السلام عليكم ورحمة الله وبركاته

كيف حال شباب سوالف من زمان ما كتبت موضوع

أعذروني على قلة الصور
بصراحة صورتهم بالتلفون وما توقعت أني أقدر أحطهم على الكمبيوتر



شكل اللكزس الخارجي جذاب و ملفت للنظر خاصة مع اللون الأحمر..جربت السيارة بعد ما فتحت سقفها
السيارة هادية لدرجة كنت أفكر أني ما أنتبه لصوت العادم إلا بعد ما أطفي السيارة.
علشان تقدر هذه السيارة لازم تنزل سقفها بصراحة تسوى قيمتها التي برأيي رخيصة (205000 درهم)
طبعا المقاعد الخلفية للزينة أكثر من أنها عملية
لا يستطيع أي شخص بالغ الجلوس في الخلف خاصة إذا السقف مرفوع



بالنسبة للتجهيزات
تحتوي السيارة على كل شئ ماعدا شاشة تلفزيون وهذا عيبها برأيي
ولكن مسجلها أفخم نوع (مارك ليفنز) أذكر قيمة هذا فقط في أمريكا بين 3-4 ألف دولار

عداد السرعة الوحيد في لكزس ذو 280 كم\ساعة

الثبات
اللكزس هذه نظام تعليقها مختلف كليا عن أي لكزس ثانية
تحس في السيارة بأنها سبورت مع قدر من الراحة الجير الأول قصير ويسمح للسيارة بتسارع ممتاز



بصراحة قيادة السيارة هذه متعة وعملية كأي لكزس ثانية
ولكن في رأيي المشكلة الوحيدة في قلة الطلب وخاصة عند بيعها

عند تجربة السيارة لاحظت مشكلة الحساس للسقف بعد إغلاقه يبين أنه مش مغلق
وهذه العطل تم إصلاحه في الوكالة

**************************
أي سؤال أنا حاضر

السلام عليكم


سيف الامارات


تجربة فريده بصراحه لسياره متميزه وشخصيه


ياليت تنزل لنا صور اكثر اذا كان عندك


فالصوره تسوي شغل وتغنينا عن الف سؤال

يعطيك العافيه والف شكر على التقرير عن هذي السياره المميزه ، بس ملاحظ ان شكل عدادات السرعه في شبه كبير من العدادات الخاصه بالمرسيدس SL 500 وفي الحقيقه هذا مش شبه هذا تقليد 100 %

امر اخر او تصحيح لما قيل بان هذا العداد هو الوحيد من لكزس المرقم حتى 280
والحقيقة ان اللكزس LS400المواصفات الاوروبية وخاصة الالمانية عدادها مرقم الى 280 ك من اول موديل لها ....اعتقد 90 ميلادي

وشكراً

بداية شكر خاص على الموضوع.احس ان مبلغ 205000 على ياباني وايد. ادور لي M3 مثل اخونا اوتنجر وايد احسن.

والله حلوة فخمة سريعة بس ملاحظاتي عليها
لو ماكان في كراسي خلفية افضل وتكون المساحة في مصلحة السائق بدل انها زينة
السعر غالي واكيد اذا صار لها حادث اول خراب بتدفع مبالغ نار

ما اعتقد ان مبيعاتها بتكون عالية لأن سعرها غالي وتعدد البدائل

تجربة متميزة بالفعل ;)

السياره رغم ان الكثيرين يستكثرون هالسعر فيها الا اني ضدهم
ولد عمي اشترى وحده مواصفات خليجيه ( اول وحده في ابوظبي )
و نفس اللي فوق بس اللون الداخلي يختلف... و استعملها في الامارات و الحين شحنها بريطانيا و يستعملها هني, السياره مريحه جدا ( باستثناء الكراسي الخلفيه) و عمليه لاقصى الحدود و احسن ما فيها لكزس يعني الحمدالله خرابها شبه معدوم ( تويوتا) و قطع غيارها اسعارها مناسبه و الصوت شبه معدوم من الداخل و الخارج.. الحين السياره كملت فتره عنده و لين الحين ماشي مشاكل ابدا ابدا ( من حر البلاد لين بريطانيا و مطرها و ثلجها) و بالنسبه لسعرها اعتقد انها اكثر من جيده... هذا عن تجربه شخصيه مطوله مع السياره و هذا اهداء مني
http://store3.yimg.com/I/ntnsracing_1740_11844349

مشكور أخوي سيف الإمارات على الصور والمعلومات لكن عيبها الكراسي الخلفية يريت يشيلوها لأنه مالها داعي وسعرها مبالغ فيه.

تحياتي

يعطيك العافية اخوي سيف الامارات على التجربة وفعلا السيارة قمة في الروعة وافضل ميزاتها تجاوبها على السرعات العالية والمنعطفات الحادة

لكن اسمحلي انا زعلان منك :( :( قطعتني وصرت ماعرف عنك لاحس ولا خبر من فترة طوووووووووووويلة .

تحياتي لك
روح الامارات

انا اشوف ان السعر مناااااااااااااافس جدا ورخيص على سياره بهالمواصفات...لاكن شكل الجنوط لك عليهم شوي

ما أوافقك، هذه ثاني مرة اليوم أكتب نفس الملاحظة تقريباً (الأولى كتبتها في موضوع AMG عن سيارة مرسيدس V-class الجديدة)

SL من مرسيدس جاءت بعد لكزس SC430، والجديد يأخذ من القديم، يعني لازم نقول إن مرسيدس قلدت لكزس!

^1

أحب أشكر المشرفين على تثبيت الموضوع وجزاهم الله خير

زورو الامارات عندي صورة واحده ما حطيتها .. وإن شاء الله بحطها في الموضوع ....

E_TYPE
بنزل الصورة المتبقية عندي قريب إن شاء الله

مسولفي
بصراحة ما لاحظت الشبه في العدادات بينها وبين ال500 SL
بالمناسبة كانت لي تجربة قبل سنة مع المرسيدس SL500
وبصراحة من ناحية القوة حسيت في فرق بين السيارتين على سرعة 120 وفوق
المرسيدس أقوى بشكل واضح

**********************************
S8
كان قصدي أسواق الخليج فقط
وبصراحة نسيت أن اللكزس الألمانية عدادها 280

745 & camaro4ever
ب205 ألاف تقدر تشتري أم3
ولكن هذه السيارة تصنيفها غير عن اللكزس الكوبيه
حتى الأم 3 الكشف ما تتصنف مع اللكزس في فئة الرودستر

أريدكم يا شباب تروحون موقع اللكزس في امريكا وتشوفون فرق السعر
بتلقونه أقل شئ 20 ألف درهم إذا ما كان أكثر

********************************************
بوعبود الكراسي الخلفية لعدة أسباب منها التأمين يكون أقل سعره ثاني شئ فئة السيارة ال2+2
لكزس ما تريد تغيرها
بالنسبة لقطع الغيار أكيد غالية لكن ما بتحتاج تدفع قيمتها إلا إذا صار حادث لا سمح الله
*******************************************
AMG
أشكرك ;)

Crower

أشكرك على الصورة الحلوة
شكل السيارة فعلا متميز على الطبيعة أكثر من الصور
أذكر أول مرة شفتها في امريكا على الشارع.. العالم ما قادرين يشلون عيونهم من عليها
*********************************************
حاكم العدل
فعلا الكراسي الخلفية ما توسع كرسي أطفال ولكن أتوقع لهم حاجة مستقبلية لهن.

^1

روح الامارات أول شئ أحب أعتذر عن إنقطاعي وأرجو أنك تسمح لي
الفترة الأخيرة كانت صدق متعبة بالنسبة لي كلها شغل وسفر.

برسلك على الإيميل البقية
;)
****************************
غريبة أنا عجبني جنوطها

*******************************
سردال
جزاك الله خير على الملاحظة
اللكزس نزلت قبل المرسيدس بسنة تقريبا

هذه الصورة الوحيدة المتبقية عندي وأعذروني على وضوحها



:rolleyes:

أنا من رأي الشخصي أن اللكزس جميلة و رائعة و عملية و سعرها معقول نسبيا .

ولكن

بسعر 205.000 درهم ممكن أجيب شي أفضل منها 10000 مرة ( مع احترامي ) عندكم سيارات أوربية كثير تسولى أقل من 205000 و أفضل من اللكزس .

أنا ما أتكلم عن نفس الفئة أنا أتكلم على السيارات عموما

أذكر أن في شخص من سوالف أو في أحد المجلات شفت مرة مقارنة بين مرسيدس اس ال 500 و هذه اللكزس وكانت مرسيدس متفوقة عليها بجدارة و بدون مقارنة في بعض النواحي أيضا

شكرا

SL 55 AMG

^1

760IL
السعر حلو إذا بتقارنه مع مرسيدس الجديد 240 كامل الموصفات (قريب من 200 ألف درهم)!! بس الجنوط حلوات في رأيي

*********************************************
SL 55 AMG
الأختيارات مفتوحة بس كلها تنبني على كم ناوي الشخص يصرف على السيارة

لأسف لكزس تفوقت في دول اوروبا و امريكا بسبب المواصفات والسعر المنخفض بعكس دول الخليج خصوصا السيارة في السعودية 220 الف فرق 15 الف عن الإمارات و بدون مواصفات تستحق انا متأكد لكزس ال اس 430 مع كل الإضافات 180 الف ريال كاش في المانيا سعر منافس في عقر دار المرسيدس و البي ام (المصدر عم الوالد ساكن المانيا و عنده معرض سيارات مرسيدس )...

مشكور على التجربه اخوي سيف الامارات

وبصراحه السياره على الطبيعه افضل بكثييير عن الصور
جنوطها حلوه

وشكرا...

السلام عليكم

سيف الامارات أشحالك هذا أول موضوع من بعد سفرك وعموما مواضيعك كلها موفيده وماشاله عليك بحر في السيارات أعرفك أتموت على السيارات

SL 55 AMG

أن هب معاك في الراي الآحين السيارات الالمانيه أبسعر الكزاس كلها 6 و 4 سلندر يعين مافي عزم وبعدين لآحظ صوت المكينه في السيارات الألمانيه الي موب 8 سلندر أتلآحظ صوت المكينه عالي بدون قوه.
أبصراحه الكزاس سياره لكن ماقارنه بلمرسيدس 8 سلندر أو البيام 8 سلندر.

رأيي الشخصي وأن متاكيد أن سيف الامارات معي في الراي وألا تراني بدعس معاك ههههههههه VTC all the way