View Full Version : |||| زيارة الى مستشفى الأصدقاء بسوالف ||||||||||||||||||||||
زهر الليالي
22-04-2001, 03:42 PM
أهلا وسهلا بكم الى زيارة تفقدية لمستشفى الأصدقاء بسوالف
نحن الآن نتجه صوب البوابة الرئيسية الخارجية للمستشفى ..... نخفف السرعة ونقف عند البوابة المغلقة... يقترب منا حارس البوابة مراقب 555 (نقيب بثلاثة نجوم):
مراقب555 : وين يا شباب
----أبدا نبي نزور المستشفى
مراقب 555 : وليش أنشاء الله ؟؟
----- لا... خير.. بس ودنا نتعرف على المستشفى
مراقب 555 : عندكم تصريح دخول ؟؟
--------- لا والله ماعندنا .... وش دعوى .... تصريح ؟؟
مراقب 555 : أيه طبعا... فاكرين كل من هب ودب يقدر يدخل ؟؟
--------- : عفوا يا أخينا... هذولا مجموعة سياحية تحب تشوف المستشفى الجديد... وبعدين ولا واحد فيهم (هب) ولا (دب)
مراقب 555 : أنت قاعد تطنز علينا والا وش لون ؟؟
---------: عفوا يا حضرت ... بس هذولا سواح أجانب وما يصير تفشلنا قدامهم
مرقب 555 : طيب طيب طيب ... لا ترجنا الله يرجك... لحظه بس أكلم لكم مراقب 911
يغيب لدقائق ......
مراقب 555 : يا ولد .... ممكن نسمح لكم بالدخول بشرط تقول لنا أسم المستخدم وكلمة السر ؟
------- : طول الله في عمرك ما عندنا لا أسم مستخدم ولا كلمة سر
مراقب 555 : عجيب !! وليش ؟؟
---------- : والله يا أخونا كان التسجيل مغلق وما جانا فرصة نسجل
مراقب 555 : طيب هات رخصة القيادة ودفتر العائلة
-------- : هذي رخصة القياده أما دفتر العائلة فأسمح لي ما عندي عائلة
مراقب 555 : مافي مشكلة ... أذا مافي دفتر عائلة هات شهادة التطعيم
-------- : شهادة تطعيم ؟؟ والله ما ظنيت أني تطعمت من قبل
مراقب 555 : والله أنك نشبة... طيب خلنا نفتح لك البوابة
فتحت البوابة ودخلنا بسلام
قررنا شراء بعض الزهور حتى نهديها للمرضى المنومين
ومن بعد لاحظنا كشك زهور
أقتربنا من الكشك ... وبداخله زهر الليالي
زهر الليالي : أهلين وسهلين بالشباب
---------: هلا ... عندك زهور ؟؟
زهر: طبيعي والا صناعي ؟؟
--: أكيد طبيعي
زهر: مجفف والأ فريش ؟؟
--: أكيد فريش
زهر: وطني وألا هولندي ؟؟
--: وطني
زهر: لون واحد والا منوع ؟؟
--: منوع
زهر: أخضر أصفر أحمر والا أحمر أصفر أخضر ؟؟
--: أي شي .. مايهم
زهر: ورد والا فل ؟؟
--: ورد
زهر: طايفي أو تبوكي ؟؟
--: تبوكي
زهر: بريحة وألا بدون ريحة ؟؟
-- : بزفت ... أي حاجة... خلصنا
زهر: مغلف وألا بدون غلاف ؟؟
-- : يا أبن الحلال أي شئ ... غلف والا ماتغلف .. عليتنا الله يعلك
زهر: باقة وألا مزهرية ؟؟
--: مزهرية أنشاء الله تخبط في رأسك.. أي شي .. مايهم
زهر: بكارد وألا بدون كارد ؟؟
--: ربنا يكرد هالطخه.. ما رح تجيبها على خير
زهر: توصيل والا بدون توصيل ؟؟
--: جعلها كهرب توصل في خشتك... لنا ساعة وانت تنشد... يا بن الحلال خلصنا .... فشلتنا من السواح
زهر:كيف تدفعون قيمتها....كاش.. فيزا والا ماستركارد ؟؟
--: عودنا عالكارد ... شوف ... تراني رح أطربق الصندقه هذي على نافوخك ونافوخ اللي خلفوك... يا أبن الناس خلصنا
زهر : حاضر تكرم... هدئ أعصابك
يتبع...............
Huda76
22-04-2001, 10:46 PM
أخي الكريم زهر الليالي
هلا بك والله أخوي :)
حوار حلو ممتع جداااااااااااااااااا ورهيييييب ..
ضحكت وايد .. بس على هالجملة ( أطربق الصندقه ) مت من الضحك هههههههههههه :)
تحياتي لك وفي الانتظار :) :)
يعسوب
22-04-2001, 10:54 PM
ياسلااااااااااااااااااااااااااااااااااااااااااام
والله من جد يعني فعلا روعة ..
بس تعال هنا انتا وين شغاااااااااااال
بنت الغربي
22-04-2001, 10:55 PM
ههههههههههههههههههههههههههههههههههههههههههههههههههههههههههههههههه
فضييييييع يازهر الليالي فضييييييييع :)
ذبحتني من الضحك يوم قلت..اصفر اخضر احمر ولا احمر اصفر اخضر :)
وينك انت عن الطرائف؟؟ ترى والله محتاجيين لكم ياشباب هناك..القسم كلش ميت :(
ويعطيك الف عافيه :)
بياع القلوب
22-04-2001, 11:01 PM
يالذيذ يارايق :)
شبوحة
22-04-2001, 11:18 PM
حوار رائع وممتع يحصل فى اكثر الاوقات وبخاصة لما ينعدم الصبر
بما انهم رايحين المستشفى المفروض يختاروا وينتقوا الورد لانهم راح يقدمونة لمريض والمفروض المريض تنفتح نفسة لكن الناس ماعندها اى صبر
فى انتظار التكملة
زهر الليالي
23-04-2001, 04:23 PM
شكرا
عساك بس فهمتي (أطربق الصندق)
تراها كلمة محلية بحته :)
Huda76
23-04-2001, 04:28 PM
نفس التعبير يستخدم في لهجتنا المحلية البحرينية :)
تحياتي لك
زهر الليالي
23-04-2001, 04:51 PM
تسلم يالغالي
أنا أشتغل وين ؟؟
أكيد في كشك زهور :):)
زهر الليالي
23-04-2001, 05:10 PM
تحياتي يا أختي الكريمة
والله أن كنت دايما في الطرائف
بس الفترة الأخيرة شديت الرحال الى الأصدقاء
لكن ما تخافين أجيكم أنشاء الله
تآمرين بس :)
زهر الليالي
23-04-2001, 05:15 PM
مساكم الله بالخير
قريبا........ بقية الزيارة
ورح تشوفون العجايب داخل المستشفى :)
أنتظروا التكملة......................
زهر الليالي؟
كنت أتمنى أن تكتب فعلا عن بعض ما تعانيه بعض المستشفيات
من نقص في ألادويه والخدمات الاخرى..لكن خيرها فى غيرها.
شكرا لك موضوع جميل ورائع يستحق الاشاده
لكن ويش سالفة الصندقه المطربقه اللى يقول عنها(هايد76
شكر الك,,
دكتور / مجنون
23-04-2001, 10:20 PM
همممممممممم ... وصلتوا المستشفى ..
عسى ما شفتوا قسم المصحه العقليه :)
ترى انا انتظركم هناك ... جيبوووا اكل معكم ؟؟@@!!
الموضوع رائع و حلووووووووو مره و فكرته حلووه بعد :)
مرحبا أخي زهر ..
والله حوار ممتع
عل قلبك بياع الورود صح ...إيه والله حتى أنا
وتمنيتك صدق طربق الصندقة فوق راسه :)
هههههههههههههههههههههههههههههه
:)
فكرة حلوة و حوار احلى :)
تسلم يا زهر :)
شعنونة :)
سعودية
24-04-2001, 02:29 AM
هذا بس تكملة من عندي على الحوارhttp://www.alhastarah.com/vb/images/smilies/biglaugh.gif
صراحة الفكرة والحوار رائع .. ما كنت اتخيلك نجدي :)
بس صراحة شكلك اخذ كورس في محل ورد :p
تحياتي لك :)
aziz2000
24-04-2001, 02:35 AM
على قولة بياع .. يالزيز يارايئ :) سفن آب :)
بانتظار الجزء الثاني :)
بس الله يخلليك نبي طيحة في البواب 555 ;)
بياع القلوب
24-04-2001, 02:35 AM
هلا سعودية
زهر ولد :) وهو اخ وصديق :)
تحياتي
سعودية
24-04-2001, 02:44 AM
بالله عليك زهر ولد :p
قول غيرها ....:)
بياع انا سعودية مو سرلنكية يا خي ..:):)
اجل بقعد كل ها الأيام اكلم اخوي زهر وفي كل موضوع اقوله يا اخوي واحط موضوع واقول انه واجهتني مشكلة في معرفة البنات من العيال وجبت زهر مثال واخرتها ما ادري زهر ولد ولا بنت قالولك انا مثل بعض ناس يقولون يا اخي ولا يا اختي ..
الذكي يفهم وهو ان شاء الله فاهم قصدي ولا بترك سوالف :p
اقول احلم بياع اني اترك سوالف :)
ان ما جننتكم ما أكون انا سعودية بعد التحسينات سرلنكية والله بعد هذا ما راح اكمل قصة بدويك يالله رح دور احد يرد عليك :):)
اوريك يا عامر بيه :p
تحياتي لك :)
غريب نجد
24-04-2001, 02:53 AM
زهر الله يجنن ابليسك من وين كل هذا :):):)
شيء رائع والله وفي انتظار البقية ...
سعودية حرام عليك بياع ما يستاهل :):)
تحياتي للجميع
بياع القلوب
24-04-2001, 02:54 AM
هلا سعودية
:)
طيب بقول غيرها
( غيرها )
:):)
لا بس حبيت اوضح :)
ههههههههه
حلوه تتركي سوالف ؟ ايه هين :)
عشان اخلي شيطونك يطلع مواهبة الشيطونيه :)
المهم ياسعوديه هانم
عامر بيك يقول لك متى المقابله معك؟
انا ودي تصير مثل الاتجاه المعكس 2 يتحاورون :)
وش رايك انتي وهدى 76 ؟؟؟
طيب عاد خلاص ولا تزعلي
بس عاد ردي على قصتي على الاقل لا يطيح سوقها بدون توقيعك الكريم :)
تحياتي
بياع القلوب
24-04-2001, 02:58 AM
هلا غريب نجد
شخبارك؟
كي هالي تي قي؟ سعوديا هي في مسكل وازد
انا ما يسوي قرقر وازد والله
انا في يروح كفيل (عزيز اتنين ألف )يقول ايس فيه ؟؟
سعودية
24-04-2001, 03:00 AM
انا ما قلت لاحد يكلمني :)
تعرفني شعنونة وما عندي :p ما أخلي لاحد بس قلبي طيب مو كذا غريبوه :)
ام حق طيب والله لو تظفين وجهك يا سعودية سرلنكية اصرف :)
تحياتي لك :)
سعودية
24-04-2001, 03:05 AM
أنا وهدى فريق وانت وعزيز يا سلام :)
صراحة اتمنى تكون المقابلة معاكم كلكم علشان اعرف عنكم اكثر :)
بس ترى الله يهديها شبوحة ما قد حطت مقابلة الا وانا مو هنا :)
بس ترى لو يقابلون معاك يا أنا عندي 5678995433 سؤال وسؤال ولا عاد عزيز ترليون يا انا بطفشه بخلي موضوعاتي تطق الستة الاف من كثر ما أسأل :):)
خلاص لا تطق ما راح ارد على البدوي اللي في امريكاولو انها تستاهل :)
بياع ليش ما تحط الوصلة في كل جزء جديد علشان تخفف عن اللي يدورون اللي قبل :)
تحياتي لك :) وخل شيطوني طالع على خاله عامر شيطوني مثله :)
بياع القلوب
24-04-2001, 03:12 AM
هلا سعوديه
صدقيني انا بقترح اننا نتواجه مثل الاتجاه المعاكس انا وعزيز ضدك وهدى :)
بس والله ياخوفي من اسئلتك
شكلك من احين تجهزيهم
والله مقترحك حلو
بحاول اضبطه بالجزء العاشر
والله تعب ومالي خلق بس عشانك بسويه ولا يهمك
بس ردي :)
فيه مثل يقول يازين افعالو طالع على خالو :)
وثلثين الولد على خالو :)
والله يطرح فيه البركه شيطونك يارب :)
سعودية
24-04-2001, 03:19 AM
ان طلع عليكم والله انت ولا عزيز يا هنيالوه هو أمه :)
وشكرا على تعبك مسبقا :)
تحياتي لك :)
بياع القلوب
24-04-2001, 03:23 AM
هلا سعودية
تسلمي والله على الثقه :)
وتعبكم راحه
أسير الليل
24-04-2001, 04:03 AM
اهلين زهر الليالي..صباح الورد..عاد انت ابخص تبوكي..مديني
موضوعك..اي موضوع قصدي فكرتك حلوه جدا..الله يزيدك وناسه ياعم
وعلى الاخت هدى حلوه الصندقه..لي في حراج كانت المستشفي.
يعطيك العافيه زهر..ونحن في الانتظار هنا طبعا مو هناك.
زهر الليالي
24-04-2001, 02:28 PM
بشار
موضوع المستشفيات هذا موضوع كامل ومهم وأنشاء الله نتعرض له في مابعد
د.مجنون
ما تستعجل جايينك... شوف الفصل الثاني تحت
رحيل
لا... زهر بياع يحب الخفييه :)
توته
شكرا... تابعي الزياره أدناه
سعودية
فهمت قصدك وصار لدينا معلوم... والكتاب ينعرف من عنوانه وأنا أسمي زهر
عزيز
الجزء الثاني أدناه
اما البواب 555 فلنا قصة معاه يوم نظهر من المستشفى
بياع
عزيز وغالي وأعتز بأخوتك وصداقتك.... حنا أصدقاء من عام 1999 ولا زلنا
غريب نجد
البقية حدر
أسير الليل
والله كنت متصور الصندقه لهجة سعودية :)
زهر الليالي
24-04-2001, 03:47 PM
الآن نقترب من مدخل المستشفى وندلف الى الداخل(اللي مايعرف معنى ندلف يسأل متاهه)
في صدر الصلة الرئيسية هدى في مكتب الأستقبال. نقترب من هدى
--- صباح الخير
هدى: هلا صباح النور
--- أذا سمحتي حنا وفد سياحي ونبي نقوم بجولة على أقسام المستشفى
هدى: أكيد أنتم غلطانين. هذا مستشفى مو مكان سياحه. كل المكاسيح اللي انتم شايفينهم مرضى
---الله يشفيهم ويشفيك
هدى: وش لون؟؟ يشفيني ؟؟ شايفيني مجنونه وألا مجنونه؟؟
--- يا أختي مو القصد
هدى: نهايته . شايفين اليافته اللي هناك ؟؟
--- أي وحده فيهم .المستشفى مليان يافتات ؟؟
هدى: اكبر وحده فيهم
نقترب من اليافته الكبيره التي تحوي أسماء الدكاتره وتخصصاتهم ومختلف أقسام المرضى ونقرأ:
د. ريان
أستشاري أمراض مستعصية
أستشاري كي
رائد (القتل الرحيم)
بروفيسور في علم التشريح و(التشليح)
زميل الجمعية الأمريكية للطب البديل
زميل الجمعية السريلانكية لأصابات الطرق وأمراض الليموزين
زميل الكلية الهندية لأمراض الحبحر والبواسير
حاصل على البورد(اللوح) البريطاني في عمليات زرع المخ
د. أحمد
أستشاري أمراض الوسوسه القهرية وأنفصام الشخصيه وأنفصال الشبكية
أستشاري في أمراض الحب المستعصية
مأذون شرعي مع خدمة توصيل للمنازل
رائد عمليات (القلب) المفتوح و(المجروح)
زميل الكلية الملكية للمجانين
زميل الجمعية الصينيه للعلاج بالأبر والأيحاء الذاتي
رائد في مساعدة المكتئبين على الأنتحار
د.مجنون
عيادته مغلقة للتصليحات بسبب التخريب المستمر منه ومن مرضاه
د. شبوحة
أستشارية أمراض التوحد والكوابيس الليليه والتبول اللأرادي
(عيادتها مفتوحة فقط بعد نص الليل)
د. سعودية
أستشارية نساء ورجال وعقم وولادة
أستشارية الولادة بألم وبدون ألم
أستشارية في فك السحروالربط وخصوصا النوع الأندونيسي والمغربي
قابلة قانونيه(وتعزف على العود كمان)
زميلة الجمعية الخيرية في الربع الخالي
د. عزيز (موديل 2000)
أطفال وحديثي ولاده وعجايز
خبير في اللعب مع الأطفال
رائد في (مصع) الأذان والتشويت في البطن
أستشاري (غميمه) و(رن رن يا جرس)
أخصائي في حالات الكتابة على الجدران
خبير في (التلوين) و(الصلصال)
مؤلف كتاب (أساطير شعبية تؤخذ من الكبار وتعطى للصغار)
د.توته الحلوة
أستشارية تجميل
أستشارية نتف حواجب بدون ألم
أستشارية في تصغير وتكبير الأنف والصدر والشفايف مع الضمان لمدة يومين
شفط الدهون من المخ والبطن مع تحويلها الى مواد صالحة للأستهلاك الآدمي
عمليات زرع الشعر بأستخدام الأسمدة الكيماوية
أستشارية في علاج حالات شد الشعر العصبي
د.متاهه
أستشارية في أمرا ض النسيان وفقدان الذاكرة والتنويم المغناطيسي
رائدة علاج مرض الزايمر(عالجت الرئيس ريجان)
عيادتها مفتوحة طيلة أيام الأسبوع ماعدا السبت والأحد والأثنين والثلوث والربوع والخميس والجمعة
عيادتها الخارجية تقع على (سكة التايهين)
زميلة الجمعية الهندية لجنون البقر
من يجدها يسلمها لأقرب مستشفى أو مخفر
أذا لم تجدوها في عيادتها فأبحثو عنها علي السطوح أو سلالم الحريق
يتبع.................
زهـــــــــر الليالي؟
ولا زلنا فى الانتظار؟؟ الله يستر من البقيه الباقيه؟؟
Huda76
25-04-2001, 08:56 AM
هلا بك والله :) :)
تخصصات الدكاترة ما شاء الله رهيبة مررررررة .. تجمع خبرات خطير في هالمستشفى .. اذا هذي تخصصات الدكاترة الله يستر على المرضى اللي يتعالجون شلون حالتهم ..
تحياتي لك وفي الانتظااااااااااااااااار
سعودية
25-04-2001, 09:24 AM
السلام عليكم ورحمة الله وبركاته..
اخوي الموضوع " الفصل الثاني " رهيب وفكرة خطيرة :)
ليش اخوي ما تحطها في موضوع مستقل وتكتب الجزء الثاني وتحط فيه وصلة الموضوع هذا ..
فيه كثير ما راح يقرونه وهو والله خطير ..
أسفة للتدخل بس مجرد اقتراح ..
اذا ما أعجبك طنش وقل بلانا الله بوحدة ملقوفة واصبر عليها:p
((. سعودية
أستشارية نساء ورجال وعقم وولادة
أستشارية الولادة بألم وبدون ألم
أستشارية في فك السحروالربط وخصوصا النوع الأندونيسي والمغربي
قابلة قانونيه(وتعزف على العود كمان)
زميلة الجمعية الخيرية في الربع الخالي ))
حرام عليك كل هذا انا ..
طيب استشارية تغذية ماينفع :p
وشي الولادة اللي بالم ولي بدون الم ههههههههههههه
الله يخليك عطني المراجع اللي تفيد في هذا المجال " بدون الم " :)
وفك السحر الأندنوسي والمغربي وازيدك من الشعر بيت ..
الهندي والسيرلانكي والياباني والسعودي تجميع تايون :)
فيه غلط في المعلومات اعزف دنبك ومرواس وأجرح في المناسبات العامة :p
زميلة وصديقة وصويحبة وكل اللي تبي مدام فيها بران وتخيم :)
بس لها اوقات محددة في الربيع والمقر الرئيسي الخرمة :)
تحياتي لك وللي مطاوعتك :)
Huda76
25-04-2001, 09:35 AM
فعلا لو الجزء الثاني في موضوع مستقل راح يعطي فرصة أكبر للأعضاء للمتابعة ..
همسة لسعودية : حبيبتي انتي .. والله عجبتني التخصصات اللي كتبتيها :
" وفك السحر الأندنوسي والمغربي وازيدك من الشعر بيت ..
الهندي والسيرلانكي والياباني والسعودي تجميع تايون
فيه غلط في المعلومات اعزف دنبك ومرواس وأجرح في المناسبات العامة
زميلة وصديقة وصويحبة وكل اللي تبي مدام فيها بران وتخيم
بس لها اوقات محددة في الربيع والمقر الرئيسي الخرمة "
;)
سعودية
25-04-2001, 09:41 AM
معليش ما بعد قمت من النوم وقمت اخربط على الصبح :)
بس فتحت الموضوع ولقيت كل ها التخصصات ومت من الضحك :p
وتعرفين اموت في الضحك :)
معليش امسحي ها لجنون في وجهي ولا تشرهين علي :):)
بس احلى صباح اللي اصطبح بسواليف هدوووووووووية :)
تحياتي لك :)
زهر الليالي
28-04-2001, 07:03 PM
هلا والله
صراحة أنا كنت رح أكمل الزيارة حتى النهاية
بس جاني رسالة نارية(حقيقي) من هيئة المستشفي الطبيةأحتجاجا على الزيارة
بس أنا ما يهمني....
أذا ثلاثة أعضاء ينصحوني بالأستمرار فأني سوف أتحمل المخاطرة وأستمر
واللي يصير يصير
فلونة
29-04-2001, 12:21 AM
:D:D:D
فلونة
شبوحة
29-04-2001, 12:47 AM
http://www.gifs.net/animate/mystani.gif
وين الزبائن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الاكياس والساطور جاهزين
(((شبوووووووحة مستعجلة على زبائنها)))