أنواع الرجال عند إشارات المرور
النوع الاول
وهو الي يستغل وقته ويرتب سيارته ويفتح دروج سيارته ويعفط في هالفواتير ويرميها في الشارع وفجأه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب) وتنفتح الاشاره والاخ مشغول في التنظيف!! النوع الثاني وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف) وشوي ويقص اظافر يده وماتدري الاوهو مرفع رجله يقصها هذا اذا كان معاه مقص اظافر واذا ماكان موجود فالحل موجود طبعا يقص اظافره بواسطه اسنانه (قمه النظافه)!! النوع الثالث وهو اكثر واحد يفرح اذا وقف عند الاشاره علشان يبدأ يستعرض ويرقص ويردح هو واخوياه ويرقصون السياره معهم !! النوع الرابع وهو عكس الي قبله وهوالي يشغل شريط خالد عبدالرحمن وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!! النوع الخامس وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه) ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!! النوع السادس وهو الي يستغل الوقت ويجلس يشخص ويرش عطر وشوي الايحط روج ومشغل شريط (سيلين ديون) مسوي جو اجنبي وانواع القز في السيارات الي جنبه!! النوع السابع وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!! النوع الثامن وهو اللي تحس انه ماعنده وقت ابد ودايم بزي ولابس نظاره وخاتم ومبحلق في الجريده ومسوي زحمه في الشارع والي جنبه طفشان ومشتغل مسجات بالجوال !! النوع التاسع وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم)) معه عشان يكون تبديل الملابس اسرع عند الاشاره حتى البطانيه جايبها وماخذها معاه تعرفون الجو متقلب!! النوع العاشر وهو اذا كان سواق طبعا الضعيف متعلق فى الدركسون والابداع يكون وراه عند المدام واخواتها وانواع السواليف والحش ولما يكونو توهم طالعين من السوق كل وحدها تطلع مقاضيها وتوريهم شوى الاوهى متحمسة وصاقعة السواق برجلها الاخت معذورة جالسة تقيس الجزمة الجديدة ياليت كل واحد يعلمنا هو من اي نوع؟؟ |
ههههههههههههههههههههههههههه
تسلم انا من نوع مختلف عند كل اشاره اشوف ايش شي ناسويته اعمله وبأمكاني اعمله افكر مثلا ارسل رساله اكلم واحد كان لازم اكلمه |
اخي الكريم ..
اعتقد الموضوع منقول وصاحب الموضوع كاتبنا الغالي والحبيب ( عسل ) العضو السابق :) ياليتك قلت ان الموضوع منقول :) |
و الله شخصية غير مذكورة عندك ألا و هي
اللي يطالع في الاشارة لين تفتح ويحسب انوا دايما في سباق ( طبعا مع الزمن ) و هذا اغيضا اذا كنت واقف على الاشارة اذا ما لقيتني طايفها |
أقول انت يالحبيب
مشكوووووووووووووووووووور على ذا الموضوع انت شكلك منسم وتقعد تقز كل يلي حولك أكثر ما عجبني جماعة الأكل وخصوصا اذا طبو بالمفطح عندي اقتراح لو تنقل الموضوع قسم السيارات |
سلمت اناملك على الموضوع .....
تصدق مافي ولا صفة تركب علي .... بس عجبتني هذه إقتباس:
مخاوي الليل :cry1: |
| الساعة الآن » 02:08 PM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.