القصيدة مهداء الى الأخصائي أحمد

يا أستاذ أحمد تراك انته ماقصرت ويانا

بكلامك الحلو زرعت الأمل في قلوبــــــنا

خليتنا نحس بأمنا وأبونـــــــــــــا

وقلت لنا:إنهم يبون مصلحتنــــــــــا

تحملت مشاكلنا وغيابنـــــــــــــــا

ومشيتنا على قد عقولنا وإحترمتنـــــا

حاولت إنك إتجمعنا وإتكلمنــــــــــا

وقدرت وتكلمت ونحن إستمعنـــــــــــا

نحن نقول لك:شكرا من قلوبنــــــــــا

لأنك ياأستاذ احمد وقفت وقفة الأب ويانا

************************************************************
طبعا هذي القصيدة انا كتبته رد على المحاضرة يوم الثلاثاء
اللي سواه لنا في المدرسة ، لأن انا والشلة كنا شارديـــن
من المدرسة وغيابنا عن المدرسة كان متواصل دون انقطـــاع
ولم سمعنا كلامه والله يا شباب عرفنا قيمة العلم وخلانا نحــس
بامنا وأبونا اللي يشقون علينا لأجل يكون لنا مستقبل جيد
طبعا المحاضرة كانت ساعة بس بصراحة تأثرنا بكلامه وايـــد
ولم انتهت المحاضرة جلست انا ويا الشلة وفكرنا شوية عرفنا
أن نحن كل اللي نسويه خطأ وجلسنا نتذكر الأيام اللي راحت
من عمرنا في الدراسة ولقينا إن نحن ما كنا مهتمين في الدراسة
وناسين الأهل ،وما حصلنا على شيء غير الضرب والأهانات وغيره
تصدقون يا شباب واحد من الشلة كان يصيح بصوت عالي ويقول:
كله منكم ياالربع خليتوني منحرف ما أعرف منو اهلي وخلاني
ضيعتوا أيام من عمري كله في اللعب واللهو ما قلتوا لي :
انه هذا زين وهذا شين علشان ما اسويه واتجنبه
انتوا دمرتوني وخليتوا الناس يأخذون فكرة سيئة عني مع انه
انا كنت ولد طيب ومستقيم وما اسوي مشاكل بس الحين انا غرقان
معاكم بالمشاكل .
تصدقون ياشباب واحد من الشلة راسب سنتين في اول ثانوي وحتى
هذا كان يقول : انتوا سبب رسوبي وضياعي انتوا السبب
انتوا وانتوا وانتوا بصراحة كان يبانا مصور علشان يصور
المشهد الحزين .
بس نحن قلنا حق بعضنا انه نحن بعدنا صغار ويمكن نحسن وضعنا
اللي نحن فيه الحين .
أنا قلت لهم : يا الربع ترى الواحد مستحيل ما يخطئ
وانسوا اللي راح من عمركم وفكروا بالمستقبل ولاتيأسوا وتفاعلوا
بالخير وهذي هي الدنيا مره تغيب ومره تصيب .

تصدقون كنت أقول لهم ها الكلام وانا في عيوني دموع الندم
لأن الجلسة كانت عندنا نفس العزى الكل يصيح وندمان على
على فعايله .

** وعرفنا أشياء كثيرة من خلال محاضرته في
عرفنا من كلامه أن الأستاذ في المدرسة همه الوحيد هو انه يعلمنا
ويرشدنا الى الصواب
انا اقول لكم وبكل صراحة انه نحن كنا ما نحس بالاستاذ في المدرسة
كنا ما نحترمه وما نسمع كلامه وكنا نعتبره انه هذا الشخص عدونا الوحيد .
كل يوم ضرابة في الصف وشتم ولعب ولهو وما كنا نهتم بكلامه وكنا نعطيه بو لباس والله ما اقص عليكم ،

بس والله يا شباب بعد اللي سمعنا من أستاذ احمد عرفنا قيمة العلم
وعرفنا انه الأستاذ كنز لازم نحافظ عليه ونحترمه
وعرفنا انه هو صانع الشباب والرجال والاجيال وغيره من الفئات
وعرفنا ان الانسان بدون العلم مايسوى شيء وما يقدر يبني وطنه
ومستقبله .
وأنا اتمنى يا شباب انكم تحسون بالمعلم وتهتمون بكلامه وايد والله العظيم ما راح تندمون ، وأهم انكم تحترمونه وتحطونه على راسكم
لأن بصراحة كل اللي يسويه والله علشانكم وأأكد لكم انه هو مو ضدكم
هو وياكم والله العظيم

والله عندي لكم كلام كيفكم بس ما أبا أعور رأسكم


مع التحيات :راشد من المنطقة الشما ليـــــة

طــــــــــالب في مرحلة الثانويــــــــــة

اللي بحث عن الأمـــــــور الايجابيــــــــــة

يحب الناس وهو ضد الــــعنصـــريــــــــــة

ويهمتم بالقضــــــايا الشبابيـــــــــــة

بس مشكلته مايقدر يملك نفسة بالعصــــبيـــة

وما يعرف بالأمور الحسابيــــــــــــــــــة




وأتمنى لكم التوفيق

أي واحد عنده كلام عن ها الموضوع او عنده شيء يرد يخبرني

هذا هو ايميلي

alawzi2000@hotmail.com
ولو في كلام على القصايد خبروني