جيتك أدوّر في الحنـايا على حِِـل

. . . . . . . . . . . . . . يحـلل أوزاري وينـهي كــدرها

ماكنت اصدّق سيف الوله ينسل

. . . . . . . . . . . . . . ويشهر حروبه بعيـوني وسهرها

الله يعلم يــوم اوادعـك وش طل

. . . . . . . . . . . . . على ورودي و النــدى ما سترها

لو يستر الملح سر البحر ما فـل

. . . . . . . . . . . . . . موج القصيد ابيات غيرك كسرها

أحب هذا الجنون وهو سيّد العقل

. . . . . . . . . . . . . وأعـقل اذا جـنّت حـروفي بسطرها

حاسب تراني ان عشقت اخـتل

. . . . . . . . . . . . واخلخل اوزاني و اهندم صـــورها

مانيب بشـرّاية للثقـالة لـو ازل

. . . . . . . . . . . خفيــفة خطــواتي عميــــق اثــرها

جيـتك و انا ادري عليـك احِـل

. . . . . . . . . . . واحرم على ميلات النوايا وعثرها

يا سيّدي يا سيّد الاٍحساس يا خِل

. . . . . . . . . . . . . خلّي الملامة تموت ونحفر قبرها

يا سيّدي يا سيّد الاٍحساس يا خِل

. . . . . . . . . . . . . خلّي الملامة تموت ونحفر قبرها
شكرا عليك

مشكور او مشكورة على التعليق و على قراءة القصيدة

يأأخي للمرة العشربن أقولك..
أني رجـــــــــــّال!!!!!

اسمح لي اخوي ترا فهمي محدود و احتاج تذكير دوم


على العموم انا اسف و اذا تباني احب على خشمك حاضرين

السموووووووحة الله يخليك و بعدين هي اول مرة اسألك مب للمرة العشرين اعد حسابات عدل لو سمحت