السلام عليكم.

----

يصل التخلف بنا أحياناً إلى مراحل متقدمه وعجيبه..
وكل واحد وله طريقة التخلق الخاصه فيه..

مثلاً لوبيز يقوم بنص الليل يقعد يغني ويهذري على نفسه.

ونواف ابو احمد يولع اللمبه ويقعد يفكر شوي وبعدها تلقاه نايم..

وماتشلس مثلاً يقوم بنص الليل يروح عند ولده محمد يتأكد من الرضعه ويرجع ينام..

لكن اللي صار معي..

حادثه غيبه وتعتبر من حالات التخلف التي تحدث في العالم الثالث وبلاد ما وراء النهرين..

حدث اني.. للأسف كل الاسبوعين اللي راحوا احط جوالي على المنبه عشان اقوم اصلي الفجر لكن كل يوم يصير معي شي أطرف من الثاني

ولكن اللي حدث قبل أمس أدهش الأمور وأكبرها غرابة.

كنت مخلي نغمة التنبيه نفس نغمة المكالمه.. وكنت شابك الجوال في الشاحن وشابك الشاحن بتوصيله في الكهرب.. عشان اضمن يكون الجوال اقرب مكان مني عشان يكثر الإزعاج.. ولعلّ وعسا اقوم اصلي.

المهم... لما جت ساعة الصفر.. والوقت المشهود.. بدا يدق الجوال..

انا ما صحيت إلا بعد فتره وانا بكامل النوم.. واقول له.. بس..!! ولا كلمه اسكت.. قسم بالله لو اقوم لاتوطى في حوض بطنك.. لا تكون انت سبب في تدمير نفسك إذا قمت عليك..ويا حمار ويا الي فيك ويا منحطّ ويا سافل كل شي قلته.. بعدها شفت ما فيه فايده منه.. ماهو راضي يسكت!

قلت اوريك وانا ابو فوزي.. وانا اقوم واسحب الشاحن من الجوال. لكن برضو ما سكت.. وانا ازعق بأعلى صوت.. وااااااااااااااااااااااااااع ما تفهم انت..!! .!!

اوريك يا انا يا انت.. واروح وافصل التحويله من الكهرب..!!

لكن للأسف ظلّ الصوت يشتغل..وانا امسك الجوال ناوي ارميه على الجدار.. واشوف المنبه ويدق والوقت.. وانا اضحك ذاك الضحك الغبي... واسكر الجوال وارجع اكمل النومه

وش رايكم بالتخلف.!!؟

للأسف الذريع قديمة وغبار..

بس صراحة اكتشفت قمة التخلف عندك ... وما أدري أنك مجنون ..


أجل اللي اسويه أنا اهون .... أنا أحيانا اقوم من النوم واشرب موية وارقد ... وانسى أصلي...

طيب وش اسوي لك.!

اجل قديمه انت وشعرك..!!

روح بلا بشكلك

احلى حاجة في الموضوع

هو اعترافك :rolleyes:

يعني الموضوع بايخ..!؟

احلى ياابو فوزي

:p :p :p :p

مشكور على السالفة الغريبة

فهودي..

ما يمديك على الدلع

بس وش رايك بالدلاخه

الاشواق.

راجعي ردي على المقتبس منه

العفو على الرد الغريب

ابوالفياصل



انا ولد ;)

قلتهاا بنفسك متخلف



الله يشفيك

تصدق ما كان جابك إلا إللي ياخد سلك التوصيله ويبطك على ظهرك إلين تعقل

وااااااااااااااااااااو

وش هالسالفه الغريبببه مررررره ..



ومشكوور علىالاعتراااف .يابوفوزي .



تحياتي لك .

لا مو بس انت يا بو فصفص

حتى آنا

مرة كنت منبه الجوال جنبي وانا نايم ولما جت ساعة الصفر بدا الجهاز يرن فاستيقظت وشفته وقلت منو هذا الي حاط منبه صج مو صاحي واطفيه وانام وتروح علي صلاة الفجر

هههههههههاااي
بصراحه موقف عجييب..

خخخخخخخخخخخخ


أنا اوقت الساعة.... وبعدين أقوم واسكرها

واقول برتاح شوي وبقوم اصلي

ارجع انام




بس عمري ما تهاوشت مع الجوال !




:banana: :banana: :banana:

توين كام.

شكلك متعود دايم يلسبونك لين تتأدب

كمارو..

وش رايك بالمخ بس

تارجا..

فعلاً ماله حق اللي حاط المنبه

لسعوني مايلسعوني مو شغلك

أهم شيء أنك طلعت متخلف وبس :p

البدره

هلالية..

اللي صار هذا ضريبة القوه

توين كام..

بحكم انك ما تفيت التلسيب عنك.

معناها انهم يلسبونك

أنا في البيت ولله الحمد يعتمدون على

أهلي أصحيهم للصلاة ..قولوا ماشاء الله

. بس يرتفع معي الضغط لما أصحي أخوي

يتصرف مثلك بالضبط أبو الفياصل