ويش تنصحوني أشتري نيسان أرمادا أم لاند كروزر
أرجو منكم يا إخون المساعدة تراني محتار وأريد إستشارة وتشجيع
|
بصراحة أنا أشوف إنو ما في مجال للمقارنة...
الأرمادا تقريبا سيارة كبيرة زي اليوكون ولا أكبر كمان يعني ما يعتبر جيب....وسعرو 140 ألف تقريباً...وهو عائلي أكثر اللاند كروزر سيارة جيب وسعرو يوصل ألين 200 ألف تقريباً .... وينفع لغير العوائل... وممكن تحدد طلباتك يعني كم حدك في السعر...وهل تبغى تعدل في السيارة بعدين...وغيرو وسلام...:) |
انا انصحك بالارمادا خصوصا انه توه نازل ...
اللاند على وشك يتغير ... واذا كانت حالتك المادية تسمح لك بشراء لاند فل كامل فبدلا من دفع 200 الف خذ لك كيو اكس 56 فل كامل ب 180 الف ريال ... اخوكم الشبابي |
وجهة نظر الشبابي صح
لأنو في إحتمال اللاند يتغير جذرياً السنة الجية....فراح يطيح سعرو أكيد... وأنا جربت اللاند GX-R3 والله حلو وسعرو ( 160-175)ألف تقريباً مو متأكد.... بصراحة شي DVD مع 3 سماعات وايرليس + CD شينجر + تندة + نور زينون أزرق هيدروليك + ...... بس عيبو إنو من جوه فرمايكة (تخشيبة)وكروم في نفس الوقت والطارة شكلها مو حلو ولا في مثبت سرعة والبوري مررررة معفن كنو كامري.... هذا اللي أعرفو باي |
السلام عليكم اخوي اذا السياره للعايله انصحك بالارمادا
لكن لو استخدام شخصي ولك انصحك بالكروزر اسعاره تبدأ من 100 الف وتوصل للـVX-R فل اوبشن قير اوتو 5 نمر سعره 175 الف وقير عادي 168 الف وباقي الاشياء فل اوبشن شي ثاني استخدام الاندكروزر مريح اكثر مقارنه بحجم الارمادا راح يضايقك في المناطق المزدحمه واذا انت راعي تزويد وسرعه خذ الاند كروزر وبعطيك خلطه ممتازه حق المكينه:> انا دخلت الارمادا حتى خشب من داخل مافيه ولا شاشة معلومات عكس الاند كروزر (GX-R & VX-R ) تحياتي |
بصراحة مانصحك بالاثنين...
الاول مثل ماقالوا الشباب شكل الكروزر بيتغير:).. والثاني من رايي شكل الارمادا احسه غبي تقول سيارة سيرك مش مستقر يعني من ورى شكل ومن جدام تقول شاحنه ومن الجنب كانها سيارة مثلجات... راي شخصي فقط |
الصراحة آنا بعد مو عاجبني الأرمادا مع احترامي للواجهة الجميلة لكن الخلفية تلوع الجبد!:S
إنتا جيب لي واحد يشتكي من اللاند كروزر ،،، كلهم راضيين عنها ، و مريحة و قوية ، |
لاندكروزر لك
ارماد حق العايله وانا افضل الاند لأنه جيك في الجيب وصفقه ناجحه في جميع الحالات الأراماد يعجبني فيه امرين المحرك اولا وراحه الجلوس ثانيا اما الشكل والديكور الداخلي تعبان جدا |
إقتباس:
:p :glasses2: |
مشكورين يا شباب على الأراء
هل فيه أحد عنده أرمادا ويخبرنا مواصفات أكثر عنها |
إقتباس:
انا عندي ارمادا واي استفسارات انا جاهز اول شي حدد انت بتسأل عن ايش في المواصفات وللتوضيح ترا سعر الارمادا 114الف ريال سعودي جنوط 18 سي دي تشينجر 6 سيديهات تحكم كامل بالراديو و ال سي دي والتيب من الدركسون مسبت سرعه مقاعد كهربا المكيته 5.6 القوه 340 حصان التسارع جبار يعتبر اقتصادي جدا جدا بالنسبه للاند كروزر التانكي فل ب85 ويمشي اكتر من اللاند عبيتو فل في محطه الرحيلي وطلعت ينبع ونزلت تاني والتانكي ما خلص وكنت ماشي بسرعت 160 يشيل تسعه اشخاص الساون سستم بوز مكيفين منفصله مريح جدا في السفر والخطوط عزل الصوط ممتاز جدا امكانيت طي المقاعد بالكامل كثرت الادراج بالداخل الجيربكس خمس نمر بس مشكلتو الوحيده الحجم من حيث العرض في الزحمه حيجبلك الصداع هادي مواصفات اقل نوع من الارمادا وحط في بالك حاجه ترا السياره امريكيه 100 ب100 بس عليها شعارات نيسان |
سعر اللاند كروزر GX-R3
175000 ريال مو معقولة الـVX-R نفس السعر |
اخوي الملاح اذا كنت تفكر انك تاخذ لاند ب200 الف ريال ...
خذ لك كيو اكس 56 الجديد مسوين عليه عروض بالحمراني ب 180 الف ريال وافخم من اللاند بكثير .. اخوكم الشبابي |
إقتباس:
اخوي اذا بغيت رقم وكيل التويوتا في قطر عبدالله عبدالغني بعطيك اياه وتأكد :smart: والله هاذا سعره وسعر الـgx-r فل كامل بس جير عادي مواصفات فكسار 152 الف ريال قطري :D |
والله شوف حبيبي من ناحيتي انا اشوف الاند احسن و شبابيه
و من ناحية الوقود يكون عندك قلنين حق الوقود يعني اذا خلص الوقود الاول تقدر تضغط على زر ثاني و يفتحلك البانزين الثاني و استهلاكه زين يعني اذا الكلام نفس الكلام الي ختبته حق اخوي دخان |
انا الصراحه انصحك بالارمادا
اول شي لانه شكل يديد وتوه نازل وثاني شي مواصفاته حلوه ومكينته قويه 8 سلندر وسعره في الوكاله على 146 الف اما اللاندكروزر فهو شكل قديم وثاني شي سعره زاد وايد يعني ال6 سلند ب161 الف وال8 ب205 الف وهاذي الاسعار انا ييابنها البارحه من وكاله والفطيم والله اني تخبلت من سعر الاستيشن |
والله أنا رأيي من رأي الشباب
إذا وصلت للـ 180000 ألف فخذ لك QX56 أفخم من اللاند وأقوووى وأجدد وأجمل بمليون مره وبالتوفيق |
أخي clk 230 مشكور على التجاوب
من ناحية إنها إمريكية فأنا أعرفها ومن كذي سعرها رخيص مقارنه مع السيارات الأخرى لآن العمال رخيصين في إمريكا والمشكله أنه ما لها مثيل في السوق بهذه المواصفات وهذا السعر. خبرني أخي كيف من ناحية الأصوات الخارجية وتسرب الهواء يعني الأرمادا محكم ثانيا 1 لتر كم كيلو يمشيك ويا ليت لو أحد يخبرنا عن اللاند كم كيلو بعد وأريد أسألك عن ثبتاته في الشارع والمنحنيات كيف ثابت وهل يوجد به إهتزازات في سرعة معينة أم لا وإذا خطر سؤال ثاني في بالي راح أرجع لك ومشكور على التعاون وفي إنتظار ردك |
مافي مجال للمقارنة آنا الصراحة امس ركبت الانفنتي وماتوقعته من داخل بهالحجم...
رهيب الصراحة وحجمه من داخل مقارب للهمر والسوبر... والكراسي وايد مريحة عكس اللاند... توكل على الله وخذ أرمادا لأن اللاند راحت ايامه وبيتبدل جريب... :knight: |
إقتباس:
من حيث الاصوات فانه محكم جدا وهادء ومهما كانت سرعتك ما اعرف بالظبط 1لتر كم يمشيك بس انا اعبيه فل ب85 ريال يعني تقريبا 91لتر ويمشيني في حدود 580 كلم ومن ناحيت الثبات في الخط فهو راسي ولا يوجد به اي اهتزازات في الخط وفي المنحنيات القويه لم اجربه لانو مهما كان فانه في النهايه جيب وسياره مرتفعه عن الارض ودخول المنحنيات الحاد خطر السرعه القصوى 180كلم محدوده الكترونيا |
إقتباس:
أخوي أنا أتكلم عالأسعار عندنا في المملكة.... وبعدين أبوي شغال في وزارة الدفاع وأشترو 4 GX-R3 بـ 170000 ريال سعودي للواحد... والفل يوصل VX-R أحسن شي يوصل 202000ريال سعودي هذا اللي أعرفو.... |
إقتباس:
نفس الكلام :-) |
إقتباس:
وانا اتكلم عن اسعار قطر :-) اسعاركم غاليه ومبالغ فيها الصراحه.. :mad1: الله يعينكم :mad1: من بيدفع فوق 200 الف على كروزر :mad1: يزيد 30 الف ويشتري رنج روفر افضل له :mad1: |
سؤال للشباب إلى عندهم لاند كروزر
هل يوجد بها نظام vdc وهو نظام الإنزلاق والثبات ؟؟ |
اخوي الملاح ...
لايوجد نظام ثبات في اللاند بينما يوجد بالكزس ... واسمه vsc وهو محدود الكترونيا ولايسمح للسيارة بتجاوز سرعة معينة في المنعطفات القوية .. وقيمة الكزس 250 الف ريال .... اخوكم الشبابي |
الساعة الآن » 10:00 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.