الموضوع: دبدوووبه شحاته عند باب الحــــــرم ‍‍!!
عرض مشاركة مفردة
دبدوووبه دبدوووبه غير متصل    
مبدع متميز K S A  
المشاركات: 3,079
#1  
دبدوووبه شحاته عند باب الحــــــرم ‍‍!!
السلام عليكم
اخبار الجماعه ايه ؟؟ ان شاء الله كويسين و مبسووووووطين
اليوم ابغى احكي لكم مغامره من مغامراتي الشيقه و الممتعه و الجميله و المحفوفه بالمخاطر و المناظر المروووووعه
<<< حشى جالسه اقدم برنامج ( مناظر مثيره )
راح ادخل في الموضوع على طوووووول من غير مقدمات
<<< اذا كذا مافي مقدمات .. اجل بالمقدمات كيف حيكوووووون ؟؟
المهم ..
الاجازه اللي راحت .. بابا قرر ان اول مكان نروحه مكه .. منها ناخذ عمره
ومنها نسلم على ستي و سيدي الله يحفظهم و يطول في اعمارهم ..
قولوا آميـــــــــــــــــــــن:p :cool:
و مرت الاياااااااام و جاء اليوم اللي حنسافر فيه ..
حركنا من ينبع بعد صلاة الفجـــــر مبااااااشرة ..
و وصلنا مكه على الساعه 10.5 تقريباً و كانت الدنيا زحمه بشكل مو طبيعي (( الله يعمرهااااااا بأهل الخير ))
طبعاً انا طول الطريق كنت نايمه .. و على دخلتنا لمكه صحيت .. و رتبت نفسي .. :cool:
و اخواني كانوا صاحيين .. و كان الهدووووووء يسود سيارتنا
رحت قلت في نفسي خليني انشطهم .. و اغير الجووو شوي
و بدأ ت اتكلم و اسوووولف .. شوي مع مامتي و شوي مع بابتي
و شوي مع الخدامه .. و لمن وصلت لاخوياااااا .. قلتلوا : تخيل تضيـــــع اليوم في الحرم
او تنســـــرق ..:rolleyes: و احنا ندور عليك و ما نلاقيك .. وبعد عشر سنوات .. نجي ناخذ عمره و نلاقيك تشحت عند باب الحرم <<فيلم هندي
طبعاً اخويا دا عندوا لسان يا ساتر .. قالي ان شاء الله انتي يا رب <<< اساساً هو كان زعلان عشان مالبسوووه احرام زي ابوه
قمت سيبتوا في حاله .. و رحت لاختي و قلتلها نفس الكلام .. قامت الدلوووعه اشتكت الجهات العليا
و اخذتلي كلمتين على راسي مالها دااااااااااااااااعي:rolleyes: و بعدها سكت و لا عاد نطقت بكلمه
لمن وصلنا الحرم ..و دخلنا و رحنا عند الكعبه و بدأنا طوووووواف
كنت ماشيه بجنب ابويا و اخويا الصغيـــــــر
و كنت طول الوقت اتلفت و اتطمن على باقي افراد العائله <<<< كنت خايفه لا يضيع احد .. المهم خلصنا طواااااااف الحمد لله
و رحنا في الصفا و المروة و كمان خلصنا ..
و خلصنـــــــا عمره .. و خرجنا برى الحرم
و فجأه .. و انا ماشيه حسيت ان اخويا اختفى من وجهي فقلت شكلوا ضاع .. وعلى ما جيت اقول لابويا .. الا حتى ابويا مو موجود .. اتلفت يمين ويساااااااااار مافي احد جنبي !!
اطالع ورايا يمكن تكون امي موجوده .. و الله ما عندك احد يا دبدوووبه
و قتها قلبي طااااااااااح في رجوولي .. ما ادري كيف سار شكلي
انادي بأسماء اخواني .. ولا احد يرد علي
خلالالالالالالالالالاص انا وقتها انتهيت .. من جد انتهيت
دموعي كانت في عيوني بس ما بكيت طبعاً << تراني قويه و حقت موااااااقف لووووول
و سرت ادووووور عليهم .. بس كأني ادور ابره في وسط كومة قش
وقتها قلت خلاص يا دبدوبه شكلك انتي اللي حتشحتي عند باب الحرم
المشكله اني ما اعرف ستي و سيدي ساكنين في اية حي ؟؟:rolleyes:
المهم نص ساعه و انا ادووووور و انادي شوي انادي على اخويا و شوي على الخدامه و شويا اقوووول مامــــا فينك ؟؟
<<< حالتي حااااااااااااااله
و سرت ادعي اني الاقي اهلي .. ولا اواجه المصـــــير المشؤم
و اسير شحاته عند باب الحرم
و سرت امشي في ساحة الحرم و انا ما ادري فين رايحه .. وشوي حرمه تمسكني من يدي و تقولي تعالي يابنت هنا
انا حسبت حراميه .. جيت اسحب يدي ولمن طالعت لقيت امــــــــــــــــــي << مع الخوف ما سرت افرق لا اصوات ولا اشكال
كانت لحظات غير طبيعيه .. كنت راح ابكي من الفرحه .. المهم
انا كنت خايفه ان ابويا يهزأني .. بس الحمد لله ما هزأني ولا شيء .. بالعكس قعد يسألني
فين رحتي الله يهديكي .. ؟؟ شغلتي بالنا والله << يحبني ابويا

و الله و سرت حكاية العائله .. مافي احد ما عرف عن حكايتي .. و ضحك علي
و طبعاً ما سلمت من لساااااان اخويا و تريقته

بس اهم شــــــــــيء اني رجعت لاهلي و ما سرت شحاته عند باب الحرم
و الحمد لله على سلااااااااااااامتي
دبدوووبه غير متصل قديم 08-07-2003 , 03:02 PM    الرد مع إقتباس