صعب ابعد

[النواسي]

صعــب ابعــد

ترى اللحظة تراود كل ما فينـي
.. .. .. .. .. .. .. تبيني ابعد تبيني انصــاع لأوقاتي
ولكن لا .. ولن ارضخ لواشينـي
.. .. .. .. .. .. ..ولا يمكـن اطفّي نـور شمعاتــي
ظلامك يقتل الوحشة ويحيينــي
.. .. .. .. .. .. ..معـاك الليل من اجمـل ملذّاتــي
صعب ابعـد وفي قلبك حويتينـي
.. .. .. .. .. .. ..ولا يمكن اكـرر بعـض غلطاتـي
بدونـك ضايـع ومحـدٍ يدلّينـي
.. .. .. .. .. .. ..معاك أحيا والقـى عيشتـك ذاتـي
ولا بسكـت لأن الصمت يلغينـي
.. .. .. .. .. .. ..وإذا بسكت بصب البوح في إسكاتي
صعب انهـي علاقة بينك وبينـي
.. .. .. .. .. .. ..وأبيع أحلام عمــري واعتباراتـي
صعب ألقاك في صـدفة وتلقينـي
.. .. .. .. .. .. ..واقدّم لك حضـوري واحتراماتــي
وأبـارك بعـدك وانـك قتلتينـي
.. .. .. .. .. .. ..أنا العايش وميّــت من معاناتــي
بعد كـل ما بدر منّي .. تبعدينـي
.. .. .. .. .. .. ..وأنتي اللي سكنتـي فـي مساحاتـي
ومهما كانــت الدنيـا بتعطينـي
.. .. .. .. .. .. ..فلا يمكن تصبّـر بعـض آهاتــي
تبيني ابعـد اليما الوقـت ينهيني ؟
.. .. .. .. .. .. ..صعب ابعد ‍‍صعب أنسى ابتساماتـي
صعب افصل عروقي عن شراييني
.. .. .. .. .. .. ..صعب افصل جروحي عن جراحاتي

احمد بوعلاي