أودي تقدم الصاروخ الجديد S4 (جديد معرض باريس)
 

ودي اعرف السر الغامض في تمسك اودي على هذا النوع والشكل من الجنوط؟:(

حلوه
 

بس مافي فرق كبير الا في المحرك.......و انا ما احبه ابدا:mad:
و بالنسبه للواغن الاخير ه نفس لون سيارتي من الداخل و الخارج بالضبط
و الى الامام اس 4:D
و بالنسبه للجنوط يا خوي يا اس 8
هي نفس حكايه الاي ام جي من مرسيدس و غيرهم
بس الفرق ان هالجنوط خفيفه جدا و لا يغرك شكلهم و ايضا شديدات التحمل
شكرا اخوي اي ام جي
انا انتظر من زمان هالخبر

ال s4 محركها v8 :eek: هاذي صاروخ راح اتكون

شباب في امكانيه انها تطلع عن ال s8 :confused:


شكرا اخوي amg على الموضوع

عزيزي كورفيت
 

كمالك للسياره احب اقولك ان الاس 8 مالها مستوى امام القديمه الابعد سرعه 260 كم تقريبا و على شرط تكون الاس 8 معدله( كزوز سيستم و شب ) و لكن بصعوبه ايضا و لكن من القومه باي باي و الاصح انك تقارنها بالكورفيت لاني ما اسويله سالفه ( بصراحه و لا تزعل ) او اي 55 و ام 5
ما في مستوى
اما بالنسبه للمحرك الجديد فاعتقد بيكون افضل في العزم بكثير عن السابق و لكن تقريبا نفس المستوى

انت بايع عمرك بصراحه:eek:

760 اي ال
 

انا انتحاري و مشكله بالسيارات......
انا لو احط البومي الخاص ( كل المغامرات فيه ) في المنتدى بتنصدم و بشده:D
و عادي....شفت جي تي 3 مع NOS هذا انا
مغامر هو شعاري في الحياة
و بحط البومي عن قريب في المنتدى و احكم بنفسك

يعطيك العافية أخي عمر .. على موافاتنا بكل جديد ..



لكن خلينا نتكلّم بدون مجاملة ..


الفروق بين S4 و A4 ... ألم تكن فروق متوقّعة ؟

أي نفس الفرق بين A4 و S4 .. الجيل السابق ؟

إنت شخصيّاً عندما رأيت هذه السيارة .. ما قلت في نفسك .. ( لا جديد ) !!

الجنوط لم تتغيّر .. الرفارف بارزة قليلاً .. البروز أسفل الأبواب .. الصدام الخلفي .. المرايات الجانبيّة ..

ألم يزهق عشاق أودي من هذه التعديلات اللتي هي من عام 1995 ..


نفس الكلام ينطبق على BMW .. ومرسيدس .. في فئة M و AMG ..
ولكن بشكل جزئي .



تحياتي لكم ,,
ماجد

Crower
 

الاودي S8
من 0 إلى 100 في:5.5 ثواني

بي ام M5
من 0 إلى 100 في:4.8 ثواني

:D :D


وين المقارنة؟؟


=====
8 سلندر
4.2 لتر؟؟؟

هذ محرك S8
:confused:

عزيزي
 

الاودي اس 8 من 0-100 في 5.4 ثواني (جير عادي) اوتو في حوالي 6 ثواني
اي 55 صفر - 100 في 5.4 و ربع الميل في 13.5 تقريبا ( ما يحضرني الرقم بالضبط)
الام 5 ارقامه قريبه جدا من اي 55 و يمكن نفسها بالضبط
الاس 4 (اذا كانت مع كزوز و شب بس ): اقل من 5 ثواني من صفر-100 و الربع ميل في حوالي 13.3

Re: عزيزي
 

لالالالالالا

انا متأكد ان M5 تجيب الـ100 في 4.8 ثواني

لو تقارنها مع M3 يكون فيه عدل

:)

عزيزي
 

تسارع المصنع غير.....
و 4.8 هي ارقام للمجلات اعتقد
و يعتمد في الواقع على الخبير اللي يقدر يطلع قوه سيارته كامله و لكن باستثناء ذلك هي قريبه من اي 55
و كمثال انا نادر ما اشوف ام 5 في ابوظبي يروح عن لومينا اس اس قومه لان اللومينا اوتو.... و الام 5 جير عادي و لازم واحد يعرف للسياره عدل.... و حتى الام 3 نفس الحكايه بس انا اعتمدت على اسوأ الظروف يا عزيزي

مقارنة سريعة بين السيارتين :

S4 .. محرك سعته 4.2 بـ 8 سلندر ليخرج قوّة 344 حصان وتسارع 5.5 ثانية .


M3 ..محرك سعته 3.3 بـ 6 سلندر ليخرج قوّة 343 حصان وتسارع 5.2 ثانية .

لاحظ الفرق في الفرق الكبير في نسبة القوّة إلى العزم ..





يحياتي لكم ,,
ماجد