ولد خالتي مسوي حادث .. اللي يحبون الياباني يدخلون !!
 

السلام عليكم ورحمة الله وبركاته ..

أسأل الله السلامة من كل شر و أسأله الصحه و العافية لكل شبابنا ..

الإسبوع اللي فات كان ولد خالتي ماشي بسرعة 80 كلم أو 90 كلم ...

و طلع عليه واحد و قعد يدعمه من ورا تقريبا 3 مرات !! :confused:

لي ما فقد السيطرة على السيارة .. والسيارة من نوع هوندا سيفيك

لي ما دعم ( صدم ) جدار من الحد وهذا اللي زاد من قوة الحادث ..

وهو أحين في المستشفى عنده 3 كسور في رجله اليمنى و كسر في الرقبة وكسر في الأنف و إلتفاف في الحوض ..

و شوفو شنو صار في السيارة و ابيكم تقارنون لو كانت كابريس موديل 89 على سبيل المثال ..













ولما والده راح الوكاله قال لهم وين نظام السلامة اللي تتكلمون عنه قالو له الشركة ما صنعت السيارة حق زوايا الجدران :confused:

:headshak: لا حول ولا قوة الا بالله احين حطو عذهم ان زاوية الجدار هي اللي تسببت في قوة الحادث ..

مو كأنه السيارة مصنوعه من كرتون :anger:

السلام عليكم ورحمة الله وبركاته

حمدالله على سلامة ولد خالتك ان شاء الله في الحديد ولافيه ،واللهم اشفيه وعافيه .

ترى الحوادث مافي شي اسمه ياباني ولا امريكي ولا الماني الحادث حادث وهذا قدر مكتوب له.

مهم الواحد يحاسب عمره الف حساب ويسوق على مهله ، والسيارة عبارة عن كتلة حديد والانسان بيروح بلمحة عين اما الحديد تقدر تجيبه والانسان راح ومايرجع.

الله يشفيه ويعافيه ويوقم بالسلامة ويرجع سالم غانم لااهله.

الله يشفيه في الحديد ولا فيه..

كان يقدر يحد من الاصابات الي صادته بشيئين..ان يربط حزام الامان لانه يفيد كثير في الحوادث مو زي ماتفكر الناس انه ماله داعي وان الي يلبس حزام شخص متقيد بالقوانين اكثر من اللازم والشي الثاني المفروض اذا حس الواحد انه بيصدم يشيل يده من الدركسون وباين انه ماربط الحزام عشان كدا ماشال يده من الدركسون وشوف كيف صار شكل الدركسون..هذا مو دفاع عن الياباني ولا اي سياره الحين السيارات كلها ورق لاتقولي الماني ولا يحزنون الي بيجيك بيجيك سواء كنت في سياره يابانيه ولا المانيه والمقدر بيصير..ومره ثانيه ياشباب لاتستهينو بحزام الامان:headshak:


والله يكفينا ويكفيكم شر الحوادث والله يشفي جميع المصابين..

سلامتكم:)

الله يشفيه إن شاء الله..

الصور ما ظهرت!


تحياتي..

مشكورين على ردودكم ..

والظاهر ان الصور ما طلعت راح أحاول انزلها من جديد ..

الحمد لله احنا مؤمنين ونؤمن بالقضاء والقدر لكن مو معقوله كان يسوق 90 تقريبا و يصير جذي بالسيارة ..

الله يقومه بالسلامه ويكفي الجميع الشر



واحد سكران او بينه وبين ولد خالتك مشكلة الله لايوفقه عموماً






Corvette_Stingray
ماامداك ترجع للمنتدى "الله يستر بس"

902 مشكور على ردك الطيب ..

اللي شافو الحادث يقولون انه كان صديقه :confused:

وتعرف ابليس موجود وصار اللي الله مقدره والحمد لله على كل حال

مشكور ياحمد على الصور ولاتحط في بالك إنه لو كان كابرس يكون أقل;)

هو صحيح أقل بكثير عن هذي الأضرار لكن اللي الله كاتبه بيصير لو كان في كابرس أو في دبابة:)

الحمد لله على سلامته وهو أهم شي السيارة تتعوض:(

انا اخالفك الرأي تماماً "الله يعنني وشلون باقنعك"

لو كانت الاضرار بسيطة في السيارة راح يتأثر السائق بشكل اكبر

بينما العكس صحيح

:p

يؤ

شكل مزحهم مزح صعايدة

لاحول الله ولا قوه الا بالله العلي العظيم..الحمد لله على سلامه ولد خالتك وفي الحديد ولا فيه..الله يكفينا شر الحوداث

:headshak:

TOYOTA - OBAS تسلم يا خوي ..

RED Chevy انا معاك 100% في ان اللي الله كاتبه راح يصير 100% ..

لكن المشكله في هذي الشركات اليابانية انهم قاعدين يفاشرون بأنظمة السلامة وسياراتهم قاعدة تذبح الأوادم .. ليش ؟؟؟؟

الحمدلله على سلامته وان شاء الله يقوم بالسلامة
الحزام ياشباب مهم لدرجة كبييييرة
ممكن طلب انك تسأل ابن خالتك لمن يقوم بالسلامة ان شاء الله انه كان رابط حزام الامان ولا لا؟

black scorpion لا :headshak:

الحمدلله على سلامة ولد خالتك والله يشفيه


الله يكفينا شر الحوادث والسواقين المتهورين اجل اذا كذا صديقه كيف لو عدوه جد مزح صعايده

صدقت والله

وأتمنى ترجع للموضوع المثبت أول الصفحه بخصوص سبب ابتعاد الأعضاء عن المنتدى واحد ورا الثاني !!


والله يقومه بالسلامه انشالله

Re: ولد خالتي مسوي حادث .. اللي يحبون الياباني يدخلون !!
 

هوندا سيفيك وسلامه!!!

هوندا سيفيك ومع السلامة...

خطاه السو انشالله وجعل ربي يخليها اكبر المصايب

لاحول ولا قوة الا بالله

الحمد لله على سلامته والله يشافيه بأقرب وقت

ما يشوف شر


في وين امسوي الحادث

صديقه ويدعم فيه 3مرات؟؟

لو انا منه اجيب تريله واركب فوق سيارته..وأطحنه هو وسيارته :D


ماله داعي صراحه هالحركه...

والله يقومه لكم بالسلامه...وإنشاءالله تكون آخر المصائب والأحزان


وتحياتي

سلامات والله ،
الله يكتب له الشفاء العاجل ويرده لكم بالسلامة

أما أنظمة السلامة فمثل ما تفضلوا الشباب ،
وقت الحادث ما بينفعك انت راكب الماني ولا ياباني ولا حتى سنغفوري
الحديد واحد .. والتهور ايضا واحد

SLR مشكووووووووووووووور اخوي على ردك الطيب وكلامك صحيح 100%

الفجر mtr البعيد خطاك الاش

تسلم اخوي DodgE الله يسمع منك

Dreams_Maker اي والله أحين صديقه محبوس في الشرطة لما يتعافى ولد خالتي بعدين يطلع

RX331 صح كلامك لكن سيارة عن سيارة تفرق أعطيك دايو وابيك تسوق 90 كلم وتدعم في أي جدار من السمنت وبعطيك شفر وبنفس السرعة ..

شنو راح تختار لهذا الإختبار البسيط للسلامة ؟؟؟؟؟؟؟؟؟ وهذا السؤال للأخوان بعد :banana: