السلام عليكم شباب ...

انا عضو جديد وما اشارك وايد , لذلك يمكن ما تعرفوني :p على العموم ..

اليوم العصر كنت طالع من الجامعه (جامعة الشارقة) , رايح لدبي ..

المهم استلمت خط الامارات :cool: وهو معرووف بالسباقات اللي تصير فيه .. انا عندي لاند كروزر 2001 سماوي 6 سلندر ومستلم الخط السريع وامشي بالراحات يعني 90 كيلومتر تقريبا ..

وشوي والا المح ذاك الاند اللي ( يـديـم ) يعني يعطيني فول لايت .. قلت استلم الخط وياه يا ولد :cool: .. واحط الغير بالــ 2 ..
( قيراوتو ) ..واخذت الخط الوسطاني .. طبعا هو وصلني طااااير وانا توني دااايس ..
طااافني تقريبا سيارتين او ثلاث .. وادووووووس .. وتمييت وراه الين ما وصلته ..
واخذت الخط الوسطاني مرة ثانية .. والحين انا وهو بجنب بعض ..
ونمشي تقريبا 195 كيلومتر .. طبعا فصل عندي .. واكيد عنده ..
ومستلمين الخط .. وشوي ولا نيسان وسط مستلم الخط ويانا ..

الصراحه كان سباق عجيييييييييييب .. كلنا على نفس الخط , الاند كروزر الاول ماخذ اليسار وانا في النص والنيسان ماخذ اليمين

وتمينا في الخط الين ما وصلنا قريب حراجات العوير ( اللي ساكن بدبي يعرفها ) .. وخفينا السرعه بعدين .....

من حسن الحظ ان الشارع كان فاظي من السيارات تقريبا ...

السباق هذا اعتبره من احلى السباقات اللي جربتها .. لان المنافسة
كانت متساوية تقريبا في الخط .. على العموم .. انتظرو قريبا مجموعه من المغامرات والسباقات الحلوة والمثيييرة ..

تحياتي للجميع : اخوكم عبدالله .. ss 2001

السلام عليكم
اخوي
الاستيشن ال6 معروف بقوته و هو ما عليه كلام
بس حبيت اعرف النيسان الي كان معاكم كان 2002 او من الموديلات الي قبل 2002
لان لو ان النيسان كان موديل 2002 اتوقع انه يروح في الخط
انا مجربنه و يقفل عند 205 كلم

هلا اخوي corvette 40th

حياك الله الغالي

النيسان كان موديل 96 او 97 اعتقد .. ما اتذكره عدل ..

بس كان ستاندر يعني , اللهم تواير التسعمية اللي عليه ..

بس كان قابظ الخط ويانا ..

والنيسان اليديد ما عليه كلام , معروووووف طال عمرك .. واكيد يفرق عن الجديم بأشياء كثيييرة .. ومنها القوة .. صح ؟

تحياتي لك حبووووووب ..

اهلا

بغيت اتخبرك عن يكون النيسان ذهبي و رقم بوظبي

كبسولة طبعا

هلا اخوي ..

لا مب ذهبي .. كان ابيض .. باب واحد .. عليه اريل طوييييل
يطلع قناة mbc بعد ;) ههههه ...

تحياتي لك ....

اقوول Crower .. اليوم شفت نيسان ذهبي باب واحد عند الجامعه ..

كان واقف برى ... مكتووب على الجامة الخلفية ( بن عمير ) بالانجليزي ..

عليه رقم بوظبي احمر ..

يمكن تقصد هالنيسان ... ؟

سبحان الله الناس في جهاد وفي قتل والإسلام يهاجم وحنا مازلنا في التخلف .

وبعدين من قللك يابابا إن اللي يفوز هو السواق ؟ إذا كنت تعتقد ذلك تعال بسيارة موديل 74 وواحد معه سيارة مرسيدس مموديل 2002 شف من اللي يفوز.

وبعدين تخيل لو صار حادث هل تتمنى ن تكون0 مص0اب بشلل رباعي

أو يصلون عليك صلاة الغائب ؟


عموماً في مثل يقول ( ماهوكل مرة تسلم الجرة)

والله المستعان

اهلا اخوي ماجد

اولا من قاللك اني سواق ؟؟ ومن قال اني فزت بالسباق ؟؟

وبعدين كل واحد له الحرية انه يكتب موضوع , بس بحدود الاخلاق والادب ..

وما اظن ان اللي انا كتبته مخالف لقوانين المنتدى ..

وبعدين ترى هذا قسم خاص لهالمواضيع , يعني كل المواضيع سباقات
ومطارحات , واذا انت ما عجبك عالمنتدى لا تدخله ياخي ..

في ألف منتدى غيره اكتب فيه اللي يعجبك .. وخل الناس تكتب اللي تبيه على راحتها .. ونصيحتك هذي اتقبلها , وانت على العين والراس