السلام عليكم و رحمة الله و بركاته

حيا الله أهل سوالف... و الله و لكم وحشة صراحة:)


أخيرا رجعت بعد المصايب الي كانت على راسي و لكن هالمرة أكتب لكم من أرض الدولة الحبييبة .. حيث الدفء .. بدل البرد القلرص الي أكل عظامنا..

يا ترى افتقدتوني و لا لا؟:)

ما أوعدكم بمشاركات كثيرة لأني (كومبيترنس) هني.. يعني بدون كومبيوتر.. بس بحاول إلي بقدر عليه:)

تحياتي للجميع بلا استثناء:)


مدردش بن متقاعد...دفيان و مستانس:)

كمبيوترلس .... على وزن تيوبلس :)
 

شخبارك مدردش ؟

الحمد لله على السلامة

شسويت في إمتحاناتك ؟

الحمد لله على السلامة
 

أهلاً بدردوشة سوالف،،، حياك الله
صراحة فقدناك ،،

وين الهدايا:)يالله وزع علينا:)
أبدأ من اليمين:)

حسبي الله على إبليسك... زين اتصل! قول ألو! تعال الحارة عندنا! :)

وش أخبار البرد والامتحانات؟! وش أخبار الربع (يا زينهم عاد من ربع :))

هلا والله هلا .... العشاء الليلة أضطراري ...
 

يامية الف مرحب ... هلا بأخونا مدردش ..
وين أحطك .. يالغالي ..

حياك الله...........................................................فى ارض الخير
 

الف حمد لله على السلامة:):)

تحياتى لك:)

والله لك وحشه يا مدردش
 

وين هاي الغيبه اخوي مدردش انا قلت خلاص نسانا
طمنا عليك وعلى الدراسه
واهم شيء حمدلله على سلامتك صراحه ماشيء احلى من البلاد :)

وحياك الله مرة ثانيه :)

يدي وين كنت شو استوى بك هاااااااا شو الامتحانات وياك انشالله كل شيء اوكي

مدردش متقاعد
 

طال شوقي الى ربوع دياري
********************** واستيافي ذلك النسيم الساري

أول شيء اقولك قرة عين اهلك فيك والله يخليك لهم ويخليهم لك
ثاني شيء الله يخليك لنا:)
ثالث شيء معقول مانشتاقلك .. انت اخو عزيز وغالي :)
رابع شيء سمعنا انك نقلت بيت جديد منزل مبارك ان شاء الله ربي يعطيك من خيره ويكفيك شره..:)
خامس شيء ان شاء الله سويت زين في الإمتحانات " اعرف ما ينخاف عليك " :)
سادس شيء اقراء كشتة سوالف الثانية وقلي رايك فيها :)
سابع شيء نورت سوالف:)

هلاااااااااااااااااااااااااااااااااااا مدردش
 

يالله حيهم يالله حيهم .. :)
كيف الحال وشلون الإختبارات ووين سكنت ؟؟؟..:)
أكيد طردوك من بيتك ورموك في الشارع ..:(
والله ولك وحشة يامدردش متقاعد الدافئ وليس الجامد ..:)
تحياتي لك يابودردوش ..:)

E55
 

يا هلا و الله و الله يسلمك.. و لو إني عاتب على انقطاعك؟
قالولي إنك ما صرت تستخدم الأيس سي كيو؟
و أنا قلت وين الريال؟؟

المهم.. أتمنى أشوفك في الماسنجر إذا ما عندك مانع:)

تحياتي

لا حد يذكرني بالامتحانات
 

فستق العزيز:)... ماشي هدايا.. اناو المفروض تعطوني.. أنا ناقص خساير :)... بس إن شاء الله بوزع عليكم علبة ماكنتوش.. بس هذا يوم تطلع النتايج:)


سردال.. لا تقول ما اتصلت فيك.. البارحة كلمتك:).. و أقولك من الحين.. لا تسألني عن الامتحانات.. تراني على باب الله:(
و الشباب بخير و يسلمون عليك.. و إن شاء الله سايرين على العيد إلى... الي خبرك:)

حيا الله عمدة سوالف أبو النوابغ و معرسنا القادم:).. ياخي أنا قلت الحين بغيب فترة و برجع محصلك كاتب 30000 موضوع.. بس اتفاجأت إنك مقل؟
ليش يا ترى؟!!


الأخ العزيز بحر:) الله يسلمك و يسلم غاليك... و تحياتي لك أيضا


أبلة موزة مقشرة.. يا هلا و لا بأستاذتنا القديرة صاحبة الدردشات الرهيبة.. بصراحة مكسة سوقي.. و علشان جي أنا غبت و سرت دول تايوان أدور لي سوالف يديدة أستوردها ههههه
لا بصراحة كنت مشغول ويا الامتحانات و سالفة البيت.. و أعتقد إنتي كنتي متابعة للقضية أول بأول:)
و البلاد صراحة ما تتفوت.. الجو بديع و كشخة.. بدل ما عايشين في ذاك البرد الي مكسر عظامنا:)
و شكرا على الصورة:)



هلا ببنيتي الأثيرة.. ألأسيرة.. امتحانتي طيحت البقية الباقية من ظرسي.. بس الحين أنا راد علشتن أشتري لي طقم يديد.. تراج ذليتينا:)


أحلى سلام و تحية لأخت سعودية.. أنا بصراحة عتبان عليج؟ اختفيتي فجأة بدون أي مقدمات.. و الكل قاعد يدور على حليب السعودية... مش موجود فس السوق:)
و ماشاء الله سباعيتج هذي خجلتني صراحة:) و تسلمين عليها.. و ردي إن شاء اللله بتشوفينه على موضوعج قريب.. بس ترى على فكرة.. فاتج الجزء الرابع من دردشاتي.. إن شاء الله لحقتي عليه؟:) و شكرا على بيت الشعر الحلو.. تراج شاعرة لا يشق لها غبار.. بس يا ترى وين الملحننين عنك:)
و على فكرة حصلت بيت... و ساكن لوحدي الحين:( مو ناقصني إلا بنت الحلال.. لا تنسين تدعين لي:)


عزووووووز2000 هاهاهاها ,الله ضحكتني أضحك الله سنك؟
أنا يرموني في الشارع؟ أنا مدردش بت متقاعد آل متقاعد يرموني للكلاب:)خلصت الاكتحانات و الحمدلله حصلت بيت صغير و حليو و رخيص.. يعني فل أبشن:)
بس ناققصني عروس.. عندك حد بيتبرع يتبط في مدردش مكحكح مثلي؟:)
عمموما إن شاء الله أشوفك على الماسنجر.. مب تتغلى علينا:)


تحياتي للجمع و شكرا لكم على الترحيب.. جزاك الله خيرا

حيييااك الله يا مدردش بيتك نوور ونورت سوالف فيك


بس انا مختفيه في الوقت الحالي

السلام عليكم ورحمة الله وبركاته
 

الأخ العزيز مدردش متقاعد

يا هلا بك والله ..

وعاش من شافك :) :)


تحياتي

عتاب الحبيب مثل أكل الجالاكسي اللي يطلع في الدعاية :):)

والله يا أخوي إنقطاعي عن سوالف مب بكيفي ، بسبب الدوام اللي شكلي ناوي أنقطع عنه للأبد

وبعدين من اللي طلع لك هالإشاعة وقال إني ما أستخدم الأيسيكيو ؟

أكيد واحد من الأعداء ;);)

أهلا بشمس الظهير و نجمة المساء
 

حياك الله أختي الكريمة و سوالف منورة بوجدج أصلا:)

بس يا ترى على وين سايرة؟

الأخت العزيزة هدى 76:)

و الله و زمان ما شفناج:) أفف بس لو أعرف أي منتدى إنتي تكتبين فيه:)


تحياتي لكم