كفاية تعتقد إني غشيم وما أعرف الحب
أنا لولا صروف الوقت كنت الحين أستادك

تحاول تدعي الطيبة وفي صوتك أشوف الكذب
وأمشّيها عشان أشوف وين تصير أبعادك

حبيب الكل لا تحسب على مثلي تجيد اللعب
أنا لي في الهوى خبرة تفوق سنين أجدادك

إذا تبغي حياتي تهون حتى دون ما تطلب
وإذا دار الزمان وطحت تلقاني أنا اسنادك

عباراتك ترتبها ، وتحسبها بتترتّب
ولا يخطر على بالك بأني أفهم مرادك

كفاية لو سمحت أرجوك لا تتعب ولا أتعب
لا تنغّص على ارقادي ولا انغّص على ارقادك

أنا لي في الحياة دروب ودربك ما أشوفه درب
وعقلك لا يزال صغير بالنسبة لميلادك

تظن أن القلوب العاب وتتمنى معي تلعب
واتمنى أنا تصدق ولو مرة بميعادك

ــــــــــــــــــــــــــــــــ المتحجرـــــــــــــــــ