اخوي m88 هذا السيكل من شركه Benelli و نوعه TORNADO 900 TRE و اعتقد ان الوكاله ما توفر اله الموديل هذا بس....بالنسبه لسرعته الصراحه ما عندي معلومات لاكن 100% سريع حيل بالنسبه للسياكل..مواصفات مكينته 3سلندر و حجمها 898 CC بالضبط و قوتها تقريبا 150 حصان (مو متأكد)...

لاكن هذا السيكل يعتبر مميز حيل حيل بالنسبه للامان....اولا هذا السيكل اذا بتضرب ويل(على تاير واحد) ماراح يخليك تقلب يعني يسمحلك لحد معين بس...و ثانيا اذا انت ضارب ويل في نظام يقفل السكان(الدركسون) يعني ما يخلي السكان يرتج يمين يسار علشان و انت نازل ما تنقلب..يعني قمه بكل شي حته بالويل قمه و حاسبين حساب الامان....و اعتقد ان القير ماله من غير كلتش يعني بالسكان على طريقه F1...و وزنه جدا خفيف 198 كيلو.....و لاحظ تصميمه شلون رشييييييق مو مثل الهايبوسه متفخ من كل صوب....

و طبعا ايطالي و تصاميمه تاخذ الروح و ايك بألوان عجيبه لاكن سعره غالي لاكن يستاهل و زياده بعد(سعره 4500 دينار) و هاذي بعض صوره:::




و طبعا في اللون الاحمر:::و للعلم ان هذا السيكل نااادر وجوده يعني تقدر تقول اذا انت راكبه كانك راكب ليمبو مورشيلاقو بالنسبه للسياكل و راح تكون مميز بشكل كبير...

هاذي المعلومات و الصور و انشاالله تتوفق بختيارك...و لا تستعيل لانه الافضل اهو الي بيريحك:::يعني انت روح الوكاله و شوف المواصفات و التصاميم و السعر كثر ما تقدر لا تفكر في....

تحياتي