عرض مشاركة مفردة
الضبع الضبع غير متصل    
مشرف المسابقات والتصوير ۩ السعـوديـــــة ۩  
المشاركات: 4,206
#27  

(قصة الدوسري الملقب بالشمالي وناقته هديه)

مرض الشمالي وطاح طريح الفراش مدة من الزمن وبعدها توفي
طول فترة مرضه كان معزول لأن مرضه كان معدي
وطول فترة مرضه كانت ناقته "الهديه" تزوره كل يوم عقب ماتهضل
ويوم توفي قامت ( هديه ) كل ماوردت على البيت رفعت الذرى تدوره ولاتلقاه وتسري
وعقلتها بنت الدوسري عشان لاتسري كل ليله وتنفر من الابل من حزنها على راعيها
وقعدت الناقه كل يوم تهضل وتعقلها بنت الدوسري والناقه طول ليلها تهجرع ( تصدر صوت يسمى اختلاج والابل تظهره في حالة الحزن خاصه ان فقدت ولدها او راعيها)
ولهم جار يسمعها كل ليله وهي تهجرع وتختلج وقال هالأبيات الحزينه:


مل قلـب هيضـه حـس الهديـه = هجرعت بالصوت من عقب الشمالي
ياذلـول القـرم حمـاي الـرديـه = اصبري عقبه على سقـم الليالـي
ذكرت بالحـب مـن عينـه شقيـه = ذاكـر فـي نجـد خـلان وغالـي
عقـب فقـده ماتوالـف للرعيـه = تطرده ساره علـى روس المفالـي
عزتـي للقـرم حطـولـه بنـيـه = عزتي للقـرم مـن قبـر هيالـي
عادتـه بالكـون يثنـي للـرديـه = ينسـم الحفيـات ريـف للهزالـي

الضبع غير متصل قديم 04-12-2007 , 08:42 PM    الرد مع إقتباس