View Full Version : فارس موديل 77 ...... ادخل وهات معك الدلة والقدوع ..
يا هلا ومسهله :)
حيالله الفارس
اقول وش رأيك نواكب الموضة ؟
ونسوي فرقة ...بس هاااا انا الاب الروحي من الحين
بس وش نسميها ؟؟
وش رايك ... الهوامير :)
او المنكتين
او النيكوتين :) :)
انا مادري وش فايدتها بس يلاه نواكب الموضه
هايدي
15-05-2001, 02:19 AM
نحن مازلنا نفكر في اثنين ..!
بعد ما شاء الله عليكم تزيدون ؟!!
لا ... وبعد تزيدونا حيرة فوق حيرة .! :(
-------
بما إني مازلت عضوة جديدة ..
أبي أعرف ويش يعني شعنونة؟ :)
مع احترامي لجميع الشعانين :) :)
على فكرة ..
إنتم تفكروني بالإنتخابات ...
:) :) :)
FARES77
15-05-2001, 10:08 AM
والله الراى رأيك انت الرئيس وانا الرئيس الفخري والا شرايك انا المدير التنفيذي و انت المدير المالي والا اقول انت الاب الروحي للجماعة (نغير شوي نخليها جماعة ) وانا المنظر للجماعة ، دمها موضة ليه نتخلف لازم نواكب الموضة يا عزيزي لازم يصير عندنا فرقة والا شلة بس نبغى اسم حلو وجذاب و شرايك نسمي شلتنا او فرقتنا
طرطشلي جروب
او
سولفجية تيم
او
مصرقعين جلوبل
او
طقها الحقها بليفز
او
ماعندي سالفة شلة نيس
او
شعنهيك التوحد بين يديك
ونخلي شعرنا تبي ردود و تبي نقاش لمواضيعك صر بصف اللي يحبك دايم و يطيعك شلة 77 داهية في اللي يبيعك شلة الوناسة "اختر اسم من اللي فوق"
حبيبي الموضة فن و الناس المتفتحة هي الناس اللي تتبع الموضة ، بس وش رايك بسالفة الدلة و الهيل و بيت الشعر و النفود و الطعوس ليه ما نسوي شلة الكركتر على شكل ضب و الشعار انقذ ضب في سبيل انماء الحياة الفطرية ، تدري شكل السالفة طويلة و بكرى يقولون اني اقلدك بطول السوالف تحياتي
هلا هايدي
مادري وش يعني اسم شعنونه
بس خلك معانا بنعطيك منصب مرموق
======
يا هلا والله بفارس
اقول وش رأيك نسميها جماعة فنجال وعلوم رجال
أو المحاميس .....
وبعدين يشرط على كل عضو من الجماعلة انه يكون عنصري
مايرد على اجد غير جماعتنا ... ويفضل يكون فيه كم واحد
هاكر عشان يصير كلام الجماعلة من مصدر قوة ..
ونحدد مرتب شهري لكل واحد من الجماعة بس من فين
نجيب فلوس ؟؟؟
تدري نفرض ضرائب على الاعضاء الي خارج جماعتنا
هاااا وش قولك ؟؟؟
FARES77
16-05-2001, 07:26 PM
هلا بكايد
انا والله اعتذر عن الجماعة بصراحة الجماعة اللي عندي بالديرة طفشوني من كلمة جماعة بذاتها
وبعدين وسع صدرك شوي حنا يكفونا جمعتنا واهلنا و قريبنا و القبيلة ما نحتاج نجمع لانا مخلوقين ومعنا جمعتنا
على فكرة الموضة اليومين عندنا شرى السلاح و الصيد وش رايك تسير علينا نطعس في ذا النفود و نصيد أرانب قل صار بس
هلا و غلا 77
سمعت ذاك الشاعر وش يقول
انا لي قومي اكثر من الروم
وفي لمة العربان تسني خلاوي
ياخي وش تبينا نعمل هنا ماحد يرد عليك الا اذا انت
مضاف عنده على الماسنجر .. مهما كانت نوعية مواضيعك
شف اكثر المواضيع جدية هنا اقلها ردود ..... على ان
المثقفين هنا مشاءالله وش كثرهم ....
اقول ماعلينا
والله المقناص مهوب شين اجيب سلاحي معي
لكن الخرزه مادري وش جهاها هاليومين تقول مصخنه
والشوزن اخذه خويي الله يقلعه ولا رده مابقي عندي
الا تسعه ملي ولا ينفع للصيد ..
اذا تتكفل بالسلاح انا جاهز