آخ منكم يوم شفتوا فيه هدايا دخلتوا !!
السلام عليكم يا حلوين , كيفكم , وشو أخباركم , وكيف الصحة , إن شاء الله مافيه كحة ...
البارح مانمت بس أفكر وش أحط موضوع حلو وما يقول أبو الفياصل عنه قديم , على فكرة أبو الفياصل الفلوس اللي وعدتك فيها بعطيك بعدين لأنهم أجلوا الاختبار ليوم الثلاثاء ( النقد ) , و اهتديت إلى فكرة جهنمية
وهي فكرة موضوعين في موضوع واحد ... :cool:
الأول : قصتين خفيفتين , ظريفتين , طريفتين , حلوتين , مثلكم .
الثاني : تغيير أسماء الأعضاء , أو بمعنى أصح أنا اخترت لكل عضو لقب لايق له مع ذكر سبب الاختيار >> عارفة أني فاضية .
على فكرة قصة موضوعين في واحد المفروض أفرقهاعشان يكثر رصيدي لأني من يوم سجلت في المنتدى صار لي يمكن 100 سنة وباقي عضو نشيط . والله حاله .
لكن يالله كلها مجرد ألقاب .
الموضوع الأول :
القصة الأولى / وحدة أعرفها أختها عندها ربو ودائما تحس بكتمة ( الله يشفيها ويشفي جميع المصابين فيه ) في يوم من الأيام كانت مسافرة هي وزوجها لما ركبوا الطيارة حست بكتمة مرة مع الزحمة والناس والحوسة يوم جلست داخل الطيارة مرت المظيفة قالت اللي حاس بكتمة فيه الأُكسجين ينزله ويحطه على أنفه , جاء زوجها نزله لها وحطته , بعد شوي سألها زوجها كيف حاسة قالت لا الحمد لله أحسن أحس أني أرتحت شوي , يوم مرت المظيفة , شافت الرجال ماسك حق الأُ كسجين بعد ما شاله من زوجته , قالت له : افتحه من هنا لأنه مسكر , طلع الأخ والأخت حاطينه بدون مايفتحونه , طبعا هي طاح وجهها , قعد يناظرها زوجها ويقول : أجل تحسين أنك أحسن .
القصة الثانية / صراحة تحزن مرة :( وفي نفس الوقت تضحك
, وحدة من صديقاتي عندهم مزرعة , وفيها أرانب , تقول لي فيه أرنوبة عندنا كل ماحملت تسقط , وكل ماحملت تسقط , تقول أخوي ضاق صدره عليها جاب لها طبيب بيطري , بعد الفحوصات والتحاليل , قال الطبيب , مافيها شي , بس الرحم عندها ضعيف , فإذا دخل عليها أحد فجأة تخرعت وسقطت
, شفتوا الأرنوبة الرقيقة , عاد أنا قلت لها يا أختي خلي عندكم دم ومرة ثانية طقوا الباب عليها قبل تدخلون .
*********************************
الموضوع الثاني :
طبعا الألقاب هذي مجرد اختيار مني شخصياً للأعضاء , يعني أحس أنها تلبق لهم , أو هي إهداء متواضع مني لكم ..
أبو الفياصل : ( الأستاذ ) لأنه أستاذ في خفة الدم , وروح الفكاهة , والأخلاق العالية .
لوبيز : ( الفيلسوف ) لأنه يجمع من الفكاهة , والأدب , والرياضة , والثقافة , مايؤهله ليكون فيلسوف , وتكفي روحه المرحة , وأنه مشرفنا .
دمعة لم تجف : ( الأسطورة ) وهو أسطورة في الإبداع الفكاهي , وله خطوط ذهبية في مجال القصة , والطرفة المحببة , وله حضور كبير .
صقر بن حوران : ( الإمبراطور) لأنه بحق إمبراطورية تحوي داخلها الأخلاق , والثقافة , والاحترام , ويكفيه أنه لاتأخذه في الحق والدين لومة لائم .
ماتشلز : ( الحبوب الأنيق ) عضو رائع , حبوب , دمه خفيف , له طلة خفيفة ظريفة , وعندي احساس أنه يهتم بأناقته كثيييييييييييييييير ما أدري ليش .
تعبان : ( المتميز ) عضو متميز حتى في اختياره للون كتابته لون متميز , أحس أنه خدوم , وراعي فزعات .
الهاااادئ : ( الرايق ) من اسمه أحس أنه هادي ورايق , عضو خلوق مواضيعه حلوة , وخفيفة .
محامي الزعيم : ( المتحمس ) دائما متحمس في ردوده , ولو يترك عنه التعصب , كان ياسلام سلم , إلا أنه بحق يعتبر زعيم .
**********************************
سيومة : ( أميرة القلوب ) عضوة رائعة , وأخت عزيزة جداً تستطيع أن تكسب قلوب الناس في فترة بسيطة , لها حضور ذهبي , ومواضيعها كالدرر.
شوكولا : ( ملكة الزهور ) كأنها زهرة في المنتدى , بل هي ملكة زهور المنتدى , تتمتع بروح شفافة , وقلب كلون زهرة الفل .
الواحة [/COLOR: وما أدراك ماا لواحة ( الطيف الساحر ) باقة من العذوبة , ونوتة موسيقية , عجز عنها بيتهوفن , تمتلك خفة دم فطرية خالية من التصنع وروح رياضية عالية , أحبها بصدق , وأحترمها جداً .
[COLOR=purple]لولي : ( الكتكوتة ) عضوة متألقة تعرف كيف تنتقي مواضيعها .
الرومنسية : ( الحنونة ) اسم اجزم أنه على مسمى , واختيار صائب , مواضيعها مثلها , رومنسية , هادئة , حالمة .
Miss_octopus : ( حورية المنتدى ) فهي من العضوات التي تملى سوالف بالدرر , والآلى , متميزة , وتعطر سوالف بعطر البحر .
الفقيرة لله : ( عطر المنتدى ) فمتى ما أحس منا أحد بالملل , دخل حديقتها ( موضوعها ) ليستمتع برائحة العطور العبقة .
فراشة الربيع : عضوة تحبكم كلكم .
*******************************************
*أعتذر للأعضاء الذين لم أذكرهم , فكلهم نجوم في سماء سوالف .
*من الممكن أن يحس الأعضاء أن هذا الموضوع سخيف , وماله داعي , فأرجوا منهم المعذرة , وأن لا أكون قد أخذت من وقته , وهذا ما استطعت تقديمه .
* أبوالفياصل أتحداك تقول قديمة .
بالنسبة للهدايا أبو الفياصل حلف أنه هو اللي يقدمها نيابة عني
عرض نسخة للطّباعة |
ارسل هذه الصفحة لصديق]
