<<<كيف هي الآن أجواء مدينتك>>>
السلام عليكم ورحمة الله وبركاته: في هذا الموضوع نتمنى من الجميع المشاركة بإعطائنا وصف للأجواء في المدينة التي تقيمون بها .. وليكن يومياً حتى نستمتع معاً ببث مباشر لأحوال الطقس بالدولة أو المدينة التي تعيشون بها... رجاء حار المشاركه ليس من أجل تمييز الموضوع لا والله ولاكن لنحلق سوياً لديار الأعضاء ولنتخيل سوياً أننا معهم في تلك الأماكن،،، مثل هذه المواضيع تجد التفاعل الكامل بالمنتديات الأخرى وأنا كان لي موضوع بمثل هذا العنوان بأحد المنتديات وصل عدد الردودد للخمسمائة رد وعشرون ألف زائر ،، ولحبي لهذا المنتدى الذي ألفه قلبي منذو سنين أرجوا ألا نكون أقل منهم إن كان في قلوبنا حباً لـ (سوالف)... ثقتي بكم كبيره فأنا أخذت على نفسي عهداً أن أنتشل هذا المنتدى من الكسل الذي ألم به فساعدوني فيد الله مع الجماعه ولنرد الجميل ولو قليلاً لصاحب هذا الموقع الذي لا نعرفه ولكن بفضل الله ثم موقعه تآلفت قلوبنا سنيناً مضت. ((إن الله لا يغير مابقوم حتى يغيروا ما بأنفسهم)). تحياتي للجميع. |
في الظهر كان تقريباً حلو في نسمات بارده بس شمس حااره كيف مدري هههه :confused:
لكن الحين حسب كلام امي لانها خرجت تقوول عاادي :D وانا مافيني اطلع الحوش ولاّ السطوح لما يجي اخويا باخذ التفصيل الممل منه :D على فكره نسيت اقولك ان الموضوع مره حلو..وزي ماقلت يفرجينا ديار الاعضاء :) ... |
والله ماادري وش اقول .. بس الموضوع حلو ورائع كروعة صاحبه..
بالنسبه للجواء حالياً طقس عجاج (( مُغبّر )) يعني العواصف شديده والله يعين على هالتراب .. الشكر موصول لاخونا الغالي بومحمد والله اتعبناه معنا شمعه الله يبارك فيه ويحفظه تحياتي محمد الهاجري |
الأفضل ذكر المدينه التي تتواجدون بها... "بالنسبة لي أنا فأنا أعيش بالرياض والجو اليوم منعش قليلاً فيه نسمة هواء بارده مع رياح وشوية غيوم :) عسى الله أن يغيثنا ويرحمنا. |
الجو اليوم حلو
وظريف ومرات له يتغيلس ويستوي شوي حار لكنه بشكل عام حلو شكرا لك |
جونا اليوم عادي شوية هواء لابارد ولا حار وطبعاً غبار عسى بس يخف اليومين الجايه :o
طبعاً مدينتي اسمها القنفذه جنوب غرب السعوديه :) |
زهرة الكركدية:شكراً أختنا الكبيرة والرسامه الكاركاتيرية العالميه على مشاركتك ،، وفقك الله. وعندي لك ملاحظة أتمنى قبولها هي (لماذا لا ترسمين المنتدى بأعضائه) طبعاً لك حرية الأختيار بالكيفية فالمعلم لا يُعلم . تحياتي القلبيه لأبنائك الأعزاء وفقهم الله بحياتهم أنه سميع الدعاء.
ندووووووى:شكراً لك مرة أخرى لإخبارنا بمدينتك وجوكم المغبر :) الله يستر لا تجيبين الغبار معاكي :D تحياتي لك على الإخلاص. أما بالنسبة لنا في هذه الليله فالجو منعش وبارد قليلاً ولسى جاي من براء أنا وأبني محمد والجو عليل ما كان يبي يرجع من الحفله. |
و عليكم السلام ورحمة الله و بركاته ..
بصراحة الموضوع حلو .. بالنسبة للمدينة المنورة .. الجو اليوم حلو .. لا حار و لا بارد .. لا تلبس ثقيل و اتغطى بالبطانية و بتنام نومة هنية .. الحمد لله البروده خفت و صرنا ما نحتاج نشغل لا دفايات و لا مكيفات .. شكراً أخوي الضبع على الموضوع ..:) |
إقتباس:
العفو أختي شهرناز وأن شاء الله يستمر جوكم ربيعي على طوول.. شكراً مره أخرى على المشاركه القيمه. |
إقتباس:
:) هالحين نتفرغ لك أخوي محمد الغالي.. صدقني أنت الرائع وأنت الإبداع أخي محمد والبركه فيك وفي الأعضاء الذين تفاعلو مع الموضوع بارك الله فيهم. بس ما ذكرت أخوي محمد من وين أنت قصدي بأي مدينه.. الله يستر من جوكم لا يكون مغبر وعواصف أكيد ساكن بالربع الخالي :D . ألف ألف تحيه لشخصك الكريم أخوي محمد. |
يامرحبا فيك استاذي بومحمد .. الليله جونا طيب ويشفي العليل وخاصه على الكورنيش
انا من مدينة الخبر بالمنطقه الشرقيه ... كلماتك اخوي بومحمد كبيره والله في حقي فالله يجزاك خير ولايهونون الاخوات ندووووي+زهره الكركديه+شهرناز الله يوفق الجميع ويحفظكم بحفظه تحياتي محمد الهاجري |
إقتباس:
:) :) أذاً أنت أخوي محمد من الخبر (هذه المدينة التي أعشقها وأعتبرها من أجمل مدن السعودية) أهلها متحضرون ومؤدبون وخلوقين وأهل كرم.. سلاماً من قلبي للخبر... آآه وصلنا للبحر عشقي الدائم الله يسعدكم أخوي محمد فيه ويجعل أيامكم كلها سعاده. بالنسبه لجونا هذا اليوم بالرياض ربيعي لا حار ولا بارد بس فيه رياح شديده شوي درجه الحراره تقريباً 27 درجه مؤية. الغيوم لا يوجد غيوم.. :) تحياتي لك. |
ماعليك زود اخوي بومحمد وانتم اهل الشيم والكرم طال عمرك ..
والله يسعدك اينما كنت اخوي بومحمد والله ماني عارف ارد عليك من كريم اخلاقك.. تسلم ويسلم غاليك ويطول بعمرك بالنسبه للأجواء فهي 29درجه والجو زين مع شوية حراره وخاصه في السياره لابد تشغل المكييف .. وهواء عاصف حتى ماتلحق تعدل الشماغ :D تحياتي محمد الهاجري |
الجو اليوم كان بارد على الظهرية كذه ..
بس العصر خفت البروده .. يعني نقدر نخرج من البيت بعد المغرب :D |
على تفاعلكم مع الموضوع بالنسبة للجو في هذه الليله بالرياض فصراحه أنا حاس ببرد بس مو من الجو من الأنفلونز :) الله يكافيكم شرها درجة حرارة جسمي من الظهر واصله 39 والآن 38 بس قلت لازم أدخل وأرد على المواضيع. وبلاش كسل. وأنا الآن جسمي يرتعش ويداي من الحراره . تحييياتي لكم |
مالك شر اخوي بومحمد والله يشفيك والله خبريه ماهي كويسه .. اعراض تقلبات الجو
الله يكفيكم الشر .. اهتم بنفسك اخوي بومحمد فأنت غالي علينا والله يبارك فيك تحياتي محمد الهاجري |
سلامات ما تشوف شر ...
الأجواء صافيه جدا ... ولا يوجد هواء ... و الحراره مرتـفعه شوي ... و الرطوبه بـنسبة 31% ... و الناس مبتسمون جدا ... مع أطيب الأماني و دمتم بخير و عافيه <<< حسن كراني |
سلامتك يابو محمد..
جونا شويه هواء بارد مع ذرات الغبار العالقه في الهوا :( |
سلامتك أخوي الضبع .. ما تشوف شر إن شاء الله ..
اليوم الجو حلو عادي .. درجة الحرارة العظمى 29 و الصغرى 13 يعني شبه حار .. :) |
♥ ♥ ♥إبداع ~ LS ~ ندووووى ~ شهرناز ♥ ♥ ♥ ""الله يسلمكم من كل شر"" بالنسبة للجو بالرياض هذا اليوم السبت ،، فالجو حار نهاراً معتدل ليلاً درجة الحرار 29/14 طبعاً بلا أمطار ولا سحاب.. جااااف. تحياتي القلبية لكم.. :) :) |
سلم قلبك اخوي بومحمد ..
بالنسبه للأجواء اليوم <<<متأثر بالعربيه :D نفس جو الرياض :) الله يبارك فيك يالغالي ويحفظك تحياتي محمد الهاجري |
الجو حلو
رااائع اكثر من راااائع مدينة الورود :) |
شمس حاااااااااااااااارقه
<<توها جايه انشويت برا..وزاد الطين بله السواق موقف بعيد :help: بس تدرون في نسمات نص ونص لابارده ولاحاره جونا بدأ يصير شييين :Sad2: |
صحيح حتى عندنا الجو خلاص بدا يرفع راية الحراره :confused:
يعني الجو الان 33 درجه وصحو :cry: وابتدا وابتدا المشوار :D |
نسيت أقولكم : مدينتي أفضل مدينه في هالعالم و هي ... مكه المكرمه حااااااااااااااار جدا ...في النهار فقط ... و يحتاج تشغيل المكيف في كل مكان ... أما في الليل ... الجو طيب و فيه براد خفيف عكس النهار ... و لا يحتاج تشغيل المكيف (مرات فقط )... |
الساعة الآن » 03:51 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.