و عليكم السلام و رحمة الله وبركاته..

أخي الكاتب العربي..
هذا الموضوع ما راح نوقف كلام فيه إلا إذا سمحوا للمرأة في السعودية بقيادة السيارة ..

من وجهة نظري .. المرأة مش بحاجة لقيادة السيارة .. الحمد لله الأب هو إلي بيوديها ويجيبها و بيجيب المقاضي و بيشتغل و مسؤول إنو يصرف عليها و هي معززة مكرمة في بيتها و فيه كمان الأخ و إذا تزوجت تنتقل المهام هاذي للزوج .. يعني الحمد لله المرأة مش محتاجه للقيادة , و إذا احتاجت للخروج للضرورة و ما حد كان فاضيلها فيه شركات خاصة بالتكاسي .. بإتصال بسيط دقايق و تجي السيارة لتحت البيت في أي وقت ..
صح فيه حالات شاذة و فيه رجال ما نقدر نقول إلا الله يهديهم و يصلحهم .

و بعدين خروج المرأة مع السواق أأمن بكثير من خروجها لحالها (على الأقل الأهل راح يعرفوا فين تروح بنتهم إذا سألو السواق) .. لأن السواق مجرد عامل بيشتغل بأمر من صاحب رزقه بعد الله ,يعني إذا ما خاف من ربه راح يخاف من كفيله لا يسفره و يقطع رزقه ..
و طبعاً كمان فيه سواقيين حالات شاذه الله يهديهم.
و إذا عن الخلوة تقدر تكسر الخلوة بأخذ أي أحد معاها ..

أنا مع إنها تتعلم و تعرف كيف تسوق سيارة لأن هاذي ضرورة من الضروريات أما إنو يكون عندها رخصة و تصير خراجة وولاجة و لحالها هذا إلي أنا ضده ..
__________________________________

تبغوا وجهة نظر ثانية ؟!
إذا خرجنا سهرنا برع البيت و رجعنا في وقت متأخر ما نلاقي موقف للسيارة , هذا و بس الرجال إلي بيسوقوا .. طيب كيف لو سمحوا للحريم بالسواقة وكل وحده صار عندها سيارة خاصة فيها .. من وين حيجيبولهم مواقف ؟!

شكراً لك أخوي ...