*** موضوع صوتيات السيارات الجزء الثالث ***
السلام عليكم
كيف حالكم شباب .. انا شفت مافي احد راضي يفتح الموضوع قلت خليني افتحه على بركه الله . شباب حبيت اقولك اللي يبي سماعات CDT يقول لي من الان . التكلفه الاجماليه حوالي 1500 مع الشحن للموديل Classic بدون اتعابي هذه اسعار قبل 7 شهور يعني يمكن اقل الحين . احتمال كبير اطلب بعد اسبوعين .. لاني قابلت واحد من الانترنيت من ساونددوميين وتقابلنا وسمع سيارتي وكانت النتيجه :shock2: :shock2: :shock2: .. طلع من السياره وهو بس يقول سماعات سماعات يعني نسى البيس .. هو عنده في سيارته مضخم بايونير 944 + وففر بايونير SPL2000 + 4 سماعات بايونير 300 واط الهاي بور السوداء كلهم حاطهم ورا .. طبعا راح اغير له الصندوق والسماعات يبي يبيعهم علشان يشتري CDT خلاص صنفه معاه .. هو عنده هوندا سيفيك ويبي بعد يشتري الاوبتيما البطاريه .. بس شباب تصدقون مسوي حركه حلوه انا نسيت افتح الكبوت اشوف بس هو مغير الدينمو حاط واحد 120 امبير حق لاند كروزر مستعمل ويقول ان الوضع تحسن كثيييييييير .. وانا شكلي بسوي مثله بس ما اعتقد لاند كروزر نبي شيء اصغر واقوى . تحياتي ......... |
بالتوووفيق يالغالي والله انا مالي خبره في الصوتيات بس حبيت اشكركم جميعا والاخ 922 على المجهود الرائع القايمين فيه والى الامام:)
|
يا هلا فيك اخوي Top Secret هذا واجبنا اخوي ....
|
السلام عليكم ورحمة الله وبركاته
DDesigns ماشاء الله عليك اخوي الكريم كفيت ووفيت ،انت خبير بالانظمة الصوتية،ومواضيعك من مواضيع المميزة للسيارات. واشكرك اخوي على مجهودك الكبير وجزاك الله خير. تحياتي لك :D |
مبروك افتتاح الموضوع ...... :p
وش صار على العوازل كلمت الشركة "العوزال الصلبة" ==== بالنسبة للسماعات ودي اطلب لكن :cry1: ==== ديمنو الكروزر ممتاز وعموماً اي 6 سلندر يكون فوق 100 امبير ولكن انت تعديت مستواه :banana: |
واشكرك اخوي grandv8 انت صراحه مو مقصر بعد كل واحد يبذل مجهوده والمنتدى يكون في حيويه ونشاط ان شاء الله .
اخوي 922 والله العوازل ما رد علي لان تخر امريكا اجازه من السبت للاثنين فا انتظر الرد اليوم او بكره . ما ادري .. انا طلب عارفه ومستعد اطلب من بكره بس انا ابي اشوف طلبات الشباب بس لاني قلت له لا تسوي اي اجرائات يمكن اجيب لك زباين .. اما بخصوص السماعات معليش معليش خليك مثلي يا شباب كلكم لا يصير ما عندكم صبر خلوكم مثلي انا حرمت نفسي من اشياء كثيييييييييير لا من طلعه لا من تلغيم لا ترفيه بس اجمع فلس فوق فلس لما اشتري شيء محترم اما اذا كل شوي تشوفون سماعه ب 300 ريال تقولون رخيصه وتشترونها عاد تحملوا الميزانيه تطيح .. ان شاء الله اخوي 922 ترفع الميزانيه والله يوفقك انا عارف وضعك والله خصوصا توك شاري سياره ما شاء الله تبارك الله . بخصوص الدينمو انا ما اقدر اركبه الحين لان يبيله ترهيم وشغل على جنب يعني ما يركب سيده وانا ناوي اغي المكينه يعني ما يصير اغيره مرتين .. بس الخطوه الثانيه راح تكون هي : وضع بطاريه اي سي ديلكو عاديه 60 امبير او 90 كل واحد تحت الكبوت والاوبتيما الصفراء احطها ورا في الدبه واحط بينهم ايزوليتر علشان الدينمو ما يتعب كل شوي يشحن وحده بروحها وبكذا اظمن ان الاوبتيما تعيش مده اطول لاني سمعت انها تتاثر شوي في دقه السلف مع اني ما شفت شيء غلط .. وايضا من صالحي ان البطاريه تكون جمب المضخمات يعني على طول وصل .. تحياتي ....... :banana: :banana: |
DDesigns
اتمنى لك كل التوفيق حبيت اقولك ان الحمد لله شريت المسجل ألي نصحتني فيه ألي هو Pioneer DEH-P8650MP قيمته 1780 لكن اعطوني اياه 1750 وكانت أخر حبه زين لحقت عليه :D وهذي صور للمسجل ومثل ما قلت لي ركبته عند محل الدواي ألي في شارع الملك فهد في الخبر عند الهندي:D صراحه شغله نظيف ما توقعت انه كذا من شكله :D وكلفني تركيب المسجل عنده 60 ريال والمسجل قوي وواضح في الصوت ولا ننسى ان نقاوة الصوت ما تعتمد على المسجل بس... على السماعات و محتويات السي دي ان كانت أغاني او غيرها وهذا فيديو مسجله انا للمسجل للي يبي يشوفه :glasses2: http://silver-online.net/EF_Sonata/DEHP8650MP.rm حجم الفيديو تقريبا 2.65 م ب DDesigns شاكر لك على النصيحه ومساعدتك لي :) وما انسى بقيت الشباب :p |
السلام عليكم
مبروووووووووك على المسجل ويعطيك خيره ان شاء الله .. انت الحمد لله الان بدأت بدايه جدا جدا ممتازه وعقبال ما تكمل سيستم حلو ... فيديو ممتاز جدا جدا ولو كان بودي تغير الخلفيات والحركات علشان الشباب يشوفونه . عموما سعره في الامارات فرق 200 ريال ما تسوى على الاثل فيه ضمان هناك . تحياتي لك ...... |
مجنون سيارات
مبروك المسجل واختيار ممتاز جداً وبنظري هذا الموديل افضل شي نزل عند بايونير حتى احسن من 9650mp وبالتوفيق بقية السستم :p |
بسم الله الرحمن الرحيم
يا شباب انا حبيت اركب مسجل للسياره وابغى تكون فيه الموصفات التالية : 1 يشغل mp3 2 يشغل cd وكاسيت 3 يكون فيه راديو وانا نصحوني بـ pioneer أرجو انو تفيدوني بالموضوع و تحددون لي الأسعار تحياتي لكم TU PAC |
شباب يا ريت أحد يساعدني السستم اللي عندي لما أعلي الصوت الأنوار تضعف رحت محل صوتيات قال لي أركب بطارية زايدة تنشحن وسعرها 900 ريال يا ليت أحد يساعدني .
وشكرا على الموضوع |
إقتباس:
================ قصده مكثف ماانصحك تركبه لانه اذا شحن ذبح الدينمو عندك يشحن بسرعة ويضعف الكهرباء بدرجة كبيره واحتمال تعطل الدينمو كبير لانه السحب اكبر من طاقته فما ودك يشحن وانت ماسك خط والمكيف مشغل ووووووو اتوقع فهمت قصدي ====================== اول شي لازم تسوي ال big 3 وهي انك تقوي الاسلاك من البطارية الى الدينمو - الموجب وتقوى سلك االتأريض من البطارية للبودي والكيبل لايقل عن 8 ملم بتتحسن الكهرباء بنسبة 20 % =============================== البطارية ركب 90 امبير اذا فيه مكان واذا ماكفت الخطوات السابقة ========================== واخر طريقة انك تركب بطارية اضافية في الشنطة بس حط في بالك انك تحتاج Isolator وهو عبارة عن موزع يوصل بين البطاريتين وينظم عملية الشحن بالاضافة الى اهم ميزة انه يفصل البطارية الاضافية لما تدق سلف ولما تطفي السيارة Isolator كان موجود على الجموس القديمة ويستخدم في السيارات لحد الان بس مو متاكد من اسمه الدارج هذا مثال علية من Lightning Audio ويتحمل 200 امبير لووووووووووول |
شكرا على ردك 922 ما قصرت
|
يعني معقوله يا شباب ما احد يرد
بس حبيت اخبركم اني حبيت الغي الكاسيت لأني ما احتاجه لذلك يلزمني جهاز فيه mp3 وراديو وcd ارجو الرد السريع تحياتي TU PAC:black: |
إقتباس:
تم الرد في موضوعك الرابط http://www.swalif.net/sforum1/showt...threadid=196083 والا نسيت ======================================= طيب ممتاز مدامك الغيت الكاست ممكن تاخذ مسجل بايونير واختر الموديل اللي يعجبك او بالاصح حسب فلوسك وكلهم ممتازين:banana: بس الاغلى افضل فيه موديلين انصحك فيهم مررره 1- DEH-P7650MP عندي الموديل اللي قبله والحمد لله ماشفت منه شي والعضو -X- يمكله 2- Pioneer DEH-P8650MP ومجنون سيارات يمكله تحياتي 922 |
السلام عليكم
تشكرون ياشباب DD+922 +NAS على الموضوع واتمنى لكم التوفيق اخوي DD بغيتك في خدمة ابغى اركب بطارية اوبتيما على سيارتي لان ال اي سي دلكو موو شي ابداا مع رفع الصوت النور الداخلي بالسيارة يبدا يغمض مع البيس بس اول شي انا ابغاك تتأكد لي اذا هي تركب على الاوميجا مثل الي عندي 2001 لاني دورت بطارية في الخبر تكون امبير اعلى من الي عندي مالقيت قلت مافي الا اوبتيما وماني عارف وين القاها في الخبر اذا هي موجودة اصلا المهم انا حاليا ميزانيتي طايحة شوي بس انشاء الله بعد اسبوعين راح اعطيك الضوء الاخضر فأذا مافيها تعب عليك ابغاك تشوف لي اذا هي تركب عندي وشوف لي كم راح تكلفني مع الشحن ومع كل حاجة طبعا لازم تضيف عمولتك انت حدد لي كم تبغى وانا حاضر وتسلم ماتقصر:cool: |
:D منوا قدي حطوا أسمي جنب أسامي الخبراء :D
:laugh: :laugh: :laugh: :laugh: :laugh: :laugh: :laugh: :laugh: العفو أخوي -X- هذا واجب DD+922 :D أن شاء الله نصير خبراء مثلهم, بس بعدنا في أول المشوار :laugh: أن شاء الله نصير خبراء خلال سنة أو سنتين, والجماعة الله يعطيهم العافية و طول العمر مب مقصرين ويانا و كفاية أنهم متحمليني ومتحملين أسألتي السخيفة في بعض الأحيان:glasses: تحياتي لكم DDesigns و 922 و لك -X- |
السلام عليكم
احوي x شوف بطاريه اوبتيما ما راح تفيدك والسياره شغاله هي تفيدك والسياره طافيه لان الليت لما يصير ضعيف يكون لعده اسباب : الدينمو ضعيف .. او سلك اللمبه صغير يبيله تكبير شوي . اما بخصوص الاوبتيما فا هي ممتازه جدا جدا ولك وللعمر يعني 5 سنين اقل شيء تعمر معاك .. سعرها هنا 620 درهم حولها الى الريال .. اما الشحن انا بشوف لك .. اخخخخخ حسافه بس بكره الشباب بيمشون الرياض لو قايل لي كان زبطتك بوحده شحن ببلاش . المشكله البطاريه ما تدقر تشحنها في الطاريه ممنوع ولا كان عطيتها شباب ثانين فا ما لي الا شركات الشحن . لازم اشوف بكم .. اما عن العموله فا انت مثل ما تشوف براحتك . بس قبل كل شيء وقبل ما تطلب البطاريه انت الانوار عندك الاماميه تضعف ؟ جرب سوي Big 3 واعتقد الاخ 922 يفيدك وين تحصل اسلاك متينه تغيرها اللي بين الدينمو والبطاريه وبقيه الشله . بعدين اذا حسيت ما فيه امل خلاص نجيب لك الاوبتيما . اما بخصوص انها تركب على الاوبل فا هي تكرب على اي سياره اهم شيء المقاس هل مقاسك مثل الهوندا الاكورد 98 الى 2002 ؟؟ انا راكبه عندي على طول وفيه فراغ شوي بسيط . تحياتي ...... |
السلام عليكم
بالنسبة للنور الامامي لا مايضعف بس الي يضعف النور الداخلي حق القرآءة اذا شغلتة مثلا وانا رافع الصوت تقل قوتة مع البيس وبالنسبة لسيارتي المساحة المخصصة للبطارية تقد تقول ان اكثر بطارية مناسبة فية هي الاي سي دلكو الي تجي 66 امبير اذا كانت اوبتيما بنفس الحجم اوكية تركب بالراحة وومكن تكون اكبر بس بشي بسيط انا اهم شي عندي ابغاها تركب صعبة اشتريها واتعبك في الاخير ماتركب عندي وبعد اهم شي انها ماتخلص بسرعة الاي سي دلكو الي عندي قعدت عندي تقريبا 8 او 9 اشهر والحين غيرتها بواحدة ثانية ابمشي فيها حالي لين ربك يفرجها على كل حال انت اذا تقدر تتأكد بنفسك اذا هي تركب على الاوبل شوف اسئل المحلات الي يبيعونها يمكن عندهم خبر على كل حال انا انشاء الله تتيسر اموري واذا تركب اطلبك تجيبها لي على بعد اسبوعين من الحين انشاء الله وتشكر اخوي dd |
حياك الله اخوي x
والله شوف انا عندي بعد اللمبه اللي في داخل تضعف طبعا لما السياره تكون شغاله لاني انا ما سويت Big 3 في سيارتي للحين انتظر اسلاك زينه . اما بخصوص البطاريه فا خذ هذه المقاسات وقول لي اذا تمشي عندك : الطول = 10 انش العرض = 6 زائد 7 على 8 انش يعني قول 6.5 انش من عندي ههههه . الارتفاع = 7 زائد 13 على 16 انش يعني قول 7 .5 انش من عندي ههههه . الوزن 43.5 باوند يعني 19.75 كيلو جرام ههههه والله حيل ثقيله .. اما بخصوص العمر صدقني اقل شيء 4 سنوات انا عندي ثنتين وحده حمراء والثانيه صفراء الصفراء الحين مي 5 شهور الحمراء 4 سنوات يعني اسئل مجرب ولا تسأل طبيب اعتقد المثل كذا هههههه . انا دخلت موقع اوبتيما ولقيتهم مغيرين الستايل المهم فيه صور عجبتني الق نظره هنا : http://www.optimabatteries.com/publ...mage.9999.0.gif صراحه قوه مو طبيعيه http://www.optimabatteries.com/publ...mage.9999.0.gif هذه هي الاوبتيما من الداخل .. هذي مواصفات الصفراء : http://www.optimabatteries.com/publ...ical_specs.html شوف الحمراء تقدر تستعملها في السيستم تتحمل بس الشركه ما يمدحون انك تستعملها في هذا الغرض اصلا لو استخدمتها وخربت يروح الضمان ( هذا الكلام في امريكا ) مع اني استخدمتها وما خربت للحين :D :D هم ينصحون الحمراء للتشغيل وسيارات الدفع الرباعي والجيوب . وينصحون في الصفراء في السيستم والتشغيل و اجهزه الجمب سيستم و الوينشات وووو يعني بتاع كله . مع اني اشوف الزرقاء في موديل عندهم شوي فيه reserve amp اعلى شوي بس ما اعتقد انها تصلح للسيستم . عموما شوف انت وقول لي ايش تبي وانا حاضر . تحياتي .... |
السلام عليكم ورحمة الله وبركاته
هذي صور كيبل 0 awg اي 52 ملم :shock2: بالعادة الكيابل هذي تستخدم في المصانع لتشغيل الالات ومقسمات الاحياء وحنا نستخدمها في السيارة :D طبعاً DDesigns :bomb: لقاه في الامارات المتر ب75 بينما المتر في الانترنت ب 15 -20 بالنسبة لي مالقيت كيبابل واستخدمت 8 ملم مزدوج اي 4 AWG او اكبر شوي وبصعوبة بالغة شبكته وشبكته من الدينمو للبطارية ومن البطارية للتأريض :) |
هههههه ابشرك اخوي 922 المحل رضا ينزل لي السعر الى 60 درهم حق 0 جيج ..
انا قلت له طيب عطني 1 جيج قال ما فيه يا 0 يا 4 جيج .. |
انا بحاول اقردن راعي العوازل اللي بطلبها من امريكا يمر لي على محل سيستم وياخذ لي كم متر هههههههه .
|
السلام عليكم ورحمة الله وبركاته
اخوي dd انا سئلت واحد امريكيفي كاردومين عندة كاتيرا ومركب عليها اوبتيما يعني الوضع اوكي تركب بالراحة انشاء الله ابطلبها بس اصبر لي شوي اول ماتتوفر قيمتها ابعطيك الضوء الاخضر :cool: وبأيش تنصحني الحمرا والا الصفرا ؟ |
السلام عليكم ورحمة الله وبركاته
اخواني .. اذا ممكن حد يشرحة شو هي سماعات CDT و شو الفرق بينها و بين السماعات العادية ثانياً حبيت اعرف شو نوع العوازل شو اسم ماركتها و كم تكلف؟؟ و شكراً |
الساعة الآن » 06:39 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.