سلالالالالالالام شله
كيف الحال
الساعه الان تشير الى السابعه صباحا
وانا لم انم لسه (ايش الفصحى دا)
تصدقو كان اول امس في جده مطر
غرقنا والله
احلى مافي الموضوع اخدت بنت خالي الصغيره اوريها المطر
بعد ماخلص
تقولي لالو (دا الدلع بتاعي بلغتها)
المهم تقولي لالو توووووف (شوفي ) بهر (بحر)
على المويه الي مغرقه الشارع والله انها صادقه دا بحر بس معكر والسمك فيه عباره عن بكتريا
اقول متى حيشوفولنا صرفه في الشغله دي
ولا عشان احنا ينزل المطر عندنا مره في السنه يعني :cool:
ترا دا مش الموضوع بس مداخله ظريفه بس
وفشة خلق :rolleyes:
اني واي
اليوم عديت من مدرستي القديمه
وصعقت
صعقت صعقه مابعدها صعقه
مين الملقوف ابن الملقوفه الي مسح الكلام الي على الجدار
كان مكتوب كلام خطير مدري مين الي كتبه بس كان رمز لمدرسنا صراحه
والي كاتب الكلام فنان
مالهم المدرسه يشيلونه
من ضمن الكلام
كان في بيت شعر واحد اهبل يحب بنت في مدرستنا يكلمها بالتلفون بس
والبنت قالتله انها فلته وقمر اربعطاشر رغم انها شبه المطب الي في الشارع
المهم كاتبلها اغنية : لو يسير الشوك دمي او سواد الليل همي
مادور احد وكيف ادور بعدها
الاهبل لو شافها كان انتحر
وكان في واحد مدري عنه كاتب ايميله في كل حته
لو لم تخني الذاكره كان كتبته
والحجه الي تبيع في مدرستنا كانت كاتبه عليه بالطباشور التخين
مدري وش هي اللغه اظن كانت تراجع دروس محو الاميه :rolleyes:
وبرضه كان في رسمه حلوه
تعرفوها الرسمه العبيطه اياها قلب وفي وسطه سهم ودم دم دم ينقط
وكان كاتب : في ذي المدرسه سكينه (knife) يعني مو اسم البنت سكينه ،،،المهم
في ذي المدرسه سكينه جرحت قلبي ومابقى في القلب غير الاذين الايسر
وهرج كثير والله السور كان معبى كلام
خساره صبغو بويه
حتقولو انتي منت حضاريه
اقلكم ذكريات الصبى ياشباب
الا ليت الشباب يعود يوما فاخبره بما فعل المشيب
myتحيات
عرض نسخة للطّباعة |
ارسل هذه الصفحة لصديق]
[img]
