سوالف للجميع (http://www.swalif.com/forum/index.php)
-   ســـوالف الــسيارات (http://www.swalif.com/forum/forumdisplay.php?f=69)
-   -   ما هي أسباب ضعف عزم السياره بشكل عام ؟ (http://www.swalif.com/forum/showthread.php?t=178207)

L u m SS i n a 14-11-2003 04:04 PM

ما هي أسباب ضعف عزم السياره بشكل عام ؟
 
السلام عليكم

سيارتي لومينا اس اس 2001

السؤال : العزم صار ضعيف شوي ..وش الامور اللي تسبب ضعف العزم؟

انا اللي اعرفه :

1-البواجي

2-أسلاك البواجي

3-البخاخات

4-فلتر الهواء

والاشياء هذي كلها بتضبط اذا سويت تصفية ماكينه عند الوكاله ..

لكن هل فيه أسباب أخرى تضعف العزم؟

القيربوكس له دخل ؟

وماهي الاشياء اللي ممكن اسويها وتزيد العزم وقوّة القومه ؟

مشاكس أفندي 14-11-2003 06:00 PM

علمي علمك:D

BO_NASSER 14-11-2003 06:35 PM

السلام عليكم

أخي L u m SS i n a موضوع عزم المحرك والقوة والتذبذب في الأداء كبير ومتشعب ,,

بالأضافه للأسباب اللي ذكرتها :
1- نوعية الزيوت المستخدمه (ترسبات الأحتراق داخل المحرك)بشكل طبيعي الزياده في الترسبات تقلل من اللزوجه والأداء وعمر المحرك.
2- استخدام السائق ( علميا لكل شيء عمر افتراضي حتى الانسان) مع الاستخدام الخشن وتجاهل الأضرار يقل الأداء بشكل كبير.
3- طبعا الكلتش والجير بوكس عامل رئيسي في المحصله النهائيه للقوة(في اختبار الداينو يعطيك النتيجه في الويل العجله) تتأثر بتأثر الكلتش والجير بوكس والوزن بشكل كبييييييير .
4- بعض المحركات قبل لا تخبط تعطي عزم خيالي وكبير (وهذا انذار للسائق) مشهوره محركات تويوتا بهذا الانذار .
5- نوعية الوقود كل ما زاد الأوكتين فعالية الحرق والأستفاده تكون أكبر والترسبات تكون أقل طبعا.
6- الحراره وما أدراك ما الحراره لها نصيب من مسببات ضعف العزم.
7- أكثر المحركات فقد أو تخسر قوه وعزم بشكل كبير هي الأمريكيه طبعا بعد فتره زمنيه (ابحث عن Losing power في مجموعات الياهو)
8- الثبات والأستقرار في الأداء شيء مستحيل بالنسبه لسياره موضوعه للأستخدام اليومي .
9- كذلك نقاط كثيره تضعف العزم منها الفلاتر المستخدمه للوقود أو الزيت أو الهواء .

في النهايه يجب اختبار عزم وقوة المحرك عن طريق الأرقام (جهاز الداينو) لأن المقارنه مع السيارات الأخرى غير عادل وغير آمن في نفس الوقت .

أتمنى من الجميع المشاركه للأستفاده بشكل عام .
كما أتمنى للجميع دوام الصحه والسلامه...

تحياتي

بو ناصر

bashar_255 14-11-2003 10:59 PM

هي الفلاتر بشكل عام:glasses:

و في اسباب ثانيه :

- البطاريه في السياره الأوتوماتيك

- الدبه اللى في المقدمه بعد الهدرزات (اتوقع اسمها دبة التلوث:D )
تنسد مع الوقت (يبدلوها في البابطين:glasses: )




ما حقلت صوره اسنع:D

- الضغط الدائم على المكينه يقصر عمرها:help: و يشهب رؤس المكينه و المسامير و يوسع الفتحه في السيارات القديمه(يبيلها توضيييييييب:help: )
هذا اذا شفتها شنبرت او طلع منها صوت عالي (أعني عالي مو حبه:rolleyes: )

- ممكن تكون البخاخات مسدوده:OO: في هذه الحاله انصحك تحط قوطيينستب احمر في البانزيين و تمسك فيهم خط عشان الأوصاخ اللى في البخاخات تتهري من امها:p

و لي عوده لأني:sleep:

oil_HKS_lio 15-11-2003 03:10 AM

شيل الدبه التلوث وبعدين حط لك في التانكي قوطي قاز الي يحطونه وينضف البخاخات وامسك فيها خط عاد شوف بواجي اسلاك فلاتر زيت ماكينه تعبانين عليك بلباقي وهاذا في تجربتي الي معاي

black scorpion 15-11-2003 06:57 AM

طيب اذا شلت دبات التلوث الصوت بيزيد ولا يقعد زي ماهوا؟؟؟

L u m SS i n a 15-11-2003 07:47 AM

سلام

شكراً على الردود

الاخ ابو ناصر :

انا استخدم زيت موبيل 1 الجديد (سوبر سين) هذا حق النشاما في السباقات ..

وانا ما اضغط على الماكينه الا أيام الاربعاء فقط (المقاومات) ..

ذكرت ان استقرار الاداء مستحيل .. طيب اعرف واحد معه لومينا اس اس 2000 (أول ما نزلت) وأداء السياره لا زال صاروخي (يقوم على طوال الشوارب) وبدون تعديلات ولا شي ! والزيت اللي يستخدمه شل سوبر بلس ويااالله يغيره في الوقت المحدد !

بالنسبه لجهاز الداينو .. موجود عند الوكاله (العيسى) ؟ المهندس اللي هناك قال لي فيه مجموعة نقاط بنفحصها تتعلق بالعزم .. هل بيستخدمون الجهاز؟

اذا ما عندهم .. وين القاه؟

وموضوع البنزين الحين صارت المحطات اللي تغش في البنزين كثير .. وش افضل محطه في الرياض بنزينها مضمون انه مفلتر ونظيف؟

وشكراً ! :)

BO_NASSER 15-11-2003 07:54 AM

السلام عليكم

يا شباب الا دبة التلوث ما عندكم فكره عن مضار الغازات المبعثه من المحركات اذا الضرر ما صابك البيئه راح تتضرر ومن ثم ذريتك من بعدك عسى عمرك طويل ,, وبعدين هي محسوبه بمعنى آخر مراح تستفيد من شلها الا اذا ركبت انتيك هواء أكبر أو قمت بزيادة دخول الهواء عن طريق الكمبيوتر !!
وهذه كلها تسبب مشاكل ....

BO_NASSER 15-11-2003 08:07 AM

L u m SS i n a
 
السلام عليكم

أخي الكريم

بالنسبه لزيت موبيل 1 (سنثتك) يعتبر من أفضل الزيوت ,,
دوام الحال من المحال, (بالنسبه لسيارة صاحبك توجد فوارق في الأداء بين سيارات تخرج من نفس المصنع بنفس المواصفات) بعض السيارات تكون غير طبيعيه بالنسبه لمثيلاتها..
حتى المهندسين يبررون هذا بعيب تصنيعي يمكن يزيد أو يقلل الأداء !

جهاز الداينو هو اللي راح يبين لك القوة والعزم سواء في الكرنك أو القوة الفعليه في الكفرات .

بالنسبه للبنزين والشركات اللي في الرياض والله ما عندي فكره لأني من أهل قطر ..

وعسى الله يديم عليك الصحه والسلامه

تحياتي

بو ناصر

مؤيد اف1 15-11-2003 08:38 AM

انا اقول اكثر شي ياثر الزيت..
يعني لو كل كلا دعس او تدعس وايد غير الزيت بعد 2500 او حتى 3000 بالكثييييييييير بس انا افضل بعد 2500

bashar_255 15-11-2003 08:47 AM

إقتباس:
رد مقتبس من BO_NASSER
السلام عليكم

يا شباب الا دبة التلوث ما عندكم فكره عن مضار الغازات المبعثه من المحركات اذا الضرر ما صابك البيئه راح تتضرر ومن ثم ذريتك من بعدك عسى عمرك طويل ,, وبعدين هي محسوبه بمعنى آخر مراح تستفيد من شلها الا اذا ركبت انتيك هواء أكبر أو قمت بزيادة دخول الهواء عن طريق الكمبيوتر !!
وهذه كلها تسبب مشاكل ....


انا ما قلت شيلها انا قلت بدلها:glasses:

هو ما قال ابي الغم قال ابي ارجع السياره لعزمها القديم:rolleyes:

=================


المهم:D

- فلتر البانزين ممكن يكون تعب:help: و ذلك لعدة اسباب:

1.تعبي من محطه تانكيها من سنة جدي نص بانزين و كيسين رمل:D

2.تخلي التانكي يقرع بعدين تروح تعبي:headshak:

3. الدوس على تانكي مقرع أكثر شي يهري الفلتر:headshak:


اذنننننننننننننننننننننننننن:D


باي

mustang cobra 15-11-2003 10:39 AM

بسم الله الرحمن الرحيم

يمكن من التفحيط والقومات والاسباب المذكوره فوق

مكيكان 17-11-2003 04:02 AM

لانك تعودت على السياره
صار ادائها مع الزمن طبيعي بالنسبه لك
يعني ما تحس انها قويه زي اول يوم شريتها


سوق ترسل لمده اسبوع و ارجع سوق اللومينا بتحس انها زادت 20 حصان :banana:


الساعة الآن » 12:24 AM.

Powered by: vBulletin Version 3.0.16
Copyright ©2000 - 2024, Jelsoft Enterprises Ltd.