كيفية تزويد المحركات الأمريكية بدون تربو أو سوبرتشارجر
 

نبدأ من الخطوات الأسهل الى الأصعب
بسم الله
المرحلة الأولى : وفيها يتم تغيير الزواءد الخارجية للمحرك من دون تغيير ما بداخل المحرك:

-اضافة انتيك مع فلتر هواء رياضي لزيادة دخول وسرعة الهواء الى المحرك

-اضافة اكزوست سستم لتسريع خروج الهواء من المحرك وتقليل الباك برشر

-اضافة ثروتل بودي ذو مساحة أكبر لدخول الهواء أسرع

-اضافة هدرز مغلفة بالكروم لتقليل ممانعة الهواء و تقليل الباك برشر

-اضافة تشب لتعديل نسبة هواء/وقود للسيارة مع توفر تشب مثل هايبر تك لتعديل نسب التعشيق و تحديد الاربي ام.

المرحله الثانية : وفيها يتم تغيير المكونات الداخلية للمحرك

-اضافة كام شافت ذو درجة دوران أعلى وتعتمد على أي درجة تريد من المحرك أن ينتج القوه وزيادة الRPM. على سبيل المثال كلما أضفنا كام شافت ذو درجة دوران أعلى كلما مكن المحرك من الوصول RPM أعلى و لكن دوران المحرك (RPM)على سرعات منخفضة ضعيف(قابلية المحرك للانطفاء), وكلما كانت منطقة القوة القصوى في أعلى الRPM.وفائدتها زيادة رفعة بلوف الهواء و العادم وهي عادة تتطلب تعديلات في توقيت الاشتعال و حقن الوقود لاستغلال القوة القصوى منها في بعض الأحيان تتطلب تغيير الكرنك شافت وتقصيره في حالة وضع كام شافت ذو درجة دوران عالية.

-اضافة روكرات ذات نسبة أعلى لتعزيز رفعة البلوف(تعمل بالتوافق مع الكام شافت)وقد تتطلب تغيير رافعات البلوف و سست البلوف valve springs الى مادة أقوى (التايتانيوم على سبيل المثال)

-زيادة نسبة الانضغاط لزيادة القوة الناتجة من الانفجار وتتم بتغيير البساتم الى بساتم ذات نسبة انضغاط أعلى وهي تتحدد بنوع وجودة البنزين المستخدم مثلا معظم سيارات اليوم لها نسبة انضغاط تتراوح من9,5:1 الى 10,5:1 تستطيع العمل بكفاءة ممتازة على وقود 93 أوكتان أو أقل لأن زيادة نسبة الانضغاط تؤدي الى زيادة ضغط خليط البنزين والهواء وقد يؤدي الى احتراقهما قبل أوان انطلاق شرارة الاشتعال و هو ما يعرف بالتخبيط (knok),فاذا زدنا نسبة الانضغاط يجب علينا استخدام بنزين ذا أوكتان أعلى.

-خرط الرؤوس و توسعتها لزيادة لدخول الهواء للأسطوانة وخروجه منها مع تكبير البلوف.

-تغيير الintake manifold وهو المجرى بين الثروتل بدي و صمامات الأسوطانة الى intake manifold ملمع و مغلف بالكروم لتقليل مقاومة الهواء حين مروره,وتعتمد تغييرها على رغبة موقع القوة في الRPM مثلا الانتيك مانيفولد ذو مجاري طويلة و نصف قطرها صغيرة تستخدم للحصول على قوة في الRPM المنخفض و المتوسط و هي تستخدم لسيارات سباق الحلبات ,و الانتيك مانيفولد ذو مجاري قصيره و نصف قطر كبير تستخدم للحصول على قوة عالية في RPM عالي و تستخدم في سيارات سباق الدراج.

-ازاحة الوزن الزائد وهو تقريبا يشمل كل شئ مثل البكرات و الكرنك شافت والبساتم و أذرعة البساتم الى وزن أخف قدر الامكان

-تغيير الرادييتر الى رادييتر ذو كفائة تبريد أعلى مع اضافة ثرموستات ذو درجة حرارة أقل مع تغيير مروحة الرادييتر الى مروحة الكترونية لازاحة العبئ من مضخة الماء وجعلها تعمل بكفاءة على سرعات المحرك العالية,

-اضافة أي جهاز اطلاق شرارات الكتروني على سبيل المثال MSD 6cda وهو يعمل على زيادة و محافظة كفائة وقوة الشرارة على سرعات المحرك العالية و غالبا تظهر فائدتها في سرعات المحرك العالية مع تغيير الكويل الى كويل أكبر و أفضل (msd blaster coil على سبيل المثال)وتغيير أسلاك البواجي الى أسلاك بواجي أسمك ودورانية و تغيير البواجي الى بواجي أبرد و ذات توصيل أفضل.

- تغيير الانجكترات الى انجكترات تضخ بنزين أكثر مع تغيير مجرى البنزين و طرمبة البنزين وتغيير الFUEL RAILS لتزويد الوقود المطلوب بكفاءة عالية

-تغيير طرمبة الزيت الى طرمبة ذات ضخ أقوى لاطالة عمر المحرك

-تغيير حلقات البساتم الى حلقات تغلق غرفة الاشتعال باحكام لاطالة عمر المحرك

-تعديل نسبة الوقود/هواء وتغيير توقيت الاشعال مع توقيت حقن الوقود لاستغلال القوة القصوى من المحرك

أرجو من الأعضاء ذكر ما نسيته من التعديلات و أتمنى الافادة للجميع وسوف ألحق صور القطع لاحقا.

هذا تعديل تقريبا يشمل جميع السيارات ..

يعني نفس ( الحجي ) للمكاين الثانية ..

وموضوع وايد مفيد ..

بس أكثريهم ولا يدرون وش القطع اللي تطريها .. :D

سلامي

السلام عليكم

تقريباُ الكلام كله مفهوم بس المصطلحات تفرق فرق شاسع :D

مثلاً ثروتل بودي = ثلاجة :laugh:

روكرات = عصافير :laugh:

باقى استفسار بسيط

نسبة انضغاط تتراوح من9,5:1 الى 10,5:1 تستطيع العمل بكفاءة ممتازة على وقود 93 أوكتان

طيب كم تكون نسبه الانضغاط على تربو او سوبر

طبعاً البنزين اللى عندنا تحت ال 90 اكيد :damp: :cry:


باقى الكلتش و التورك كونفيرتر " البطيخة او الطنجرة " :laugh:

ونسب القير والدفرنس

يليت توضحون فكرة النسب وكيف على اي اساس تقدر





تحياتي للجميع
محمد

أول شي ..

أنتيك منفولد=ثلاجه ..

مب الثروتل .. :cool: ..

....


وطبعا عند أستخدام التيربو ولا السوبر الكل يقلل ظغط المكينه 9:0.1 وتحت ..

واكيد تستخدم أوكتان عالي .. 95 وفوق ..

....

والقيور .. الكل يبتعد عن تغير نسب القير ... الا أذا كنت فاهم في الشغله ..

يغيرون نسبة الفاينل درايف .. أو الرنج والبنيون ..

مثلا النسبة المشهورة على الأمريكي 3:73.1 ..

كل ما نزلت .. تقل القومة .. يزيد فالخط ..

وكل ما أرتفعت .. تزيد القومة .. يقل فالخط ..

وأكثريتهم يخلون نسبة التماتيك مرتفعه ..

ونسبة العادي منخفضة ..

طبعا بفرق بسيط ..

....

والسالفه ما تخلص .. وتعتمد على ألف شي وشي ..

تحياتي :banana:

ضيعتوني مع الأسماء هذه! أنا أشوفها أعرفها بس القطعة الواحدة لها عشرطعشر اسم!

إن شاء الله لا صار معي فلوس عندي بروجكت بن كلب.. بأبدل الزوائد وأحطها كروم>>> من جد :cool:

وبأركب جناح كاربون فايبر و عجلات Fat وليس Flat و شمعات زينون :glasses2:



نعود للموضوع.. الصراحة موضوع جبار وتشكر عليه.. بأحتفظ بنسخه منه في الأرشيف كي أعود إليها وقت الحاجة.. لأني في بروجكت بن جحش يشغل دماغي.. وتلميحة فقط LS2 و Tremec :black:




على فكرة في تعديل سهل جداً وهو تسوي Stroke للمحرك وتزيد سعته.. وكما يقول المثل القديم المغبر No Replacement For Displacement ...

والله الصراحه كفيت ووفيت في الموضوع وما قصرت ابداً واذا انك تسمحلي اني انقل الموضوع علشان تعم الفايده والمعلومات وانا ناطر ردك ....

هههههههههههه ..

صدقني .. كل اللي وصله بالك على الـLS .. أنا جد وصلته من بروجكتات .. وسوالف ..

خخخخخخخخخخخخ .. ذكرتني بأحلامي والله :D :D ..

شي عجب هالمكينه فديتها ..

في أحسن من تركيب LS2 وجير ست سرعات Tremec

وتحصل على قوة خالصة 400 حصان و 400 رطل قدم (585 نيوتن متر) عزم :black:

والأكثر من هذا كله سوبر تشارجر و تحصل على 450 إلى 500 حصان سلام سلام و عزم 450 إلى 500 رطل قدم..

بس يبي لها فلوس.. لكن يمكن أبدأ بتغيير أشياء بسيطة مثل المذكورة في الموضوع على الـBaby LT1 :cool:

صدقني هالمكينة حافظنها من فوق لتحت ..

وأذا بغيت أي قطعة تزويد .. لها .. تعالي :D ..

سويت موضوع .. وصلتها 2700 على حسبة برنامج ..

خخخخخخخخ ..أيام والله ..

هو مافي أحلا من LS .. تكون 7 ليتر .. أو فوق 433 كيوبك انش ..

بلوك حديد .. مع تونات T4/T3 hybride ..

وطبعا 6 غيور T56 ..

=

800 حصان وفوق :banana:

هذا هو الانتيك مانيفولد
[IMG]http://av.rds.yahoo.com/_ylt=A0Je5XjX3ulBHzYBKyCHBqMX;_ylu=X3oDMTBwanIybjRqBHBndANhdHdfaW1nX3Jlc3VsdARzZWMDc3I-/SIG=124khmcbe/**http%3a//www.fullthrottlenyc.com/images/manifold_jgedel_47601.jpg[/IMG]
وهذي صورة للثروتل بدي بعضها تكون ثنائيه أو أحاديه أو ثلاثيه
[IMG]http://av.rds.yahoo.com/_ylt=A0Je5W5f3.lBIl4AMQaHBqMX;_ylu=X3oDMTBwanIybjRqBHBndANhdHdfaW1nX3Jlc3VsdARzZWMDc3I-/SIG=127lvumu3/**http%3a//www.mini-madness.com/ProductImages/engine/throttle-body.jpg[/IMG]
وهذي صورة للروكرات و يعتمد نوعها على نوع الكام شافت من رولر أو فلات تابت
[IMG]http://av.rds.yahoo.com/_ylt=A0Je5W7D4OlBM2IAFw.HBqMX;_ylu=X3oDMTBwanIybjRqBHBndANhdHdfaW1nX3Jlc3VsdARzZWMDc3I-/SIG=12h4n5jdg/**http%3a//www.compcams.com/Base/Images/Products/400-400-ProMagnumRocker-001.jpg[/IMG]

وشباب .. لو ما عرفتوا أي قطعه ولا وش شغلتها ..

لا تترددون .. الأعضاء ما بيقصرون .. :D

EL_3grab
صحيح انه يشمل جميع السيارات بس مهي بالكثرة و التنوع الموجود في الأمريكي من مكينة فورد 5.0لتر الى GM 5.7 LS1

922
من ناحية التورك كنفيرتر و التروس ما عندي الخبره الكافيه بس فيه عضو ضليع بها و هو infinity
أما عن الدفرنشال فكلام العقرب صحيح كلما زادت النسبه قلت السرعه القصوى وازداد التسارع.

Imaj
مشكور لمرورك

راعي الكابرس
حابب تنقل الموضوع انقله و لاكن أذكر المصدر, شاكر لمرورك

أيضا من التعديلات المفيدة في أداء السيارة اضافة MAF (mass air flow sensor( وفائدته هي ادخال هواء أكثر مع العلم أن بعضها تستخدم للحصول على خليط غني و بعضها للحصول على خليط فقير وهي لا تنفع الا في السيارات المزوده بMAF , لأن بعض السيارات تستغني عنه بحساس يقيس حرارة الهواء المار في انتيك الهواء بينما MAF هو عباره مجرى يقيس حجم الهواء .

جزاك الله الف خير اخوي mr_z ...
موضوع متعوب عليه .. لكن ما تعتقد ان التعديلات الداخلية على المكينة مكلفة وصعبة وتخوف ؟؟
لاني تكلمت مع العامل اللي في اوتو رايدر وقال لي على لومينا اس اس ركب كرنكات ويقول انها اعطته فرق بسيط لكن عدمت المكينة له .....












اخوكم الشبابي

مستحيل الغالي ..

كل الشركات تسوي قطع احسن من قطع الوكاله الأصليه ..

الغلط من الريال .. هو غجه ولا يفهم اكيد ..

وثانيا شو كرنكات ..

تقصد كرانك .. هذا أساس المكينة وبتبديله .. قطع وايد تتبدل ..

عيل وين التوزان للمكينه بالداخل ..

:damp: ..

...

أكيد مكلفه .. بس ما تخوف .. أذا كنت عارف شو تسوي .. وشو نختار ..

وتحياتي

الشبابي
بعض الناس تركب قطع وهم مب فاهمين الشغله ماهي ان الواحد يروح ويقول أبغا و أبغا من محل تلغيم ويقولك خذ وانتهت
الشغله يبيلها دراسه وفهم ومافيها خوف
بالنسبة لشخص جديد في التزويد يشتري محرك ثاني و يختبره أو الأفضل يشتري له سيارة و يبدا بروجكت عليها

واهم شي التركيب يكون صحيح لانه اكبر عامل ياثر في الخراب والاداء:banana:

السلام عليكم ورحمة الله وبركاته

مشكور اخوي mr_z على الموضوع >>>> بس عندي كم سؤال عن الكامات والروكرات .....انا اعرف انه في 3 انواع من الكامات نوع يعطيك عزم في الخط ونوع في القومه ونوع متوسط ايش الفرق بينهم وبالنسبه للروكرات اكيد حيكون في فرق والبلوف ايضا ...

بعد تغيير الكامت كيف اعرف انه لازم اغير الكرنك .

زيادة الانضغاط لزيادة القوة الناتجة من الانفجار وتتم بتغيير البساتم الى بساتم ذات نسبة انضغاط أعلى

نسبة>>>هل الكلام دا ينطبق على السيارات الي حيركب عليها تيربو .


ياريت لو توضح اكثر في النقطه دي ..... ومشكور اخوي على الموضوع المفيد

موضوع حلو الغالي ويعطيك الف عافيه

ومثل ماقال غانم هالتعديلات تصير بأي سياره بس النتايج تختلف من سياره لسياره

يعني مثلا تسوي هذي الاشياء في مكينة لومينا اس اس يفرق انك تسويها

في مكينة مكسيما مثلا..

عالعموم ترى هذي الشغلات تكلفتها تقارب لتكلفة كت تيربو:rolleyes:

بس لو تقارن بينهم وعندك هذا المبلغ تركب كت تيربو بيكون الآداء افضل

والمكينه بعد بتكون اضمن لك وفي السليم:)

المشكلة الكبرى في تعديل المكينة صرفية البنزين تزيد

صاحبي معاه لومينا اس اس لاعب في المكينة تقريباً 100 كيلو تكلفه 50 ريال

:D

أوفقك بشده و خاصه في المكاين اللي ما يكون لها قطع تلغيم كثيره.

لأن بعض الشركات عشان تسوي ستروكر كت للمكاين ذي تطلب أسعار كبييييره (ضعف التيربو بالراحه)

كلام جميل :)

الشظيه

الكامات هي قلب المكينة .. وأنواعها تختلف بختلاف كل درجه زيادة سواء في الدوريشن ولا الفت ..

يعني أحسن شي أنك تسوي كام بروحك .. على أساس اللي حاطنه بالمكينه .. هذا لو ودك بكل شي يضبط 100% ..

طبعا في كامات جاهزة من الشركات .. بس هاذيل للمكاين المعدله خفيف .. أذا مكينتك أنته مختار القطع اللي تباها .. فأحسن شي تسويلك كام بروحك Custom made

وفي شركات تبيع كت كامل للمكينة يتضمن الأستروكر والكام والهيد مرات .. فهذا أحسن شي تسويه أذا ما كنت عارف في سوالف التعديل والتزويد عدل :cool:

....

عن الكمبرشن .. أنته أذا مركب فورسد أندكشن ( تيربو ولا سوبر جارج ) .. تحتاج تنزل ضغط المكينه ..

هو كل شي يعتمد على الخلطة المختارنها .. والشيء المرجو من المكينه ..

يعني تختلف من دراج ريس لأستخدام يومي .. للأوتو كروس .. ولا البر ..

بس هو المتعارف عليه انك تنزل الضغط ..

بس بعد في ناس ما ينزلون الضغط .. بس يسوون ستروكر يستحمل قوة التيربو على فل بوست .. مثلا في بساتن وكون رود تستحمل لقوة 3000 حصان وفوق ..

.. الزبدة ..

كل واحد يختار الشي اللي يناسبه .. واللي يباه من المكينه .. ولازم القطع بعد تناسب بعضها ..

:cool:

معاك في كت تربو أسهل
بس لو في واحد يبغى نتائج مختلفة فلازم يفصل تربو ويفصل اكزوست مانيفولد مع اختيار نصف قطر المواصير على العموم تفصيل التربو معقد ويعتمد على نوع الاستخدام للسيارة .
حتى لبعض ما ذكرته فوق هنك شركات تبيعها كمجموعه تعمل بالتوافق مع بعضها على سيارات محددة منعا لأي تعقيدات.

الشظيه
أنواع الكام
1 هيدروليك
2 ميكانيكي أو كما يعرف بsolid
3رولر
معظم السيارات الحديثة اليوم تعتمد على الهيدروليك حيث انه هادء خلال عمل المحرك و تقريبا لايحتاج الى تغيير في الvlave train
الكام الميكانيكي يستطيع بلوغ سرعات دوران أعلى من الهيدروليك (أعلى من 7000rpm) وصوتها مزعج مقارنة بالهيدروليك
الكام الرولر هو أقوى الأنواع الثلاثة وهو يعطي أفاق أكبر لقوة المحرك و الاحتكاك فيها أقل وتستطيع جعل رفعة البلوف أكثر لميزة تصميمها وهي تتوفر بتصاميم هيدروليك و أيضا ميكانيكي وهي غالبا تعطي نتائج ممتازة خاصة مع السيارات التي تحتوي على كام فلات تابت(flat tapt)