ياشباب نبي رايكم :
اي السيارتين افضل الانفنيتني الجديده 2002 او لكزس 430 الجديده 2002
لكن قبل الحكم اعرض لكم بعض مواصفات السيارتين :

> اولا الانفينتيQ45 :
محرك 8 سلندر مصنوع من التيتانيوم بقوة 345حصان
حجمه 4,5 لتر
التسارع من صفر الى 100 كلم خلال 5.8 ثواني
السرعه القصوى 260كلم في الساعه -
-اضواء زينون سباعيه متعدده السطوح

بقية المواصفات والصور في : http://www.infiniti.com


> ثانيا اللكزس LS430 :
محرك 8 سلندر بقوة 290 حصان حجمه 4,3لتر
التسارع من صفر الى 100كلم خلال 7.6 ثواني
السرعه القصوى 245كلم في الساعه
اضواء زينون احاديه
بقية المواصفات والصور في : http://www.lexus.com

اتمنى من الجميع المشاركه بعد مشاهدة المواقع
والتصويت بجديه مع ترك العواطف جانبا

موضوع ممتاز يا دايم النور

بس ارقام اللكزس غريبه شويه
على حسب كلام مجله ROAD AND TRACK
اللكزس قومتها افضل بقليل من الانفنيتي
هو صحيح ان الانفينيتي اخف و محركها اقوى
و لكن اللكزس تمتلك غيار افضل و متطور اكثر من الانفينيتي
و هذي هي الارقام التي حصلت عليها المجله
اللكزس 0-60: 6.4
الانفينيتي 0-60: 6.5

اقرا المقال
http://www.roadandtrack.com/RoadAnd..._ls_430_p1.html
شكرا

أشوف اللكزس أجمل في الشكل

أخوي دايم النور ....

ورقياً ... ( يعني مواصفات مقروءه على الورق )
الإنفينتي ... أفضل من اللكزس ..

لكن فعلياً .. لاأحد يستطيع تأكيد الأفضيله .. الا بعد التجربه الفعليه للسيارتين ..



تحياتي ,,

مستحيل ان الانفنتي تصير احسن من اللكزس ولو تميزت الانفنتي على الكزس ببعض الاشياء ما حتصير زي عراقت واسم وفخامت الكزس ورزته واسمه بين الناس وكذلك العمليه والجوده والمحافضه على السعر فالانفنتي تقدر تقول بذات الشكل القديم نسخه من المكسيما نسخه مكبره وكذلك الجديد اكيد نفس المكسيما فمستحيل يصير زي رزت الكزس...... وسلامتكم

بالمناسبة انا عندي تحدي مع احد موظفي انفينيتي عنها وعن اللكزس من الافضل ....زتأخر التحدي حتى نزولها لللأسواق
والظاهر انها قربت
دعواتكم ياشباب ,,,ترا فيها كلام كثير

يااخ كورفيت انت لو دخلت موقع انفنيتي بتشوف التسارع من صفر
الى 100كلم خلال 5,8 ثواني
وبعد موقع http://www.car.com

اما الاخ مقناص حنا يامقناص طلبنا ان تكون العواطف على جنب
واذا قلت ان الانفنيتني مثل الماكسيمااقولك اللكزس القديمه مثل
الكراسيدا والكامري والجديده430 تشبه الافالون
وما اعتقد انه عيب .

أظن أن اللكسز أفضل من ناحية الجوده

و لا تزعل روحك يا دايم النور
الانفينيتي 5.8 لا نقاش فيها
بس انا احب اعرف شو هو مصدرك الي انت جبت منه ارقام اللكزس
و المقال الي انا حطيته عن المقارنه بين اللكزس و الانفينيتي
هو مكتوب على واقع تجربه فعليه قام فيها الكاتب بتجربه السيارتين بنفس الاسلوب و في نفس الظروف
و هو مب شرط ان الارقام الي تصدر من الصانع صحيحه خصوصا
اذا كانت عن التاديه
و طبعا ممكن الكاتب يكون بعد خاطئ (ما يعرف يسوق).

يااخ كورفيت مصدري هو موقع لكزس وانفينيتي
وموقع كار دوت كوم سبق اني كتبته
ومجلات السيارات اللي تكلمت عن اللكزس اول مانزلت
وعلى فكره انت اذا دخلت اي محركات بحث وسويت سريش للانفنيتي
واللكزس سوا بتشوف تجارب كثيره عن السيارتين .
وبعدين الموضوع تصويت اخذ راي الشباب في السيارتين ليس الا
اي وحده افضل بس .

الانفينتي أفضل بمليون مرة من اللكزس

اللكزس

بس لو تكرمتوا اي واحد يختار من السيارتين يقول سبب الاختيار وليش ماختار السياره الثانيه
حتى نعرف وش هي السيارتين في نظركم

بصرااااااااااحة أنا أصوت لللإنفينيتي

صعبه نحكم من الان...

ولكن بالنظر الى المواصفات......لا اجد للكزس اي كرت مع الانفينيتي....

الانفينيتي متفوقه في كل شيء

صدقت يابونايف وانا قلت لكم اني ركبتهاايام تجربتها في الطائف
وجربتها شي خيالي جدا وماتسوى اللكزس شي عندها
سياره مالها منافس ابدا حتى الان

يا شباب وين المشاركات نبي تفاعل اكبر

تحية طيبه للجميع

اخوي دايم النور مرحبا بك


تعليق بسيط
وجربتها شي خيالي جدا وماتسوى اللكزس شي عندها
سياره مالها منافس ابدا حتى الان


جربت الكزيس ls430 الحين

لا تحكم على السيارة الثانية دون ما تجرب



القاعده معروفه

والدليل انتشار الكزيس رغم ان الانفنتي اقدم من الكزيس


اكيد الحين بتكون هناك منافسة قوية بس شوف

سعر الانفنتي على حسب قول المندوب بتكون فوق 220.000 ريال

الكزيس سعرها 215.000 ريال

يعني الفرق بسيط جد

بس مين راح يدفع هذا المبلغ في سياره اتوقع سمعتها ( في السعودية ) اقل من الكزيس....

يعني شوف السعر

اتوقع مراااااااااااح تهز الكزيس

والأيام تثبت لك الشي هذا

مساء الخير اخ مسمار
انا جربت الانفينيتي قبل شهر لكني
جربت اللكزس من قبل حقت واحد من الشباب
الانفينيتي احسن هذا رايي
حتى صاحبي تحسف انه شرى اللكزس بعد ماركب الانفينيتي
اما السعر فهو كان 220 الف قبل التخفيض الجمركي

الحين بتنزل بين 180 الى 190 الف ريال
لانها في الخارج بين 46 الف الى 50 الف دولار

انا افضل الانفينيتي بلا منازع

اقوى واحلى واكشخ ويمكن ارخص بعد

الانفنيتي من ناحيه الشكل حلوه لاكن من ناحيه المحرك ماحد يقدر يجزم بانها احسن من اللكزس 2002 لانها لسه مانزلت الاسواق فصعبه نحكم من ذلحين

يااخ مكلارين احنا نقصد الشكل والفخافه والمواصفات
اللي موجوده في مواقع السيارتين واكيد الافضل هنا بتكون
الافضل في الطريق

مشكور اخوي دايم النور

صراحة كذا ممكن نصبر لين تنزل السوق


والسوق ذيك الحزه ممكن نحكم على السيارتين

بس كلها حلوه وفخامه

عزيزي

انا اليوم اول مره اشوف انو توقيعك في بيت الشعر


واذا اتتك مذمتي من ناقص فهي الشهادة لي باني كامل


عموما فرصه سعيده


وعلى فكره دا هو نفس توقيعي ...

مين اللي سوا زي التاني


عموما انا بامزح معاك
لكن بجد انا اول مره اعرف انو في احد في سوالف مختار التوقيع دا ..

وسيم عالم

http://www.dr.waseem.4t.com