أمر ملكي سامي من RED Chevy
 

بسم الله الرحمن الرحيم


السلام عليكم ورحمة الله وبركاته

بعد السلام....يحلا الكلام صح؟

لكن red اليوم تأبط شراً:black:

أحين يوم نزلنا فكرة قسم السباقات ورياضة السيارات كل واحد قال موافق ومدري شنو وشطيتوا روحكم وآخرتها على الفاضي مافي غير grand v8 وآنا ننزل مواضيع عن السباقات!!!

ياخي مابتنزل موضوع إكتب رد ولو إقتباس....

ومن اليوم على كل عضو هني إنه يشارك بالقسم الفرعي سواء بفيديو لسباق أو يقول قومه ومن تتوقعون يفوز وكل شي يتعلق برياضة وسباق السيارات من فورملا ودرفت ودراج ورالي وكلو على بعضو:corsair:

وش بيضرك لو نزلت فيديو أو صورة لسباق أو موضوع تقول فيه بطولاتك في القومات والريسات؟؟؟؟

أحين متعبينا ومتعبين الإدارة وآخرتها على الفاضي!!!

لو ماكنتوا تبون قلتوا من أول شي مو تخلونا نحط آمال عليكم ونبي القسم وموافقين ويوم صار الصج كل واحد نفض يده...

محمد الله يعطيه العافية شايل القسم على راسه ومواضيعه مفيدة ومهمة للي يبي يفهم، كل مره مافي غير ردين ثلاثة بالكثير...

على الأقل كمجاملة لي واحد نزل موضوع إكتب رد أو إقتبس مو تقراه وتمشي وتمر مرور الكرام:mad:

هاكلام موجه لكل عضو مايشارك بالقسم الفرعي بدون إستثناء لو كان من وآنا قلت من أول شي جاي والشر يطلع من عيني شوفوا:anger: ...

لاحد يطلع أعذار كل واحد يقدر يساهم ولو بشي بسيط يعني ماتفهمون بالدراجات والدرفتنج تكلموا عن الستريت ريس قول أي شي نزل موضوع قومه حشه مو طالبين منك القرب إحنا:corsair:

هلا اخوووووووووي RED

بصراحة انا مب من متابعي قسم الفيديو والسباقات يعني اعفيني من هالمهمه :D

8
8
8
8
8

هذا أول واحد يتشرد يقول ماله دخل بالسالفة:corsair:


لاتزعل لون اليل:D

بس مو شرطا ماتتابع ماتدخله شوف يمكن يعجبك موضوع رد فيه منها تزيد عدد ردودك وترتفه رتبتك وتحصل أجر لأنك شكرت واحد على مجهوده:p

بحاول

بس شو الفايده اصلا انا ما اقدر انزل اي فلم لأن استخدم الـ Dail Up يعني لو بغيت انزل فلم حجمه 3 ميجا يبالي حوالي الساعه :(

فيعني بدل مااني اقص على عمري وايلس ارد على المواضيع بكلمة "مشكور " وانا مادري شو السالفه
... أرد على موضوع اقدر اعرف شو فيه على الاقل :cool:

وعن سالفه زياده الردود .. انا شاركت في سوالف لأني حبيته مب لأني ابا اصير من الادارة او شي مثل هذا :(

اتمنى انه الفكره وصلت لك :p
واسمح لي مره ثانيه الغالي :glasses2:

نعم نعم ... مشكلة القسم زواره قلائل و التجاوب فيه بطيء و قد يكون معدوم أحياناً ...

و ثانك يو عالتحفيز

السلام عليكم ورحمة الله وبركاته

RED Chevy
هلا اخوي عبدالرحمن هلا بك
اخوي والله المواضيع شي كثيرة عن كل انواع السباقات الرياضية.
انا اللاحظ الي موجدين بقسم الفيديو والسباقات ماعندهم مشاركات وكلهم اشتراك جديد ،بس يجوف الافلام ويجملونه وخلاص من غير رد ،وحتى تاريخ التسجيل شهر 7 وشهر 8 وشهر 9 الحين ،يعني الاعضاء بس للتحميل الفيديو ،الا قليل من الي يشاركون بالمواضيع وماقصرين وخاصة اخونا
560SEL
Ammaretor
HAMANN 5.0
RED Chevy
ZR-1
skylineHKS

اخوي لون الليل مب شرط تجوف الافلام خناك مواضيه مثل موضع يتكلم عن السباقات ومافي فيديو نفس المواضيع عن السيارات بالصفحة الرئيسية.

تحياتي لكم وان شاء الله بنجوف التوفيق من الله وتحفيز الشباب.
:D

بس شو الفايده اصلا انا ما اقدر انزل اي فلم لأن استخدم الـ Dail Up يعني لو بغيت انزل فلم حجمه 3 ميجا يبالي حوالي الساعه

لا تزعل اخوي لون اليل

ولكن راح ااحاول اخوي ولا احد يزعل

السلام عليكم ورحمة الله وبركاته


RED Chevy :

اخوي عبدالرحمن خلني اقولك شي

وبدون وانا ماعليه من حد

لكن بخبرك ان حد من الاعضاء غير متعاونين بالمرة

ش اللي يصيرلي مب مهتم

بس بقولك ان القسم الفرعي حق الصوووووووووووور والفيييييييييييييييييديو


اما القسم الرئيسي فهو للسيارات بشكل عام

يعني تجارب تقارير
اسئلة
ميكانيكا وغيرها

لكن حد من الاعضاء وانا مادري ليش هذ يصير
انه ينزل صوووووووووووووور في القسم الرئيسي

الزين نحن حاطين فرع ليش ما يحطون الصور هناك ؟؟؟؟؟؟؟؟؟؟؟؟؟؟؟؟

على اساس ان القسم لرئيسي متحرك اكثر وبكثير جدا جدا جدا جدا

فهذا السبب الرئيسي اللي يخلي حد من الاعضاء يترك القسم الفرعي على شان يشوفون الصور


صدقوني يا شباب سوالف الحلوين

انكم اذا تعونتوا مع بعض كلكم وتحطون الصور في القسم المناسب له

صدقوني القسم الفرعي بيكون اكثر حركة من القس الرئيسي بكثيييييييييير


وانا اعطيكم جرنتي 100%



امل انكم تقرون كلامي وتشوفون القصد منه


وكلنا نتعن عشان يكون منتدانا احسن منتدى في العالم العربي والخارجي


وشكرا للموضوع اخوي عبدالرحمن



تحياتي لكم
اخوكم
خالد

انا بين يوم ويوم ادخل ارد على المواضيع واشوف الافلام واشارك لكن مانزلت لحد الحين اي موضوع في القسم الفرعي

هذا اللي كنا خايفين منه نبغي ونبغي وأخرتها ماشيء :headshak:

Re: أمر ملكي سامي من RED Chevy
 

صراحه

أنا أبي شيء بسيط بس كيف انزل مقطع ريس من الجهاز إلى المنتدى

وإذا قلت لي كيييف انزل مقاطع

ابشررررررررررررررررررر بسعدك يالغالي

سلااااااااااام على الحلوين:glasses2:

Re: Re: أمر ملكي سامي من RED Chevy
 

http://www.cars-club.com/up1/

السلام عليكم ورحمة الله وبركاته

آنا تأخرت بالرد بالعمد عشان أوريكم شي واحد بس وبعد الرد على اللي ردوا بقول لكم القصد:cool:


لون الليل : قوة راعي البيجو:D لكن القسم حالياً فيه الفيديو والسباق بنفس الوكت يعني مو شرط تشوف الفيديو طالع مواضيع السباقات:cool:


سياف : العفو حبيبي وحياك الله:p


grandv8 : هلا والله محمد يخي ردك على راسي وإنت قايم بالقسم الجديد ومو مقصر إحنا مقصرين كثير يعطيك العافية وإن شاء الله نشوف نتايج أفضل:rolleyes:


cruiser2000: قوه بووليد....
بس ترى القسم الفرعي صار للفيديو والسباقات أحين الصور تنزل بالقسم الرئيسي وهذا صار بعد مشاكل ويا الأعضاء وهاللون أحسن لكن المشكلة إن مافي حد يدخل القسم بعد ماشالوا الصور منه لكن مع السباقات تميننا إن النشاط يرجع لكن بدون فايدة:sleep:

TOP-SECRET: إنت مو مقصر ياحمد بالردود لكن نبي مواضيع ونشاط حط لنا عن السباقات اللي تصير في قطر وهالأشياء يعني :help:

AMG : وإحنا ياعمر مابيدنا شي اللي نقدر عليه سويناه لكن قاصر التعاون من الأعضاء...لكن شوف الرد الجاي وبتفهم كل شي:p

أشكر باقي الشباب اللي ردوا ومارديت عليهم ومايقصرون ويعطيهم العافية:banana:

السلام عليكم ورحمة الله وبركاته

أحين نجي للإستنتاج...

القسم الفرعي مو ثاصره شي لكن العيب في الشباب هني مايردون إلا على الشي الحماسي اللي فيه شد أعصاب أو مقارنة بين سيارتين مشهورين أو شي من هالقبيل ....

شوفوا هالمثال:

شوفوا هذا الموضوع

هذي نزل وتم شهر ويمكن أكثر والموضوع كان مثبت بعد وعدد الردود كم؟
24

وشوفوا هذا

ماكمل إسبوع واحد وعدد الردود أكثر من ذاك ب4 ردود!!!


هذي دليل على إن الربعه هني مايهمهم المضمون قد المنافسة ومحد يقول شي يخالف كلامه والردود كلها مافيها غير ردين في الموضوع والباقي كله توقعات!!!


أحين فهموا عاد واللبيب بالإشارة يفهم:cool: