الاخ تاكسي
عارف انك بتقول "توك ترد على موضوعي?" بس لاني كنت مسافر الرياض ادور قطع غيار لتاكسيك اللي الظاهر لو توديه الجنادريه كان ابرك
اما من ناحية موضوعك الطويل العريض فانا بعترف بكل شي وقدام الشباب
اولا انا لست ملقوف سابقا ولا حاليا لان نلقوف لايزال حيا يرزق وترا كلامك هذا فيه تحريض على انتحال الشخصيه يعني يودي في داهيه
اما ايام المتوسطه فانا ما اركب مع احد الا معك صح لكن ما سالت نفسك ايش السبب سمعت المثل اللي يقول " ايش حدك على المر قال اللي امر منه" وعلى قولة المثل البنغالي تكسي قرمبع في اليد ولا تسحبها كعابي في القايله لين بيتكم
لكن كله كوم وحكاية الورور هذي كوم الا قبل الورور قاعد تتمنن علي يومك توديني للخباز ما كنك كنت تاكل نص الخبز في الطريق
نرجع للورور وهي تحتمل عدة معاني
اولها وهو المتعارف عليه انها تعني ولد حليوه وانتيكه واخر حلاوه وهذي اشهدكم امام الله اني برئ منها براءة الذيب من دم ابن يعقوب واسالوا البحاري اللي كان متحطم لان شكله ما ياهله يتعرف على بنات لين شافني واعادت تلك الشوفه الثقه للبحاري وطلع من عنتدي على الفيصليه
اما المعنى الثاني للورور فوالله ما ادري وياليتك توضحه
واذا كان جا منا غلط على التكسي فابشر بالحق وما يكون خاطرك الا طيب اما انت فاخو وعزيز وما بيننا حقوق
ترى ما نسيت البركه والضفادع بس خلها مستند ادانه لبعدين
تحياتي اخوي
والعتب مرفووووووووووع
عرض نسخة للطّباعة |
ارسل هذه الصفحة لصديق]
وهوايته اكل السندويتشات بالشطه]
