يا جماعة طلبتكم أبي نصيحتكم
 

السلام عليكم ورحمة الله وبركاته






عندي موضوع وبصراحة مو عارف شلون أبتدي فيه :cry1:

بأختصار في بنت بيني وبينها صلة قرابة تحبني من زمان ومحصلة أيميلي من سنة ودايما تراسلني وحتى أنها محصلة رقم تلفوني وكلمتني
أنا أبي أبين لها أنها مثل أختي بس بالحسنى وباللين لأني مابيها تتعقد أو يصير فيها شي لأنها بصراحة متعلقة فيني بجنون لدرجة ما تتصورونها وأنا بعد في فترة من الفترات كلمتها حتى حسستها أني بعد أحبها من هبالتي ولحظة شيطانية مني :(

بس يا جماعة انا الحين تبت والله وأبيها تنساني فياليت أذا أحد منكم عنده نصيحة لي أو حتى أذا محاضرة لأحد المشايخ مكتوبة تبين خطر الحب أرسلها لها على الأيميل أكون شاكر لكم :)

أنا أبي أطلع من الموضوع بالحسنى فساعدوني جزاكم الله خير



تحيات الزعيم :cry1:

عليكم السلام ورحمة الله وبركاته

ألاخ العزيز
تصرف كرجل وصارحها أنت شخصيا وقل لها أنتي مثل أختي

وياأخي أنت تعلق البنت فيك ومكلمها من سنه وبعدين تحتار كيف تقول لها ترى أنتي مثل أختي!

أذا كنت في السابق وعدتها بشئ أو قلت لها كلمات رومانسيه فأكيد تبي تتعلق فيك
أذن هذه غلطتك وعليك أنك تصلحها وتعتذر منها

أذا أنت ماسبق ووعدتها بشئ فياخي ماعندك مشكله وماعليك لوم.

الامر سهل مادام ماحصل بينكم شئ غلط.

وعليكم السلام ورحمة الله
 

أخوي B.M.W X5

اجعل وسيط بينك وبينها كأختك مثلاً تبين لها بطريق غير مباشر نظرتك لها - أكلمك من واقع تجربة لأحد أعرفه مر بنفس مشكلتك واعرف الأخت الوسيط - والحمد لله نجحت
وليت أختك من خلال تواصلها تكثر من ذكر عيوبك ( سامحني بس علشان تساعدها لنسيانك مافيه أحد مافيه عيوب :cool: )
وطبعاً تعينها وتذكرهاعلى أن تزيد علاقتها بالله والله يوفقك ويوفقها لما فيه الخير

محاضره لشيخ تبين خطر الحب !!!!!!!!!!!!!!! :blink:
الحب عمره ماصار خطر العيب بالناس مو فيه يا أخي نعيب الزمان والعيب فينا على قولتهم :D
عموما مثل ماتفضلو الأخوان فيه أكثر من طريقه أو انك تخطبها مافيها شي وحده تحبك وتبيك ولا وحده ثانيه غريبه ومثل ماقلت قريبتك ماراح تلقى احسن منها اقول انا توكل على الله الا اذا كانت البنت صغيره ومجرد تهور طفولي منها هذا بيكون شي ثاني :think:
الله يعينك أخوي :headshak:

أحسن حل المصارحة بدون تجميل عشان ماتلاقي نفسك انجريت للسنه الثانيه
مافي حد يموت من الحب وتحزن هي شوي ولا تلاقي رجلك تغرز اكثر لانك وصلت لهذي الدرجة عشان ماكنت حاسم من البدايه

اما اذا كنت رايدها بالحلال فأستخير وتوكل على الله