عندك المصايف ..
بلودان ..
فيه وادي زاد هذا فيه مطاعم وسيعة صدر وفي الليل فيه مهرجانات ومهرجين وزحمة وناس وسعة صدر وفي مطعم الأطلال حلو وكبير وشرح ..
وفيه النبع اللي موية نازلة من الجبل حلو والموية روعة

الزبداني ..
فيه أماكن كثيرة حلوة والجو فيه بارد بس مو مثل بلودان والناس فيه أهدا وأركد ..
بس الشوي فيه حلو

هذي اللي قرب دمشق وما تبعد كثير ..
السكن في بلودان غالي بس روعة ..

عندك المصايف الثانية على قولة اخوي بدوي ..
كسب :
مكان مرتفع في اعلى الجبل وكله اشجار كانه غابات والجو بارد وحلو بس انه كل اللي ساكنينه ارمن يعني ماهم مسلمين فلا تروح يوم الأحد ولا بتلاقي عرس ولا زيارة كنيسة وبيضيق صدرك لانك بتصير بلحالك حتى المحلات بتسكر

بس المكان يستاهل ينزار ..


صلنفة :
مكان رائع بمعنى كلمة رائع ولو تسكن هناك احسن ..
جو وناس وفرفشة ودبكات وطبول وناس فرحانين ومهيصين
وفيه كزينو صلنفة الدولي ..
مكان فيه قعدة عائلية ومقهى ومطعم خارجي وبوتيكات صغيرة فيه ملابس وفيها بيع اشرطة وجلديات ومن هذا القبيل يعني بزار بس صغير مو كبير حيل ..

صدناية :
هذي ديرة فيها كنيسة يوم 28 جولاي يسون هناك حج المسيحين فيها لا يفوتك يجون كل المسيحين من كل بقاع الدنيا علشان يحجون وانت تفرج وقل يا عزيتيلي

الله يعافيهم ولا يبلانا ..

دير عطيه :
ديرة الأغنياء وفيها كل القصور والفلل اللي على رواقة والتصاميم اللي تجيب العافية

وأنت نازل من كسب .. راح يجيك راس البسيط ..
شاطئ ..
هذا شاطئ الدراويش يسمونه وما عليه حليو بس كله بق الله يعينك والكباين ما فيها مكيفات بس ممكن تنزلون للبحر وبعدها تروحون للبيت اللي انتم ماخذينه مو لازم في راس البسيط

الحين تعبت مرة ثانية من كثر القرق وتعبتك من كثر القراية بس عسى بفايدة

راح اكتب لك عن طراطوس ،، اللاذقية ،، حمص ،، حماه ،،

بإذن الله تعالى ..

تحياتي لك