|
|
مشرف المسابقات والتصوير
|
۩ السعـوديـــــة ۩
|
المشاركات: 4,206
|
#12
|
إقتباس:
|
""وهذه قصة حصلت لأحد الأعضاء يسردها بنفسه""
|
حبيت اشاركم بهذه القصه ... قبل كم شهر قررت أنا وصديق لي الصيد على الشاطي وهذا الشاطي كل يوم على حال إن جاك رزق أعرف أنك تبي تنبسط وخذ صيد والعكس صحيح .... المهم كان مقرر الطلعه بالليل وقمت بشراء الطعم وكان خثاق(حبار)..وصلنا وعينا من الله خير وقطعت ربع الخثاق إالى قطع صغيره والباقي (قطعة كبيره) في كيس ... ورزقنا الله بصيد وضرب على السنانير ... ويوم رحت أخذ طعم علشان اركب وارمي لقيت القطع الصغير متناثره والقطعه الكبيره مو موجوده ... ياولد عدل بدل ...وين راحت أكيد أخذها قطو بس ماشفنا أي قطو ...واناظر لاتجاه اخر قطعة صغيره منتثره ولا هي قريبه من عند صبه الدرج وأناظر تحت ..... تتوقعون وش طلع ....طلع الله يكرمكم جرذي ساحبها تحت الصبه وعلى طول أقرب عصا احاول سحب الطعم وعلى طول يقوم ويسحبها للداخل ويأست من سحب القطعة والوقت متأخر وسوق السمك مسكر !...والصيد على كيفك والله وأنادي صديقي .... يابوالشباب الطعم راح ..وين راح قلت له السالفه ...والله يضيق صدره ويش العمل ... قلت الحمد لله كل شي مقدر .... ضحك شوي وقال أنا اوريك والله مايستانس وحنا تضيق صدورنا ويقوم ويجمع بعض الخشب وبعض اعشاب البحر اليابسه ...ياولد وش عندك قال اصبر وتشوف وقام بتوسيع فتحة الي دخل منها الجرذي ووضع الأعشاب داخله وبعض الأخشاب وشب النار وخلى الدخان يدخل تحت الصبه ويشوف أي فتحة يطلع منها الدخان يقوم بوضع التراب عليها ليسدها وبدا الجرذي مخابط تحت الصبه وانا اضحك عليه واقوله ليش تسوي كذا يقول ماراح يستانس وهو قطع وناستنا وخرب الصيد علينا يوم زان الصيد..... وبعد هالموقف ما عاد احط الطعم على الأرض ... أتمنى تكون القصة أعجبتكم ... وإن شاء الله نعطيكم قصة ثانيه حصلت لصديق لي في البحر وهي عجيبة ومروعه..
|
|
13-04-2008 , 02:24 PM
|
الرد مع إقتباس
|