المشاركة الأصلية بواسطة بشاير

ايه دام كذا رضينا وامري لله... أكيد راح ترضى لأن المسأله فيها فلوس ... وبعد يقول أمري لله شكله مو عاجبه الوضع

فقراوية سوالف شكلها ولقتكم مااحد(ن) معطيها وجه... لو شكرتنا كان الكلام عنها غير ... لكن من سوء حظها إنها خربطت عندنا
وعلى فكرة يا مبدعنا الشعب التايلندي حبيب وبلدهم خفيفة على القلب ... صج البلد فقيرة لكنها تعتمد على الطبيعة الموجودة عندها بشكل كبير ... عندهم البحر والشجر والنهر والحيوانات (عزك الله) مثل السبلان والفيلة والتماسيح ... وهم مستغلين كل هذه الأشياء في السياحة ... يعني في بوكيت طلعنا رحلات بحرية للجزر كانت في منتهى الروعه والرحلة كانت يوم كامل شامله الوجبه والمواصلات من الفندق وإليه ... وعلى طول ما تمشي في شوارعهم الخارجية تلقى الشجر ألوان وأشكال (وأنا أعشق هذا الشئ) وعندهم بعد غابات ما صار لنا نروح لها ... أما النهر فهو يجري في أغلب مناطق العاصمة بانكوك وعليه يعيش ناس أغلب اعتمادهم على النهر وحتى المواصلات عندهم بالقوارب وفيه سوق عائم فيه صناعات يدوية وقوارب الفواكه التايلندية ... ورحنا حديقة الحيوانات في بوكيت وبعد في بانكوك وايد حلوة تحتاج يوم كامل علشان تشوف كل العروض (عروض الطيور والقردة والفيله والدلافين والفقمات والتماسيح) والحديقة كبيرة وفيها مناظر وايد حلوة ... ورحنا حديقة الفيلة وركبنا الفيل (بصراحه يخوف وكسر ظهرنا من الصعدات والنزلات) ... طبعا مراكز التسوق عندهم نفس إلي عندنا لكن الأسواق الشعبية حلوة ... ومستشفياتهم في منتهى الرعاية والنظافة ... بصراحه يا مبدعنا تايلند حلوة وتستحق الزيارة