شوف أخوي EL_3grab

خلنا نتكلم عامه عن رموز المكاين في نيسان.

الحرفين الأوليين يدلون على تصميم المكينه VH أو VK

مع العلم ان الVK أحدث و متكوره لآخر شيء.

الرقمين يدلون على السعه بمعنى انه اذا كان 40 معناه ان سعه المكينه 4.0 لتر و اذا كان 45 بمعناها 4.5 لتر.

الشيء الأخير الرموز الأخيره : أول رمز يدل على عدد الكامات اذا كان D فذا معناه ان المكينه لها كامين.

والحرف الثاني يدل على نظام توزيع البنزين في السياره فالE معناها أربع بخاخات موجوده في الثلاجه و D معناها ثمان بخاخات في كل سليندر (ذا معناه توزيع خليط البنزين صحيح 100% بس معقده في البرمجه).

المكاين اللي أتكلم عنها عباره عن مكاين السيارات الفخمه من عند نيسان.

بمعنى

مكينه الVH45 و الVH41 اثنينهم كانوا على الQ45 و سياره الCima (اسم الQ45 في اليابان) و كانت قوتهم بين ال270 و ال280 و مع العلم ان الVH45 هو الأقدم.

ومكينه الVk45De موجوده في سيارات انفنتي اللي تكون ثمانيه سليندر من عام 2002 لحد الحين و بعض ذي السيارات : Q45 و FX45 و الFX45 أضعف من الQ45 من سبه برمجه كمبيوتره بس.

فيه مكينه الVK56DE وذي اللي تجي على الأرمادا و التيتان.

وطبعا المكينه اللي في راسي هي الVK45 لأنها تعتبر أقوى شيء و تسمح انك ترفع الريس لين ال7 ونص ألف بدون أي ضرر للمكينه و لأنها مصنوعه بمواصفات عاليه للسباقات.

المشاكل اللي بتواجهني أربع.

1. توصيل المكينه بقير النيسان وكاله (أحتاج تفصيل قاعده كلش جديده).
2. برمجه كمبيوتر السياره و شكلي بأخربها بكمبيوتر رياضي اما Haltech أو JWT
4. تفصيل هدرز كامل للسياره لأن المكينه بتكون ذو راسين فيكون اجباري تفصيله من جديد و حط الاعتبار المقاسات الصحيحه. (Dual بمقاس 2.75 انش :black
3. الاكسسورات الثانيه من مكيف و دينمو و الشغلات ذي.

وطبعا ما أتوقع انها تزيد عن ال10 ألاف أو بالكثير 12 ألف ريال.