستار يعني دام ازرار الكراج مو موجوده يمكن النظام مو فيها وعلى فكره النظام متوفر في السيفيل STS و SLS يعني غرييييبيب مو في الدي تي اس ؟!!!

شوف انت الحين وانت تغير الموجات في الراديو مو يجيك ثلاثه اف ام وواحد اي ام بعين يجيك اذر شنال هيه هذي القناه غير من زر RDS واطلع او انزل بالسهم الموجود حق تغيير موجة القناة وبتلقى اشياء كثير ( اخبار - رياضه - موسيقى - TALK ووو ) اشياء كثيره حسب ماهو شغال بس زي ماقلت كلها امريكيه الظاهر

وغريبه بعد هذي مو في الدي تي اس لان الراس عندي اوتو يتحرك بزر هو والحزام لان الحزام بالراس موصول في نفس المقعد مو في البودي !!!

والله بصراحه ميزه تقفيل النوافذ بالريموت والله شي حلو وودي انه متوفر بسيارتي بس للاسف حطوا بديل له وهو نظام الامان اللي بعد هو حلو لاكن كمان ميزة اغلاقها بالريموت احلى

بالنسبه لميزه نزول السياره للتحميل هذي ياطويل العمر اكتشفتها اول ماشريت 94 وجربتها في هذي بعد وهم بعد موجوده فيها فماادري عن هالدي تي اس لانه في تناقضات غريبه الصراحه

بالنسبه لارتفاع السياره عند قربها من الارض انا ماادري وشلوت تعرف انها قريبه ولا لا يمكن مع انضغاط الكفر او شي من هالقبيل لاكن اذكر وانا في المتوسط الظاهر ان خويي ابوي جارنا كان معه كاديلاك من الكبار المربعه موديل 85 او هالموديلات كان يجي عند كراج بيتهم وهو مرتفع ويوقف شوي وترتفع السياره من ورى ويطلع الكراج وعلى فكره انا دايم كنت اجلس فيها وكمان كنت اجي عند السياره وهيه مسكره واقوم ارفع يد الباب مشان تولع اللمبات اللي في الجنب عند الابواب وايام حلللوه <---- مو كانه شطح عن الموضوع المهم هالميزه موجوده من زمان غريبه بعد !!

وبصراحه انا اتفجات بعد بصوت المحرك والهواء لان انا بعد كان عندي صوت المكينه قوي بعد مااكلت مطبين كانهم جبال ماشفتهم وتاثرت كراسي المكينه س لما غيرتهم رجعت زي اول ولا همس حتى الى بعد 4000 تسمع صوت المكينه بس بشكل خفييف عادي لاكن 94 فعلا كان صوت السياره قوي شوي من داخل فيمكن سيارة خويك اكلبها مطب ولا شي ولا هيه الدي تي اس كذا الله اعلم

وصرفية البنزين غريبه بس يمكن خويك مغير العدادت الى الميل ؟؟لانه هالصرفيه حتى الجموس ماتصرفها وانا زي ماقلت لك اذا هيه فل يكتب لي في الشاشه 470 ويتغير الرقم مايقعد ثابت بس حولها بس 200 ؟!!!

بالنسبه للمكيف اذا عند خويك دايرتين للمكيف فهو اكيد عنده هالميزه اما اذا وحده فصحيح مو موجوده بس ترى مايشتغل لكل واحد درجه الا اذا انت شغلته ولا في البدايه يشتغل كله سوا فماادري عن هالدي تي اس الغريب

بالنسبه لاصوات الديكورات لاتعليق اما مفصلات الابواب حتى انا اعاني منها كل فتره وفتره والسبب غسيل ابو هنود في المغاسل لما يجي يغسل بفتح الباب ويغسله من داخل باللي وبعد فتره يروح الزيت بس شريت مزيت بـ 10 ريال وبين كل فره وفتره ازيته

وعلى العموم اخوي يمكن بعض المميزات ناقصه لان خويك مااخذ التوب اما اذا التوب وفيها هالنقص بالمواصفات مقارنه بالسيفيل فوالله هذا عيب منهم مع ان المفروض العكس تكون هالمواصفات في الدي تي اس والنقص في السيفيل لاكن الحمد لله ماصلحوا العكس

والتجربه رائعه بس للاسف خسرت اهم شي كنت ابيه في هذه التجربه وهيه الصور والافلام ولاكن اخوي اذا حبيت في موقع يعطيك 50 ميغا بدون باوندث محدد يعني تحمل حتى تشبع فاذا حبيت حط ايميلك وانا برسلك اليوزر والباس

سلام

زورو الامارات
كالعادة يقوم بتثبيت الموضوع اذا مالرد المناسب له ؟ لا استطيع غير شكره :cool: فالف شكر

قلق ورجه
اي والله بالفعل غريبة نوعا ما لكن وش اسوي ؟

STS4ever
لي رجعة مع بعض الامور
المهم انا انتظر موقعك بفارغ الصبر ...ايميلي هوmajed945@hotmail.com

بخصوص الصور : ان شاء الله ستظهر الليله الساعة 12مساء تقريبا ....وش نسوي ..حكم موقع جيران علينا

راجع ايميلك

السلام عليكم ورحمة الله وبركاته


شكرا عزيزي أس 8 والله التجربة ثرية جدا مع سياره فخمة فخمة بمعنى الكلمة


المواصفات الي فيها كثير من السيارات الفخمة تفتقد اليها

وتجربتك كفت ووفت الله يجزاك عنا كل خير

رغم شهرة كاديلاك بالمشاكل والخراب هنالك سحر فيها

لما تركبها تحس انك ملك او امبراطور فخامتها غير طبيعية

من يوم احنا صغار ونسمع عن الكاديلاك والرولز رويس

رغم اني احب المرسيدس لكن الحق يقال ماتمر كاديلاك الا واطالع فيها وادقق واحترمها لاني احب هذا النوع من السيارات الفخمة والقوية

رغم ان الصور ماطلعت عندي للحين بس الكلام كفى ووفى وان شاء الله نشوف الصور اليوم

تحياتي لك والف شكر على الموضوع الحلو