عمري 16 واريد ان اتعلم القيادة تفضلوا
 

السلام عليكم

اخواني اريد ان اتعلم القيادة بمفردي فكيف اتعلمها

هل اقدر تعلمها اذا قعدت ادور بالسيارة في الحارة واخليها تمشي لحالها وانا الف لف ولا اقدر اتعلم بطريقة افضل:D


اريد نصائح وتوجيهات واقترحات


سيارتنا كابريس صابونة

اهللللللللين
هلا اخوي انا عمري 16 وصار لي ثلاث سنوات وانا اسوق.
سواقت السياره مب صعبه بس يمبه لك تنتبه الى قدامك وتحاسب عند كل منعطف والافضل لك ان تتعلم في ساحه فاضيه يعني مافيه سيارات كثيره واذا بتلف يمين عندك اشاره دقها قبل لاتلف وكذالك اليسار وهاد مااستطيع ان اقوله لك واذا فيه واحد من الاخوان ان يقول لك اشياء ثانيه مسوى هم احسن مني في القايده
وشكرآ
اخوكم
:glasses2: E_TYPE:glasses2:

السلام عليكم

هلا اخوي انا من رايي ماتسوق لوحدك
لانو لازم يكون معك واحد اكبر منك يعطيك اخطائك ويوجهك ويساعدك
والسواقه ماتتعلم في ساعه ولايوم بعد السواقه لفتره يتحسن مستواك وكل يوم راح تكتشف خطأ كنت تسويه بدون ماتنتبهله

بس نصيحه خل احد كبير يركب معك ولاتسرع ولاتفحط


وتمنياتي بالتوفيق....

والله شف اخوي ...

عندك احسن حل للتعلم السواقه مره وحده بس وبعدها ماراح تسوق ابد وهي

تعال ماسك خط عريض وفاضي وانت ماشي 200 اوكي وبعدين هز السياره يمين شوي ورجعها بنطله يساار ورجع الطاره يمين وامسك فرامل وتصير اطلق نطله بتاريخ المفحطين وتصير سواااق بس لاتفرح كثير لانك ماراح توقف الا في العمود اللي بالوسط :):):):)

امزح اخوي لاتصدق وتروح تصلحها وتموت علينا .. بس خل واحد يعلمك افضل او اركب مع واحد يسوق وانتبه وش يصلح وانت صلح زيه

يالله سلام

اخوي هذة نصيحة لك لاتسوق بهذا السن لوحدك خاصة انك بتسبب مصايب للأهلك ولنفسك اذا حبيت تتعلم السواقة اطلب من ابوك او اخوك الكبير شوي شوي في مناطق بعيدة او بر اذا عندكم فورويل وبالهداوة حتى تصل السن القانوني

خذني مثال انا اول ماسقت كان عمري 16 واستهنت وصرت اسابق واسوي كل البلاوي ايش النتيجة سويت حادث ومشلكت نفسي وخسرت ابوي 2000 ريال

بس بعدها حرمت والحين عمري 18 واسوق عادي بدون خوف وعندي سيارة ومرتاح

هذة نصيحة اتمنى توصلك

هلا جلكسي !!

شوف زي ما قالوا الشباب لا تسوق في البدايه الا ومعك واحد له خبره في السواقه (( صارله يسوق سنتين واكثر وما يكون مرجوج ولا ترا يبهدلك !!))

وما اظن انه فكره السواقه في الحاره فكره زينه (( كله حفر و عيال تلعب في الشارع و تقاطعات كثيره ....... الخ ))

شوفلك مخطط جديد ما فبه بيوت او ساحه مواقف و اطله مع استاذك ((حلوه ذي :D )) و حبه حبه .. ليما تتعود على وزنيه السياره و تتعود تناظر في المرايات و تصير عندك صيطره كامله على السياره و بعدين ابدوا اطلعوا في اماكن ما فيها زحمه (( الكورنيش الصباح )) . .................

سلام !!

أخوي جلكسي يتغبى تتعلم على السواقة خلي واحد كبير وعاقل يجلس جنبك وينصحك

هذي نصايح من عندي:
1.أهم شي لا تسرع عشان تتمكن من السواقة وأي طاريء يصير.
2.الإشارة عند اللفات أو في الخط من اليمين لليسار والعكس.
3.المرايات الوسطانية واليمين واليسار خلي بالك معاها.
4.لاتغفل في السواقة وتنشغل بأي شي.
5.خليك عاقل ولا تخلي احد يستفزك ويخليك تتطارحه أو تسقط في حالك طنشك منه.
6.لمن تسوق حاول تمسك الخط الوسط عشان المنطقة تبان لك يعني لو كنت في اليسار أو اليمين وفي شجر ماتدري يروح يطلعلك واحد والله يستر.
7.انتبه من البزوره الصغار الي يلعبو في الشارع وكمان الي يقطع الخط هدي له أو وقف لأنه بعضهم يتربك ويرجع من محل ما جا مايكمل قطع الشارع.
8.لو تبغى تتعلم اتعلم اول شي في مخطط جديد فاضي وخلي واحد كبير معاك وبعد فتره أنزل الطريق السريع واصحك والسرعه وبعدها بفتره انزل البلد والله يوفقك.

تحياتي:D

السلام عليكم
 

نصيحتي لك لا تسوق في هالسن...
واذا كنت مُصر على السواقه..
مثل ما نصحوك الشباب
بس لما تتدرب في الحاره او الفريج ركز على هالنقطه أنتبه انتبه انتبــــــــــــــــــــــــه زين لليهال ((الاطفال)) لانهم يطلعون لك فجاه يركضون في الشارع..وبعد هذيل اللي يسوقون السياكل بعد هذيل مشكله انتبه لهم :glasses:

انصحك انك تنتبه لدراستك يكون احسن.......

إذا ماتعلمت القياده وانت وبسن الــ16 ماراح تتعلم

وسلامتكم

اخوي المفروض قبل ال16 تبدأ تتعلم


على كل

حاول بقدر الامكان انك تتعلم على قير عادي اول لأنك اذا اتقنت القير العادي حيصير الاوتو ولا شي عندك انشالله




اخوكم


معدل,,,

صحيح 16 اظن انه عمر مبكر جداً للسواقة
ما ادري على ايش مستعجل :)

أنا عمري 23 وما حصلت الرخصة، شوف أخوي، 16 أشوفك مستعجل شوي، ما عليك من الربع، انتظر بس سنتين وتدرب تدريب قانوني وروح امتحن وحصل الرخصة وعمر 18، هذا أفضل لك، ألحين انتبه لدراستك أحسن.

سردال شكله ما بيحصل الرخصة أبداً :laugh:

انا مع الشباب الي ينصحونك بالتغاضي عن فكره تعلم السواقه وبدل من هالفكره فكر بشي يوافق سنك
طبعا في هالسن السواقه جدا جدا جدا جدا خطيــــــــــــــــــــــــــــــره

في ايامنا هذي ما ينفع للسياره الا الي فوق ال21 سنه من المشاكل الي حاصله

وغريبه سردال 23 بدون رخصه شكلك مش متهر ال متهور



















لا تزعل يا سردال باشا نمزح معاك



وسلامتكم:black:

السلام عليكم و رحمة الله
 

بصراحه عجبتني وايد شجاعة الاخ سردال الادبيه..احسن لك والله..ورائي انا...من اللي اسمعه واشوفه في الشوراع.....سن 25 هو السن المناسب لشباب لسواقة السياره....بس الحين كلهم مستعجلين على السواقه سواءً اولاد او بنات....مره رحت اخذا اختي من المدرسه شفت بنت في الثانويه...نهاية الدوام طالعه من المدرسه وموقفه سيارتها برع ..ولابسه لبس المدرسه وشكلها توها 18 ..ركبت سيارتها و وراحت ...فسألت اختي...قلت لها مشاء الله البنات استوو وايد مستعجلات عالسواقه..قالت لي هيه هاي اعرفها ثالث ثانوي وفي وايد بنات بعد ينتظرون ان يكملون 18 يريدون الليسن..قلت على شو مستعيلين يا حسره ....:confused:

اخوي انا ظروفي تفول لازم اتعلم الحين لأني احتاج السياره كثيره

أنا أتوقع أنك أكبر واحد في بيتكم أو أذا فيه ألاخ أكبر منك يمكن يطلع مشغول

المهم أنت سوق بس أنتبه أنتبه لا تشوف نفسك تسوق اسبوع اسبوعين بدون ماتسوي ولا غلطة تقول تعرف تسوق خلاص تقوم تسرع وكذا لالالالا ترى الناس هالايام مرجوجين بعدين أنت سنك مو قانوني لكن ماعليه بس أنتبه لنفسك لا تتحمل أخطا غيرك ولا تستهتر أنا مثلك :o
عمري الحين 16 وعندي سيارة ملك لكن إذا جيت أطلع برى الحارة أطلع إلى الضرورة ومعاي الاهل لأنه لو يشوفك وأنت كذا بيوقفوك وسين وجيم

وأرجع أقولك انتبه يعني انتبه

وبالتوفيق

جلكسي الحين وقت التعلم وحتى يمكن متاخر شوي والله ياشباب انا كنت اسوق السياره في حارتنا وعمري 12 فالرجال الحيييين هو وقت ليتعلم السواقه بس رجاااااء انتبه يخوي ولا في حد يعلمك والله احسن واحسن

جزاكم الله خير والله يوفقكم وماقصرتوا

انا راح انتظر اخوي يعلمني افضل

انا بقلك كيف تعلمت...

يوم كان عمري 12سنه كنت اروح البر مع الوالد واخذ الجيب حقنا ودعس بس

المهم نمشي السياره والله كنت مافهم شي في السياره طبعا قير عادي
وكنت اجدع واخمس والله كنت مجنون ههههههه:p :p
وبعدين انقطعت فتره الين
صار عمري 14
وصرت اخذ مشاوير البيت في مكه بس يعني جده لا هههههه:banana:
ومن 15 الين الحين 20
صرت اروح جده ومشاوير بعيده

وبس هي السواقه اسرق سيارة ابوك في الصبح خذ لفه حول البيت خخخخخخخخخ

وتحياتي الك........:banana: :banana:
سنـــــــ:sleep: الباشا:sleep: ـــــوبي:glasses2: :glasses2:

أخوي جلكسي نصيحة لا تسمع كلام المكاوية زي ^SNoOopY^
أمس واحد خويي مسوي حادث بكرولا 2003 خلاها تطير بإرتفاع يقارب نصف عامود المبه لكن الحمد لله طلع بخير لكن السيارة الله يرحمها.

وترى نصيحة لو أنت اكبر أخوانك لا تستعجل على السواقة لأنك في الأخير حتنقلب عليك كل مشاوير البيت اسأل مجرب ولا تسأل خبير.

ههههههههههههههههههههههههههههههههههههههههههههههههههههههههههههههههههههههههههههههه

:D :D :D :D :D

ماراح ارد عليك حكام العدل :banana: :banana: :banana:

سردال عندي واسطة في المرور في الامارات تبي مساعدة :D

انا الآن اسوق بدون رخصة عندي رخصة دولية فقط

عموماً نصيحة لا تسوق بهذا العمر بتتعرض للمشاكل كثيره اسأل مجرب

أنا أول ما تعلمت السواقة (قير أوتو) حسيت حالي ألعب لعبة GT في البلاي ستيشن :D


و أتقنت السواقة في أول يوم :D



بس إذا بغيت تتعلم عادي لا تروح الدلة نصيحة لله :Sad2:

أخوي تعلم عدهم وحارق أم الكلش وهو يسوق:laugh: