salman-33
16-05-2001, 03:32 PM
اتشرف بانضمامى لصفحتكم اللطيفه وارجو ان تنال رواياتى اعجابكم وشكرا :)
هم كنت قاعد الضحى بغرفتى وقاعد اشوف المسلسل المدبلج المكسيكى عاد انا متابعه ومن اشد المعجبين فيه لان كله حب وغرام وتضحيه وما اطوف منه اى حلقه المهم كنت اتبع الحلقه ثلاث ميه وسبعه وستين ومندمج كان البطل زعلان من البطله واهى اتحاول اترضيه واهو يتغلى معه ويهه حرق دمى البنت اتاسف واهو مطنش انا لو منها جان كشت فيه التعبان ومن كثر مو انا مندمج قمت اكلم روحى واقول اى سامحها ماكانت تقصد شفيك والله ماعندك سالفه وباللحظه هذى والا صوت الباب منو والا الوالده جان اقوم وابطل الباب جان تقول الوالده يمه سامى عندك احد قتلها لا يمه جان تقول يمه انا سامعتك اتكلم احد انا انحرجت الظاهر صوتى كان عالى قتلها لا يمه كنت اكلم واحد من الربع بالتلفون المهم يمه امر في شى قالت لا بس سمعتك اتكلم قلت شسالفته هذا اى اى نسيت اقولك روح الجبره ييب لنا سمج عازمين اختك وريلها اليوم عالغدا ييب لنا جم كيلو زبيدى تعرف اختك اتموت بالزبيدى وانا بسويلها مطبق قتلها يمه انا بينى وبينج ماعندى ولا بيزه واليوم نص الشهر جان تقول وين معاشك هذا وانت اربع وعشرين ساعه بغرفتك عيل
وين معاشك بسك يمه من هالكتب مالت الحب وسوالف اليهال عيب شخليت لحمنى هاك هذى عشرين دينار وبالمره ييب وياك ميوه وصب بنزين ادرى مافى سيارتك ولا نقطه :) رحت لسوق السمج ومبقق اعيونى ابى احاول انج ماتطرين على مو اعرفج انتى من تطرين على اكيد راح اندمج واذا اندمجت راح انسى نفسى واخربط الدنيا المهم اشتريت السمج وانا طالع والا واحد من الربع هلا سامى شلونك يامعود ماقمنا انشوفك وين هالغيبه ماصارت انترنت هذا اللى اربع وعشرين ساعه مجابله الربع بالديوانيه يسالون عنك تعال حبيبى خلنا نشرب جاى خوش قعده بالدور الثانى على كيفك البحر يسحر رحت وياه وجياس السمج وياى وقعدنا بالمقهى والا شقولج حبيبتى قعده شرحه اترد الروح والبحر يذبح ونسيم البحر الله عليه انا اول ماقعدت طريتى على هزيت راسى قلت بينى وبين نفسى مووووووقته :) شربت الجاى وقام رفيجى وانا قلت ودى اقعد شوى المهم قالى حاول اتيينا اليوم بالدوانيه قتله انشالله اهو راح ما امداه جان ابطل عيونى والا ششوف ؟ هااا اى والله هذى انتى قاعده على السيف تحت البلكونه قمت افرك اعيونى قلت شنو انا احلم قرصت نفسى الا والله صج طلعت من المقهى ورحت صوب المكان اللى تحت البلكونه والا انتى قاعده اتنطرينى سلمت عليج مارديتى حبيبتى شفيج هم كاشته هاااا اشفيها هذى ماترد :)مسكتى ايدى وسحبتينى والا انا وياج بالبحر وتسبحين وتسبحين انا تعقدت جنه مالج اريول ولما ركزت الا ماكو ايول فعلا طالعتلج زعنفه شعرج انا حتى اول ماشفتج ماعرفتج قلت هذى ينت اتصدقين لونه وردى على بنفسجى انتى شفتى نظرات الاستغراب بعيونى جان اتقولين فعلا انا حبيبتك بس انا اصلا حوريه بحر لقيت خاتم سليمان وفركته وتمنيت ان يكون لى اريول مثل البشر ابى اشوف البشر شلون عايشين وتعلمت النت ولقيتك وانا كنت مسويه عقد مع المارد مال الخاتم انى ماقول شنو انا الا لما ارد مره ثانيه حوريه وانا الحين رديت حوريه واقولك الحقيقه تبينى اوكى ماتبين انتا حر انا بينى وبينج خايف اقول مابيج واتوهق انتى يريتينى لنص البحر وانتى عارفه انا خرطى سباحه ذاكره سالفة التايتنك :) قلت لا انا احبج واموت فيج بعد :) مو مشكله عقل السمج حيل مشكله خن انشوف اخرتها المهم مشينا قصدى سبحنا لالالا قصدى انتى سبحتى ويارتنى وراج مثل الاهبل :) وغصتى تحت انا تعقدت اتصدقين انا قاعد اتنفس عادى تحت البحر عادى ماجنى بالبحر بوسط المحيط اى المحيط مو صارلنا اربع ساعات سباحه وانتى ماشالله عليج حركتين بذيلج والا احنا قاطعين ميه كيلو :)) وشوى والا احنا على مشارف اراضيكم الله شنو حلو القصر مالكم اينن واى واى شنو هالذرابه كشخه حيل ودشيت ديرتكم انبهرت من جمال شوراعكم ومحلات الملابس واسواق غير شكل تحفه والمطاعم العالميه ماكو مطعم عندنا بالكويت الا وله فرع عندكم بس كله وجبات بحريه ودشيت القصر واستقبلونى الحرس رياييل بزعانف :) ودشيت غرفتج صراحه غير نمونه واستانسنا وفرفرنا بالقصر وشفت اشياء عمرى بحياتى ماشفت نفسها وبعدين قلتيلى تعال اراويك مزارعنا مالت الزعفران البحرى والفستق والجاى :) اى جاى شنو مو مصدقه ؟ كيفج :) المهم وانا وياج انتمشى بالمزارع والا ذاك اليريور العوووود اللى عمرى ماشفت مثله ياى يبى يهاجمنا انا حاولت انحاش بس مشكله وين اروح مادل :) انتى ديرتج وتعرفين لها والتعبان اليريور ماياج جنه يعرفج سيدا توجه لى انا الله الله اى والله هذا من صجه ياينى ولييه شسوى انا بروحى يالله اعرف اسبح وهذا سريع فشقه اى والله قرب قرب قرب اشهد ان لااله الا الله جان يسحبنى انا رفسته والا تدرين شصار ؟؟ طلع قطو اير الجيس مال الزبيدى من تحت اريولى :)) والا السالفه ان اقطاوه سوق السمج مسوين بوفيه بالسمج اللى انا شاريه نتفوه وانا مندمج وياج الله لايبارج بالساعه اللى تخيلتج فيه اكلو كل الزبيدى ماخلو الا روس السمج والزعانف انزين والحل انا اشتريت بالفلوس كله سمج مابقى وياى الا سبع ميه وخمسين :) شيفكنا من الوالده اتلاقينها مزهبه كل شى مقصصه البصل ومقشره البطاط ومضبظه الحشو وناطره الاخ سامى اييب الباقى شسوى الحين شسوى ماراح اقولج شنو يبت لها المهم دقيت هرن واطلعت السيلانيه وعطيتها الجيس اللى يبته ودشيت غرفتى مادريت الا والوالده سااااااااااااااامى انتا شيايب هذا شنو ؟ يمه يمه الله يهداج ملينا زبيدى زبيدى كله زبيدى صراحه انا مشتهى قباقب :))) هاهاها مو اخص الكود بنص وينج هذا بينى وبينج الحوار مو لامى :))) عسى القبقب يشق ويهك اى والله هذا كلام الوالده :( شنبى بالقباقب شنو فلبينه انا عازمه والا اختك يالتعبان اشتهيت والا ياعلك ماشتهيت انتا منو اخذ رايك انا مو موصيتك بزبيدى يايبلى قباقب الله لايبارج باليوم اللى وصيتك فيه والله لو موصيه محمد جان زين اللى تتكلم عنه امى اهو سايقنا :) بس روح ياسامى والا حرام ام تدعى على ولدها :) شفتى حبيبتى شلون انتى دايما موهقتنى بس صراحه والله وناسه خوش حوريه شعر وردى وعصعص هاهاها
هم كنت قاعد الضحى بغرفتى وقاعد اشوف المسلسل المدبلج المكسيكى عاد انا متابعه ومن اشد المعجبين فيه لان كله حب وغرام وتضحيه وما اطوف منه اى حلقه المهم كنت اتبع الحلقه ثلاث ميه وسبعه وستين ومندمج كان البطل زعلان من البطله واهى اتحاول اترضيه واهو يتغلى معه ويهه حرق دمى البنت اتاسف واهو مطنش انا لو منها جان كشت فيه التعبان ومن كثر مو انا مندمج قمت اكلم روحى واقول اى سامحها ماكانت تقصد شفيك والله ماعندك سالفه وباللحظه هذى والا صوت الباب منو والا الوالده جان اقوم وابطل الباب جان تقول الوالده يمه سامى عندك احد قتلها لا يمه جان تقول يمه انا سامعتك اتكلم احد انا انحرجت الظاهر صوتى كان عالى قتلها لا يمه كنت اكلم واحد من الربع بالتلفون المهم يمه امر في شى قالت لا بس سمعتك اتكلم قلت شسالفته هذا اى اى نسيت اقولك روح الجبره ييب لنا سمج عازمين اختك وريلها اليوم عالغدا ييب لنا جم كيلو زبيدى تعرف اختك اتموت بالزبيدى وانا بسويلها مطبق قتلها يمه انا بينى وبينج ماعندى ولا بيزه واليوم نص الشهر جان تقول وين معاشك هذا وانت اربع وعشرين ساعه بغرفتك عيل
وين معاشك بسك يمه من هالكتب مالت الحب وسوالف اليهال عيب شخليت لحمنى هاك هذى عشرين دينار وبالمره ييب وياك ميوه وصب بنزين ادرى مافى سيارتك ولا نقطه :) رحت لسوق السمج ومبقق اعيونى ابى احاول انج ماتطرين على مو اعرفج انتى من تطرين على اكيد راح اندمج واذا اندمجت راح انسى نفسى واخربط الدنيا المهم اشتريت السمج وانا طالع والا واحد من الربع هلا سامى شلونك يامعود ماقمنا انشوفك وين هالغيبه ماصارت انترنت هذا اللى اربع وعشرين ساعه مجابله الربع بالديوانيه يسالون عنك تعال حبيبى خلنا نشرب جاى خوش قعده بالدور الثانى على كيفك البحر يسحر رحت وياه وجياس السمج وياى وقعدنا بالمقهى والا شقولج حبيبتى قعده شرحه اترد الروح والبحر يذبح ونسيم البحر الله عليه انا اول ماقعدت طريتى على هزيت راسى قلت بينى وبين نفسى مووووووقته :) شربت الجاى وقام رفيجى وانا قلت ودى اقعد شوى المهم قالى حاول اتيينا اليوم بالدوانيه قتله انشالله اهو راح ما امداه جان ابطل عيونى والا ششوف ؟ هااا اى والله هذى انتى قاعده على السيف تحت البلكونه قمت افرك اعيونى قلت شنو انا احلم قرصت نفسى الا والله صج طلعت من المقهى ورحت صوب المكان اللى تحت البلكونه والا انتى قاعده اتنطرينى سلمت عليج مارديتى حبيبتى شفيج هم كاشته هاااا اشفيها هذى ماترد :)مسكتى ايدى وسحبتينى والا انا وياج بالبحر وتسبحين وتسبحين انا تعقدت جنه مالج اريول ولما ركزت الا ماكو ايول فعلا طالعتلج زعنفه شعرج انا حتى اول ماشفتج ماعرفتج قلت هذى ينت اتصدقين لونه وردى على بنفسجى انتى شفتى نظرات الاستغراب بعيونى جان اتقولين فعلا انا حبيبتك بس انا اصلا حوريه بحر لقيت خاتم سليمان وفركته وتمنيت ان يكون لى اريول مثل البشر ابى اشوف البشر شلون عايشين وتعلمت النت ولقيتك وانا كنت مسويه عقد مع المارد مال الخاتم انى ماقول شنو انا الا لما ارد مره ثانيه حوريه وانا الحين رديت حوريه واقولك الحقيقه تبينى اوكى ماتبين انتا حر انا بينى وبينج خايف اقول مابيج واتوهق انتى يريتينى لنص البحر وانتى عارفه انا خرطى سباحه ذاكره سالفة التايتنك :) قلت لا انا احبج واموت فيج بعد :) مو مشكله عقل السمج حيل مشكله خن انشوف اخرتها المهم مشينا قصدى سبحنا لالالا قصدى انتى سبحتى ويارتنى وراج مثل الاهبل :) وغصتى تحت انا تعقدت اتصدقين انا قاعد اتنفس عادى تحت البحر عادى ماجنى بالبحر بوسط المحيط اى المحيط مو صارلنا اربع ساعات سباحه وانتى ماشالله عليج حركتين بذيلج والا احنا قاطعين ميه كيلو :)) وشوى والا احنا على مشارف اراضيكم الله شنو حلو القصر مالكم اينن واى واى شنو هالذرابه كشخه حيل ودشيت ديرتكم انبهرت من جمال شوراعكم ومحلات الملابس واسواق غير شكل تحفه والمطاعم العالميه ماكو مطعم عندنا بالكويت الا وله فرع عندكم بس كله وجبات بحريه ودشيت القصر واستقبلونى الحرس رياييل بزعانف :) ودشيت غرفتج صراحه غير نمونه واستانسنا وفرفرنا بالقصر وشفت اشياء عمرى بحياتى ماشفت نفسها وبعدين قلتيلى تعال اراويك مزارعنا مالت الزعفران البحرى والفستق والجاى :) اى جاى شنو مو مصدقه ؟ كيفج :) المهم وانا وياج انتمشى بالمزارع والا ذاك اليريور العوووود اللى عمرى ماشفت مثله ياى يبى يهاجمنا انا حاولت انحاش بس مشكله وين اروح مادل :) انتى ديرتج وتعرفين لها والتعبان اليريور ماياج جنه يعرفج سيدا توجه لى انا الله الله اى والله هذا من صجه ياينى ولييه شسوى انا بروحى يالله اعرف اسبح وهذا سريع فشقه اى والله قرب قرب قرب اشهد ان لااله الا الله جان يسحبنى انا رفسته والا تدرين شصار ؟؟ طلع قطو اير الجيس مال الزبيدى من تحت اريولى :)) والا السالفه ان اقطاوه سوق السمج مسوين بوفيه بالسمج اللى انا شاريه نتفوه وانا مندمج وياج الله لايبارج بالساعه اللى تخيلتج فيه اكلو كل الزبيدى ماخلو الا روس السمج والزعانف انزين والحل انا اشتريت بالفلوس كله سمج مابقى وياى الا سبع ميه وخمسين :) شيفكنا من الوالده اتلاقينها مزهبه كل شى مقصصه البصل ومقشره البطاط ومضبظه الحشو وناطره الاخ سامى اييب الباقى شسوى الحين شسوى ماراح اقولج شنو يبت لها المهم دقيت هرن واطلعت السيلانيه وعطيتها الجيس اللى يبته ودشيت غرفتى مادريت الا والوالده سااااااااااااااامى انتا شيايب هذا شنو ؟ يمه يمه الله يهداج ملينا زبيدى زبيدى كله زبيدى صراحه انا مشتهى قباقب :))) هاهاها مو اخص الكود بنص وينج هذا بينى وبينج الحوار مو لامى :))) عسى القبقب يشق ويهك اى والله هذا كلام الوالده :( شنبى بالقباقب شنو فلبينه انا عازمه والا اختك يالتعبان اشتهيت والا ياعلك ماشتهيت انتا منو اخذ رايك انا مو موصيتك بزبيدى يايبلى قباقب الله لايبارج باليوم اللى وصيتك فيه والله لو موصيه محمد جان زين اللى تتكلم عنه امى اهو سايقنا :) بس روح ياسامى والا حرام ام تدعى على ولدها :) شفتى حبيبتى شلون انتى دايما موهقتنى بس صراحه والله وناسه خوش حوريه شعر وردى وعصعص هاهاها