السلام عليكم شباب
والله انا محتار بين كم سياره ساعدوني
السياره اللي ابيها هي فورويل
الاستعمال راح يكون في المدينه اكثر من البر
السيارات اللي في بالي مع الاسعار

X5 في اثنين منه واحد في الوكاله 4.4 2003 السعر بعد
الخصم 180000
الثاني موديل 2002 ماشي 55000KM عنابي من برع على عنابي من داخل السياره مره نظيفه السعر 160000



الموتر الثاني نيسان 4800VTC 2003 جديد من الوكاله SAFARI السعر 133000 مع فتحه ABS لمبات غاز وطبلون غاز



الموتر الثالث LAND CRUISER GXR 2003 السعر 133000 دون فتحه دون ABS ومن دون لمبات غاز



الموتر الرابع تريلبيزر Trail Blazer 2003 LTZ كامل المواصفات السعر 105500 طبعا جدد من الوكاله


شورايكم شباب اي احسنهم

ما ظن في مقارنة بين السيارات هذي ...
خاصة ان الفرق بين كل وحده منهم تقريباً 30 ألف ريال يعني الفرق بين الـ X5 وبين الباترول واللاند هو 30 ألف ... والفرق بين الباترول واللاند والبليزر هو ايضاً 30 ألف

والفرق بين الX5 الجديد والمستعمل 20 ألف ....

مسألة الإختيار في هذي الحالة انت إلي قررها ... لأن الفرق مش في المواصفات والجودة بس لكن فرق كبير في السعر كمان...

وعن نفسي كنت اخترت X5 الجديد حتى لو المستعمل ما كان ماشي إلا كم كيلو ... لأن السيارة إذا كانت من الوكالة وتحت يدي راح اعرف ايش خراباتها احسن من المستعمل إلي ما ادري ليش صاحبها باعها

الموتر الثالث LAND CRUISER GXR 2003

X5

الباترول

بى ام وانت مغمض

واحتمال يتغير شكل الباترول والاندكروزر السنه الجايه

إذا عندك عيلـة كبيرة وتطلع بر وهالسوارف خذلك يا اللاندكروزر أو السفاري ..

إذا كنت ناوي علـى كشخـة وفخامـة وراحـة في الخط خذلك الـ x5 و أفضل يكون الجديد عسب تظمن إنه نظيف

أما الـ ltz فما أنصحك تاخذها إلا إذا ناوي توهق عمرك ..