حقيقه انا استغرب لما الواحد منا يجلس اكثر من ثلاث واربع ساعات يكتب لي شعر ولا خواطر وفي الاخير كله (اسمحولي ) كلام فاضي لا يغني ولا يسمن

استغرب حال الي يجلس يكتب لي على سبيل المثال

(ورايتها واذا بها سراب كل ما اقتربت منها ذهبت وابتعدت)

وفي الاخير يا تلقاه رجل بلغ به الكبر عتيا عنده ما شاالله اكثر من 5 عيال وما زال غارق في اللعب والكلام الفاضي كلام الحب والعشق والهيام .... الخ

فعلا اكثر شي يجيده البعض منا الكلام ولا غير وعلشان كذا نشوف الشي الوحيد الي تميز به العرب الشعر والخطابه وكل ما يتعلق بالكلام العرب اكثر شي يجيده

يعني اتمنى اننا نتبه لاشياء اكثر اهميه في حياتنا ونترك الشعر وكثر الكلام الي ما راح يفيدنا بشي

الواحد الحين اصبح كل همه يروح يشتري مجله تتعلق بالشعر ويجي في احد المواقع وينقل لي كم صفحه من المجله هنا وفي الاخير يروح يكتب تحت العاشق الولهان وهو مايعرف الوزن من القافيه ولا البحور في الشعر ولا جسوره

واسمحولي انا بالنسبه لي وهذا رأي خاص بي اصبحت اشوف كل من يدخل الانترنت ويكتب في الشعر والخواطر اعرف انه لا يمت لها بصله
وانا اتحدى ان الي يكتبون في الشعر والخواطر هنا في الصفحات والمواقع الاخرى ما يخرجون عن اثنين

اولا : يا انه ناقلها من موقع ثاني او مجله وهذولا 90 %

ثانيا: العشره في الميه الثانيين كاتبينها بنفسهم ولكن لا تمت باصول الشعر بأي صله

والي يبغى الدليل يروح يقرا المواضيع زين ويروح يشتري فواصل ولا اصداف ويشوف ان اغلب الي هنا من المجلات هذي



في الاخير هذا رأي خاص فيني اتمنى تأخذونه بجديه شوي
حبيت انبه البعض والي يشوف غير كذا ممكن يرد باسلوب متحضر شوي والهدف اولا واخيرا من هذه المواقع مثل سوالف

قليل من المرح وبحدود وشي من الجديه