المشاركة الأصلية بواسطة بشاير

تدري يا مبدعنا إن أغلب أهل الإمارات ما يحبون يتجولون في البلد ... لأننا نحس إن هذه مو بلادنا

الجنسيات بكثرة والمشكلة إن أغلب الجنسيات ما يحترمون عاداتنا وتقاليدنا

تطلع السنتر وله أي مكان ترفيهي وتشوف العجب في اللبس والتعري والحركات ... دخلت مرة إيكيا في عندهم نوع من الأغطية للأسرة يعجبني ... وله أثنين من الأجانب واقفين لما شافتني الحرمه صارت تسوي حركات ما تصير إلا في غرف النوم ... هذا غير اللبس الفاضح في جميع أماكن التسوق للأسف
حتى الهنود والعرب صاروا يتعرون في الأماكن العامة بدون استثناء

وإلي يخليك تتضايق لما تطلع من البيت إن بناتنا علشان يثبتون وجودهم عند الأجانب صاروا يطلعون بأشكال أقرب إلى مناسبات الأعراس ... يعني الوحدة تحط مكياج وتسوي تسريحة وتلبس عباية وكأنها طالعة لحفلة وله عرس مو مكان عام ومكشوفه على الكل

لو يعلم الجميع إن الموت أقرب إلى أحدهم من شرك نعله لتأدبوا مع الله والتزموا أدبهم في اللبس والتصرف ... لكنهم نسوا الله فأنساهم أنفسهم