السلام عليكم ورحمة الله وبركاته

ابكمل باسماء بعض الأعضاء اللي للأسف نسينا نذكرهم .. ويعذرونا .. (كله أمل انه يشوفهم مرة ثانية):

حبيب الكل
أبو غازي
سعودية (اذكر انها اعتزلت رسميا)
نجمة المساء
شذى الورد
شعنونة سوالف
شاهيناز
بياع القلوب
unique يونيك
مشكلة
أسير_الصمت
بودي

و هم بعد اللي ماذكرناهم للحين يعذرونا ، تحياتي لهم جميعا.

-------------------
كنا ديناصورات مستانسة ذيك الايام ... كان منتدى سوالف بالنسبة لنا "جوراسيك بارك" .

كان الموضوع مايطول على الصفحة الأولى من كثر المشاركات والتفاعل (مثل الأسهم) تطلع وتنزل على حسب الردود .. تجي بعد يومين تدوره في الصفحات الثانية والثالثة. كان موضوعك لا كتبته يسوي كذا بين باقي المواضيع.

بس الحين .. كأن الوضع شوي هاديء ... ما ادري هل هو بسبب اقفال التسجيل في المنتدى .. او انه راشين الجو بغاز منوم .

احزني صراحة يوم شفت المنتدى مخدر .. لكن اقترح فتح باب التسجيل (ولا كيف تشوفون يا مراقبين، الا مراقب 555 وينه؟)، لأن سوالف ماشاء الله منتدى عريق ومن اوائل المنتديات على الشبكة ، ووضعه يفترض انه يكون انعش من كذا. ورأس مال أي منتدى هم اعضائه ... طبيعي انه يحصل فتور مننا .. فكلنا بشر .. لكن تجديد الدماء شيء طيب.. ومايحصل هذا الا بوجود شباب وبنات جدد ... حنا شيبنا .. فلازم يكون هناك من يخلفنا .. وماشاء الله عندكم حكماء ومستشارين هنا مازالو موجودين .. من الحقبة الديناصوريه ..امثال سويره وزمرده والمبتسم (هذولي اللي لاحضتهم).. استفيدو منهم ههههه.

ماودي اصير ثقيل عليكم .. ولكم حبي وتقديري.

--------------

بالنسبة لشمعة الجلاس يا سويره .. اذكر انه واحد من الاعضاء نعاها الله يرحمها، كانت فرفوشة وشمعة المنتدى من جد، الله يرحمها .. حزنت يوم سمعت الخبر، لكن كلنا لها.


تحياتي لكم ..

محبكم