سوالف للجميع
(http://www.swalif.com/forum/index.php)
- ســـوالف الأصــدقـاء العامـــة
(http://www.swalif.com/forum/forumdisplay.php?f=41)
- - هو أم نحن؟
(http://www.swalif.com/forum/showthread.php?t=58044)
ســـؤال يدور في ذهني منذ زمن,,
أهو الزمن من يغيرنا,, أم انه نحن من يرسم خطوطا غائره,, في جداره,, بتصرفاتنا,,انفعالاتنا,,وقلوبنا المرهقه... أم انه هو من يصهرنا في خضم احداثه,, ويذيبنا في تقلباته,, فلا يمر منه يوم الا وخّلف وراءه اثرا عميقا في داخلنا,, واحدث مايشبه الانقلاب في ارواحنا,, من يغير من؟؟ |
هلا اروكيدا ...
 الزمن ما تغير بس اهل الزمن ويلاه متغيرين ...رحمتك رحمتك يا معين .. الزمن ...شيء ثابت لا يتغير ...بالرغم انه كل سنه نجد انها تختلف عن السنه اللي قبلها ...لكن هذا لايعني ان الدهر هو اللي يغيرنا ... لا ابدا احنا كل يوم يتغير فينا شيء...كل يوم ننظر للحياة بمنظور مختلف ... الانسان يتعلم مع مر الزمان ...ويتغير...مو عشان الزمان يتغير لا عشان هو يحدث تغيرات في الحياه ..ويعمل على تغير حياته تبعا لها ومثل ما يقولون " نعيب زماننا والعب فينا وما لزماننا عيب سوانا " ------------------ شجـــــــــون [b][ تم تعديل الموضوع بواسطة شجون المحبه يوم 23-05-2000] |
أهلين شجون
مساء الخير,, يعني الاحداث اللي انتي ممكن مايكون لك دخل فيها ممكن يكون سببها واحد ثاني من بني البشر؟ يعني انتي اللي بيدك انك تختاري اي طريق تمشي فيه واي حياة تعيشيها.؟ يعني الناس هم اللي ممكن يخلون بصماتهم على جدران الزمن والايام واللي بدورها تنعكس على ناس غيرهم؟ سواء كانت بصمه خير,,والا بصمه شريره..تترك مكانها نار مو اثر بسيط بس.. يعني الناس هم اللي يغيرون الزمن,,,, يمكن...... |
....هلا فيج .....
اذا لم نكن نحن من يتغير ....فكيف ظهرت مستجدات الحياه ... اعطيك مثال بسيط ...جدا عند المقارنه بين الحياه في الماضي وحياتنا الحين وش تقولين مساكين اللي عاشوا قبل كانت حياتهم كلها تعب ...لانه ما كان متوفر لهم سبل الراحه مثلنا ...بس هل تعتقدين ان اهل زمان كانوا يعتبرونه تعب ومشقه بنفس النسبه اللي احنا نصورها ...لا ابدا ...بالعكس احنا نقول والله مستحيل نعيش حياتهم ..لايمكن كيف كانوا عايشين مثل هاي عيشه..لكن احنا ...تبطرنا ليش تبطرنا ... تعرفين ليش...!! لسبب بسيط انه الحياه الحين صارت ماديه بحته ...احنا اللي جدينا هذي الحياة...التكنلوجيا ..والتطور منهو اللي اخترعه ...الزمان ؟؟ والا الناس اللي في الزمن طبعا الانسان ..بمرور الوقت بتعلم اكثر ويخترع اكثر .. حتى اخترع الحياه الماديه...واللي قلبت النفوس والناس والحياه كلها ... ما عليه فلسفه ...." "------------------ شجـــــــــون |
السلام عليكم ورحمة الله وبركاته :
مساكم الله بالخير . أختي الكريمة . الزمن هو الزمن سنوات وشهور وأيام ودقائق وثواني . والزمن لايتغير ولايتبدل ولاينسب إليه شر ولاخير . وإنما ينسب لأهله الذين يتجاذبون أطرافه ويعيشون في جنباته . هم الذين يتبدلون ويتغيرون ويتقلبون . |
هلا أوركيد شلونج
عابر 99 صدقت والله ------------------ الله يجيبك يامبعد حيل عني,,,, |
 اوريكم يا الشيون رحتوا وخليتوني طيب ------------------ نساني للاسف في عز ضيقي وانا في غمرة جراحي اعاني لقيته في هوى غيري غريقي تنكر من هواي ومن حناني |
الزمن ...الزمن ...الزمن .....شماعة قديمه ..لاخطاء متكرره ..مستحدثه..
من يغير من ؟ حنا نقدر نخلي الساعة 10 دقايق ؟ ممكن ..اذا كنا مع من نحب .. نقدر نخلي الليل ينتهي بسرعة ؟؟ ممكن ... نقدر نحس يالدقيقة سنه؟ممكن ......... طيب يقدر الزمن ..يخلينا نتفارق مممممم ؟ممكن طيب يقدر الزمن ..يمحي ذاكرتنا ...او ينسينا؟ ممم ممكن بس السؤال المهم ...مين يتحكم في الثاني ..اليوم والا اللي عايشين اليوم مين اللي يختلق الاحداث ...مين ؟؟؟ اكيد ..ابي اعرف .. اكيد انه (......... ) --------- عســـــــ يبي يستخدم الشماعة القديمة ـــــــــــل |
اوركيد!!!! ليش تروحين وتخلين يونيك !!!! يا قليلة الخاتمه...
وانا ليش ما قلتوا لي !!!! وبعدين تجارب الحياه والآلا م اللي عشناها و الظروف هي اللي تصقل الانسان زي المويه اللي تنزل على الحصى مع الايام تلقين شكل الحصى وهو حصى تغير... ------------------ كل شي معقول |
شجون
اعشق فلسفتك انا معاك في ان ماجد في الحياة من تكنولوجيا وتطور كان نتيجة الجنس البشري ,, بس ماتعتقدين ان الماديه اللي احنا انشأناها بأنفسنا اثرت على مجرى حياتنا؟ على تعاملنا مع باقي جنسنا؟ كل التطور اللي احنا سببه,,خلانا نفقد كثير من مثالياتنا تحت شعار" الزمن تغير" ياحليلهم من اول..على بساطتهم الا انهم كانوا يمتلكون اشياء كثيره احنا فقدناها... |
وعليكم السلام ورحمة الله وبركاته,
اخي الكريم عابر99 نعم,,,صدقت الزمن هو عباره عن "وقت" محسوب حاجه ماديه ,, وبالفعل احنا اللي نحدث التأثير,, بتصرفاتنا وتعاملاتنا المختلفه,, بطباعنا نقدر نحدث تغييرات كبيره في جداره من غير مايقدر يدافع عن نفسه او يحميها,, بنت الكويت اهلين كيفك انتي؟ فعلا صدق Unique ياختي ماحد قال لك روحي سيّري؟؟ شي والله |
لا يا عسل!!
لا تستخدم الشماعه اياها مره ثانيه.. احنا زهقنا منها.. الواحد منا يحس انه لما يرمي اخطاءه على الزمن ,يحس انه خلاص ارتاح نوعا ما من تأنيب الضمير,, يلقى فيه وسيله للتخفيف من حدة "عجزه" وعدم قدرته على مقاومة الاشياء اللي تصير,, طريقه مثلى للهروب ,,صدقني,, اي مشكله ماتلقى لها حل قل" الزمن غدار" بينما احنا من علمناه هالشيء,, احنا من زرعنا فيه الخيانه وعدم الوفاء,, احنا اللي فقدنا الكثير بسبب تصرفاتنا وعدم انسانيتنا,, احنا اللي ملينا من رتابه حياتنا ولما غامرنا وخسرنا قلنا,,آه منك يازمن |
هلا أوركيد ماشاء الله الاخوان ماخلولي شئ أقوله ------------------ تحياتي للجميع الكل تربيع |
هلا وغلا الكـــــل تربيع
يكفينا انك معنا هنا وتسلم لي ,, |
| الساعة الآن » 06:50 PM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.