سوالف للجميع
(http://www.swalif.com/forum/index.php)
- سوالف المطبخ
(http://www.swalif.com/forum/forumdisplay.php?f=49)
- - البياح في الفرن
(http://www.swalif.com/forum/showthread.php?t=228952)
البياح في الفرن
اليوم يبتلكم طريقه يديده للبياح ...أو أي نوع سمك كبير وأنا جربته ع الشعري بعد أول شي لازم اتكزن السمكه كبيره وسمينه وتقطعينها من الظهر مثل الكتاب وتنظفينها بعدين اتسوين خلطه من الليمون والفلفل الأسود والأحمر والكاري وتبشرين حبة ماجي وزيت زيتون وتخلطينهم وتصبينه ع السمكه وتخلينه أقل شي ربع ساعه واذا انتي مب مستعيله سويها من فليل وحطيها في الثلاجه لين الظهر  اهنيه عقب ما حطينا الخلطه.. وهذا يوم دخلناه الفرن  وفي هذا الوقت انقطع بصل لقطع صغيوه ونشيطها لين تحمر وبعدين نحط اشوي ثوم وبعدين كميه من الطماطم وجميع البهارات الموجوده عندكم وقليل من لب الليمون الأسود وأخيرا انحط الصلصات الموجوده عندنا مثل هاي الصوره  ونخليه لين يفور ويغلظ  وطلع السمك عقب ما حمر شوفو الصوره  ونحط خلطة الصلصة على السمك  ونرجعه بعد في الفرن لمدة عشر دقائق أو أقل..ونطلعه  ونشله اشوي اشوي وننقله الى صينيه ثانيه أو يترك في نفس الصينيه.. أنا شليته وحطيته في بايركس عشان التزين .. شوفوا الصور واحكموا..؟؟  وهذا بعد  شو رايكم في الطريقه اليديده يا حلويين..؟؟؟ |
يعطيكِ العافيه اختي بيوتي شيك ...
لاحظت عليكِ تحبين السمك .. واشوف الصلصه الحاره اكثر من نوع .. فيه العافيه ان شاء الله .. وعساكِ على القوه |
بيوتي شيك
الصراحه روعه شكلها اصلا يجوع يعطيك العافيه ولاتبخلين علينا :shock2: |
إقتباس:
أنا ما أحب السمك واااااايد بس هاي الأكلات البحريه كانت لعزيمه لبو الشباب وكل أسبوع انزل أكله...هاي كل السالفه.. تسلم ع التواجد..... |
إقتباس:
الله يعافيك أخوي.. |
| الساعة الآن » 04:54 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.