سوالف للجميع - مشكله في القير :(

BROKEN HEART

11-04-2001, 04:40 PM

السلام عليكم

انا اتابع مواضيعكم من زمان لكني ماقد شاركت معكم لاني بصراحه عب بنزين وامش وبس ماافهم زين بالسيارات :(
ولو افتح الكبوت مااعرف الدينمو من المكينه :(

ما علينا المهم صارت لي مشكله اليوم بالقير وانا ماشي على النمره الثالثه فجأه غير القير من نفسه للسرعه الثانيه وفصل عداد السرعه وعلق القير على السرعه الثانيه ولا صار يعشق نهائيا بس مثبت على السرعه الثانيه

حولت على القير العادي ونفس المشكله لااقدر انقص نمره ولاازيد نمره مثبت على النمره الثانيه .

حتى لما اطفي السياره واشغلها ثانيه واحطها على D على طول من نفسه يعشق للنمره الثانيه ويثبت عليها
مع العلم ان سيارتي كرايزلر 300M والقير autostick اربع سرعات عادي توماتيك

بكره خميس نص دوام مايمدي الوكاله تسوي شي والجمعه اوف علشان كذا خليتها عندي وبوديها السبت للوكاله لكن قلت استفيد من خبراتكم على الاقل اروح وانا فاهم وش المشكله :)

يالله شكرا

CL-Class

11-04-2001, 05:29 PM

مادامت السيارة تحت الضمان .....الحق عليها ....لان القير ودع ..!!

LM.SS

11-04-2001, 09:02 PM

الحق الضمان :)

BROKEN HEART

12-04-2001, 06:44 AM

المشكله الضمان مخلص من 5 الاف كيلو :(

يعني اخاف مايدخلونها بالضمان واتوهق :(

المرشد

13-04-2001, 07:53 AM

احتمال بطة دخلت من تحت و انت ماتدري تاكل فلافل و ماتشوف الشارع
هههههههههههههههههاااااااااااااااعععععععععععععع

والله لو كنت اعرف كنت بساعدك:)
نشوف الاخوان الفاهمين

BROKEN HEART

13-04-2001, 08:00 AM

بطه اجل هههههههههه لا وفلافل بعد :(

الشرهه مهيب عليك يالمرشد الشرهه علي اللي معطيك وجه بالمسنجر :(

E55

13-04-2001, 11:54 AM

أخوي
من الواضح إن عندك مشكلة (مب سهلة) في الجير

وبما أن الضمان إنتهى ، بتدفع يعني بتدفع

وما أنصحك إنك تصلحه في مكان غير الوكالة لأن هالنوع من الجير محتاج لواحد يعرف له زين

وإذا كنت ملتزم بجدول الصيانة أعتقد إنك تقدر تطلب منهم يصلحونه على الضمان

والله يعينك :)

CL55-AMG

14-04-2001, 05:43 PM

هلا حبيبي BROKEN HEART

اولا اعتذر على التاخر بالرد بس انا دوبي شايف الموضوع

انا ما اعرف لل 300M (تعرف محاشيك ماله الا في الالماني :) ) بس اذا كنت للحين ماوديت السيارة للوكالة فسوي الحركة التالية:

عادة التيبترونيك يتحكم فيه الكمبيوتر في السيارات الالمانية تقدر اتسوي SET للجيربوكس على نسبة معينة عن طريق الكمبيوتر

اذا كانت سيارتك تحتوي على كمبيوتر فجرب تعمل للكمبيوتر RESET لانك ممكن انك ثبتها بالغلط على النمره الثانية

لانه عادة لما يخترب الجيربوكس ما ايروح للنمرة الثانية

مع تمنياتي انه ماايكون حصل لها اللي في بالي وسلامتك

http://icdweb.cc.purdue.edu/~alrumait/images/4clk-gtr.jpg