View Full Version : نعم 00كيف احب ان اكون ؟
mouza
10-03-2001, 07:15 PM
جميل ان يفتخر الانسان بنفسه
ولكن الاجمل يا اخواني ان نعرف ماهي عيوبنا وكيف نصلحها ونستطيع ان نتغلب عليها
ولا نحتاج الا لحظه مصارحه مع النفس 000
ما هو الشيء الذي لا احبه في نفسي واتمنى ان استطيع ان اغيره ؟
فقط اسأل نفسك وجاوب
وربما
استطعت ان تغير هذه الصفه ؟
ما رايكم اخواني نتصارح وكل واحد منا يقول شو الصفه اللي فيه ويتمنى ان يستطيع ان يغيره ؟
لحظه مصارحه مع النفس 0000
انا الصفه اللي ما احبها في موزة انها لحوحه تحب كل شيء ايها بسرعه تعرف بسرعه 00واذا شيء في خاطري لازم احصل عليه بسرعه :(
وان شاء الله احاول اغير هي الصفه 000
ممكن تشاركوني :)
سردال
10-03-2001, 07:23 PM
أنا شخص بارد، بليد، ما أتفاعل مع الأمور من حولي، يمكن الموقف حماسي جداً، أكون عادي ولا في أي شيء، مشكلة كبيرة، الناس متوترين حولي وأنا بااااااااااااااااارد آخر برود وأفكر بالحل وهذه يمكن تكون مميزة لأنني ما أخلي المشاكل تأثر فيني :)
مشكلة ثانية هي أنني حقيقة لا أسمع كلمة نصيحة من غيري، الكل حولي كأنهم لا يريدون نصيحتي أو يخافون لا أدري لماذا! ينصحوني في أمور عادية، خذ الليسن، روح أشتغل، أجتهد في الدراسة، لكن يقولون عبدالله أنت فيك صفة سيئة ما سمعتها أبداً.
mouza
10-03-2001, 07:31 PM
اول شيء خذ الليسن اخوي سردال :)
اتصدق والله انا اتوتر يوم اتعامل مع شخص بارد
وانت تذكرني بصديقني اللي من برودها كنت اسميها فريزر :)
هاهاهاهااهاههاه
بس صدق حاول انك شوي تغير هاي العاده
صدق ترا
موضوعك جميل يا موزة...
بصراحة..
انا ممكن ينقال علي اني لحوحة مثلك....
يعني حنّانة و زنّانة.....اذا ابغى شئ....لازم احصل عليه...
حتى اني احيانا اندم بعدين....و اكتشف ان الموقف ما كان يحتاج كل هالازعاج...
سردال..
انا احس ان صفة البرودة..نعمة لا تقدر بثمن..:)
بس الشئ اللي من جد "قاهرني" فيني...
و اللي ماني عارفة اغيره...
هو اني...
مرجوجة..:)
لأ...ترى من جد اتكلم...
انا الحين عمري 18 سنة...بس حركاتي حركات وحدة عمرها 12..
يعني مني راضية اقتنع اني كبيرة و اني لازم "اثقل" شوي..:)
و الشئ الثاني...
يمكن اني ماخذة الحياة...لعبة...
و آخذ الامور كلها ببساطة...و ما اعرف اصير جدية...
يمكن تفكرون ان هذا شئ حلو ان الواحد ياخذ كل شئ ببساطة..
بس ترى بالعكس...يعني انا مررررررررة بزيااااااادة...
و هذا الشئ مرة مأثر فيني...لدرجة اني ما اعرف اتحمل مسْؤولية ابدا..مهما كانت سهلة ...
و يمكنكم تلاحظون هذا الشئ من خلال ردودي عليكم هنا في سوالف...
و الله لو اقعد من هنا لبكرة اتكلم عن الأشياء اللي ابغى اغيرها في نفسي ما راح اخلص...
mouza
10-03-2001, 07:55 PM
صح كلامج لازم تقنعين عمرج انج كبرتي وشوي تتصرفين كفتاة ناضجه :)
اما عن صفتج انج ما خذه الشيء بساطه شيء جميل صدقيني
احلى شيء ونحن شو ماخذين من الدنيا :)
سردال
10-03-2001, 08:34 PM
موزة: سردال فريزر؟! شو رايك؟ تنفع؟! :) صراحة البرود مرات يكون نعمة مثل ما قالت الأخت فتو، لكنه بشكل عام غير مرغوب من الناس، بس مفيد جداً لما أتعامل مع مشكلة، أكون بارد وأحصل الحل بسهولة على عكس المتوترين من الناس :)
فتو: كل شيء زايد عن حده إنقلب لضده :) أخاف من برودي اقلبت للضد!! وسالفة التصرف كأنك 12 سنة! والله أتمنى أكون مثل جيه! :) انا لما كنت صغير كنت أتصرف على أني أكبر من سني....
mouza
10-03-2001, 08:46 PM
اهاههااهااهاهاهاهاها
انا وياك في امور ما نتنرفز فيها وناخذ الامور ببرود
لكن مثلا ساعات الناس يبون يسون شيء ويتريونك وانت بكل برود تكلمهم
اههههههههههههههههههههههههه
انا لو كنت بزغدك
هااههاهااهاهاه
سعودية
10-03-2001, 09:00 PM
موضوعك بيطلع الفضايح للعالم بس يالله الشكوى لله :)
الصفات مو الصفة لاحظي :::
العصبية الشديدة :(
اني ما اخلي لأحد غلط فيني :(
التهور في جميع الأمور بمعنى ما أحسب حساب للخوف :(
أحب بقوة وأعطي من دون ما أسأل بس اذا كرهت يا ويل اللي أكره ويا سود ليله ما أخلي له :(
حارة جداً وما أتحمل البرود :( يا حظك يا سردال :)
سردال ما شاء الله عليك عيني عليك باردة :)
فتو انت تقولين كذا وانت عمرك 18 انا مثلك وانا عمري 28 استمتعي ولا يهمك بكرى الدنيا تخليك غصب تستمتعين :)
تحياتي لكم :)
mouza
10-03-2001, 09:04 PM
قولي حق فتو استانسي
وخلي الدنيا تمشي وياج
يعسوب
10-03-2001, 09:07 PM
مساء الخير ...........
موضوعك اكثر من رائع..
بالنسبة لي اعاني من مشكلة ياليت القى حد يساعدني على
التخلص منهاوهي: كثرة تانيبي لنفسي على الاخطاء اللي ارتكبها
حتى لو كانت تافهه واحيانا يصل الى درجة العقاب......
والشي الثاني سرعة حساسيتي تجاه بعض الامور حساسية مفرطة
اعرف انها غلط × غلط بس حاولت اتخلص منها وماقدرت ايش الحل
واخيرا اشيل همومي في نفسي واخاف اصارح احد فيها عشان يشاركني حلها........
اول مرة اتكلم بهذه الصراحة بس صدقوني حبي وثقتي فيكم هي
اللي خلتني اتكلم.......
سردال
10-03-2001, 09:12 PM
هذه الكلمة تخوف.... بزغدك، بزغدك!!
بس حلوة... بزغدك!! بزغدك!! :)
على العموم، يمكن اليوم أطلع في الإذاعة إذا صار ظرف طارئ! ويا رب ما يصير أي ظرف طارئ لأني مب جاهز للحديث في الإذاعة :) وما أريد أطلع في الإذاعة :)....
على فكرة: البرود ينفعني لما كنت في الإذاعة!! :) لأني كنت متوتر أول ثواني وبعدين راح التوتر بسرعة :)
mouza
10-03-2001, 09:27 PM
شكرا اخ يعسوب على الثقه
اتصدق تأنيب النفس شيء حلو بس المبالغه فيها شوي مب حلو
لازم نراجع انفسنا عشان ما نقع في الخطأ مرة ثانيه
سردال : اتصدق كتبت بزغدك 00 بعدين قلت ابيه شو قلت انا
وبعدين قلت اخوي سردال عادي
هاهااههااهاهاهاها
بس قول متى بتطلع عشان نترياك استاند باي
سردال
10-03-2001, 09:29 PM
إن شاء الله الساعة تسع إلى الساعة عشر! :)
أدعولي إذا طلعت :) ويا رب ما أطلع!!...
على العموم أنا أجهز للموضوع ألحين :) بروح أصلي وأرجع أكمل :)
سعودية
10-03-2001, 09:42 PM
صحيح يا موزة المفروض فتو الله يحفظها تظل بروحها الرائعة :)
وتترك الدنيا وتحس بالحياة في عمرها هذا :)
وشكراً لك لمناقشة حالتي اللي ما اقدر اقول فيه كلمة :)
تحياتي لك :)
سردال
10-03-2001, 10:09 PM
الحمدلله ما راح أطلع على الإذاعة :)....
تعرفون ليش ما أريد أطلع؟ لسببين، الأول إني مب جاهز، الثاني، ما ودي يتكلمون على أخوي ويقولون أنه يجيب أخوه، فاهمين هذه المسائل أنتوا :)....
سعودية، أول ما تحسين بالغضب، لا تتكلمين، وإن كنت واقفة إجلسي، وروحي توضأي أو اذكري الله وإن شاء الله راح ترتاحين وتهدى أعصابك، وبعدين حلي المشكلة :)
والغضب مشكلة حقيقة، لأن الشيطان يستغله ليدمر العلاقات والبيوت
mouza
10-03-2001, 10:20 PM
احسن ما بتطلع في الاذاعه تعرف ليش ؟
لاني كنت بموت غصه اذا ما سمعت وما عندي و وصله ولا اعرف من وين اطلع الموجه
وبعد وبعد ما عندي رادو
وصح كلام سردال اختي سعوديه عند الغضب وصى الرسول تغيير الحاله او الوضوء :)
قطري حبوب
10-03-2001, 10:20 PM
السلام عليكم جميعا يا أعزائي....بصراحة الموضوع عجيب...
وانا الحين باتكلم.....يعني باتكلم....من زمان و انا في اشيا
مو عاجبتني فيني....بس ما لقيت الي يسمع.....
الأولى: انا ما انسى أي شي يمر فيني...و ترى هذي مش عيب
في بعض الأحيان لكن صدقوني اني اتعذب منها...ما اقدر انام
أحيان...ودايما اقول انا بانسى..بانسى.....ما أقدر...
الثانيه : أزعل من أقل شي ينقال لي...حتى لو حقيقة..
ما أتقبل النقد حتى من المقربين لي....
الثالثة عاد : شوي مطيور....الله يذكرج بالخير يا فتو...
بس مب بالتصرفات أو الحركات...بالعكس انا وايد ثقيل..
لكن احب و أهوى و أعشق السرعة بالسيارة.....
و ما لقيت حل حق هالعيوب.....صدقوني الواحد لما يعرف عيوبه
شي حلو....بس ترى صعب يعدل فيها....ليش ما أدري...
مع محبتي...حبوب..!
mouza
10-03-2001, 10:26 PM
اهلا بك وشكرا للمشاركه
وبعدين صدقني مب صعب حد يعدل من عيوبه خاصه اذا اعترف بها
وهذا معناته عدم رضاه الداخلي عن ها الشيء بس فيه نوع من المكابرة
coooool_girl
10-03-2001, 10:50 PM
أنا طيبه بزياده بس الناس ما يحسون بهذا لاشيء ولا يعطونه أي اعتبار بل عكس يطنشون.
mouza
10-03-2001, 10:54 PM
الله يحفظج
الناس ما يعرفون قدرج يا حبوبه
والطيبه شيء زين بس مب بزياده
لانه يسمونه عبط مب طيبه :)
بنت النور
11-03-2001, 12:14 AM
موضوع حلو وحبيت اشارك معاكم
الصراحة انا عيبي عجيب و غريب وما اعتقد اني راح احصل حد مثلي
انا ما احب احرج احد بالمرة سواء كانت اعز صديقاتي او حتى اللي يتقبل المزح بس ما ادري ليش الغير يحب احراجي في امور كثيرة
حتى وصلت الدرجة اني لما اطالع التلفزيون واحد الجماهير او المذيعين يقع في موقف محرج . احس اني انا في هاالموقف و ارتبك و احيانا اغير القناة اذا قدرت الصراحه .
ما ادري اعتقد اني اكون اكثر قوة و تحمل ولا شو رايكم ؟؟؟
ما ادري تعتقدون انها مشكلة ولا هذا شي عادي ؟؟
ارشدوني .. اووووه نسيت شو انا في باب مشكلتك لها حل :)
سوري على الإطالة
mouza
11-03-2001, 12:25 AM
الله يحفظج
بالعكس مشكلتج ما تعتبر مشكله
بنت النور
11-03-2001, 12:32 AM
الحمد الله :)
كلامج يبرد على القلب الصراحه
ماقصرتي و الله ,, يعني اللي يستويلي يستوي للكل ؟؟؟
:) واااااااااااو الحمد الله
سردال
11-03-2001, 12:36 AM
بنت النور: تصدقين؟ مشكلتك هذه تشابه مشكلتي أيضاً هذا إن صح تسميتها بالمشكلة، وأشوف إنها عادية جداً بل وجميلة، لانها تعبر عن حس راقي ونفس حساسة :)
mouza
11-03-2001, 12:39 AM
سردالكوووووووووووووو
خلاص بدخلك في قبيله
قوم كو كو
بنت النور
11-03-2001, 12:43 AM
سردال شكرا :)
بس ما تعتقد ان لازم يكون قلبي اقوى من كذا ؟؟
الحياه راح تعلمنا اشياء كثيرة الصراحه و الدرب قدامنا طويل
وانشاء الله نتعلم منها .. بعدنا في بداية المشوار
صباح الورد والجوري
أخي الغالية موزة ...
اللي ما يعيبني في عمري ... إني ما أحب الزحمة
أبدا واعتبر الزحمة نوع من الإزعاج سواء في سوق أ حفلة
أو مطار ...
ومب معنى هذا إني إنطوائية أو ما أحب الناس
لا والله بس أحب الهدوء في كل شئ ...
عشان كذيه مستوية أصدع على أبسط الأصوات
ما الحل ؟؟؟؟؟ :(
mouza
12-03-2001, 01:42 PM
هااهااهاهاهااهاهاهاه
انا بعد ما احب الزحمه ولا الازعاج واصدع من الصوت العالي انتي مثلي :)
هذا من شيء والله غلط وما اعتقد لازم اتخلص منه
لا تتضايجين
al_hairan
12-03-2001, 02:04 PM
موضوع جدا ممتاز
انا بصراحه يأخواني عيبي الكبير هو انني متسرع جدا احب ان اوصل الى غايتي بسرعه لا احب الانتظار في اشيئ لا في اتخاذ قرار ولا في انتظار شخص ولا استطيع ان اتروى في شيئ ولكن الامور ماشيه معايه بالبركه بفضل دعاء الوالدين
اما العاده الاخرى السيئه هي انني اذا زعلت من شخص واخذت منه موقف فعندي الاستعداد اني ما اكلمه طول العمر
ارجو الافاده
اخوكم أ ؟ ل ؟ ح ؟ ي ؟ ر ؟ ا ؟ ن ؟
http://uk1.maktoob.com/forums/upload/06.gif
mouza
12-03-2001, 02:28 PM
العيب الاول تقريبا معظمنا فيه ها الشيء واولهم انا
ولكن انك تكون مستعد ما تتكلم مع الشخص طول العمر ما تشوف انها كبيرة شوي
مب زين اخوي لازم تفكر في ها الشيء :)
اسير_الصمت
12-03-2001, 03:01 PM
انا فيني عيوب كثييييييره : وهي
- 6 سلندر يعني أشرب بنزين كثير
- كبيره ما تنفع في الزحمه
- لون غامق يعني تلم غبار عليها كثير
- صيانه غاليه
وش الكلام هاذا يا أسير .....!!!!
هاذي عيبوب سيارتي ههههههههههههههههههههع :)
أوكي أوكي ........
بالنسبه لي فعيبي الوحيد هو : المزح والضحك كثير حقيقة هي عادة مو حلوه لكن عاد وش أسوي
حقيقة مزحي كثير ما يحطني بمواقف باييييييييييييييييخه...
وشكرا على موضوعك الجميل :):)
وبس :)
أخوكي
mouza
12-03-2001, 03:04 PM
بالعكس دمك خفيف ماشاء الله عليك وتضحك الناس شوي :)
اسير_الصمت
12-03-2001, 03:18 PM
الله يسلمك يا رب :)
شكرا هادا والله من ذوقك :)
أخوكي
mouza
12-03-2001, 03:33 PM
العفو :)
شاهيناز
12-03-2001, 04:18 PM
موزه موضوع جميل ان نتكتب عيوبنا..لان اتصور بنكون صادقين اكثر من لو كتبنا الصفات الجميله...
انا اكثر عيوبي الي اهلي مستحملينها اني احب السيطره واحب ان ينفذ كلامي بدون نقاش واحب الترتيب والنظافه يعني تتلخبط البرمنجه عندي لو اشوف المكان غير مرتب اعصب ويتغير حالي..حاولت اغير من طبعي ابعثر الاشياء اقلل من االاوامرلكن ابو طبيع مايغير طبعه كلها كم يوم ارجع لحالي السابق..
mouza
12-03-2001, 04:22 PM
شكرا لك على المشاركه
بس اتصدقين حلو الانسان يكون مرتب وكل شيء يكون نظيف
بس بالفعل كثر الاوامر مب حلو
تصدقين انا لو احس حد يأمر ني اعانده
اهاههاهااه