مسامرطيف
27-02-2001, 04:19 AM
خواني و أخواتي الأعزاء
أنا عندي مشكله كبيره في الذاكره (ذاكرتي أنا مهيب ذاكره الكمبيوتر). والمشكله يبدو لي بدت منذ شهر على ما أظن أو شهرين (نسيت).
السالفه بدت من يجي شهر إلى شهرين (أو هي سنه) وهاك اليوم قاعد على الكمبيوتر حول الساعه خمس الفجر وكالعاده مغير سوالف مالها داعي ومغامرات عاطفيه فاشله (شايف نفسي حسين فهمي).
وأنا منهمك في هالتشات إلى أذني إلا فجاءة ظلمت الدنيا و ماصرت أشوف شي وجنتني دوخه وقام راسي يدور ثم خبط في الشاشه. حاولت أرفع راسي ما قدرت. أحاول...وأحاول...ثم فجاءة جاني ألم شديد في مؤخرة الرأس (أفاي على قول المصاريه).......
وفجاءة سمعت صوتا هاتفا يهاوش.....ولاه صوت الوالد الله يسلمه: يا سربوت ماغير قاعد على هالملعون أخذ وقتك...ماتنام إلا اذا قامو الناس و لا تقوم إلا أذا ناموا....نعنبوك (طيب منهو أبوي) أستح على وجهك....الي في سنك متزوج و عنده عيال وفاتح بيت...وووووووالخ.....
طبعا كل هالكلام أسمعه و انا راسي لاصق في الشاشه و الدنيا مظلمه و مع الروعه دلت سعابيلي تسورب على الشاشه ثم على الكيبورد.
طبعا الوالد الله يسلمه دايم يطق بس مهيب العاده يكفخني على حين غفله، وطبعا عرفت من بكره السبب.....أخوي الي أصغر مني مزعله..... له يومين مفرك مع شلته وقام الوالد وحط حرته فيني....لكني ماخليت دحيم هالملعون....طحت فيه يوم جا....أخذت ثاري و ثار أبوي....ورجعت كرامة العيله (أي كرامه وأي نيله).
المهم، من عقب هاك الصفقه وانا ما شفت خير...يعني بصراحه أفوت و بقوه....واليكم هالسالفه و احكموا علي هل لازم اعرض نفسي على دكتور؟
قبل كم يوم كنت عند راعي الفيديو الي في أخر الشارع....دخلت المحل و انا نفسي في فلم غربي محثرب....لكن المشكله اني نسيت أسم الفلم....قعدت ساعه أشرح لأبو هنَود وشو الفلم عنه....وأنا منغمس (كني شابوره في حليب) في شرح القصه مادريت الآ و الهندي يقاطعني
الهندي: أيش هازا صديق؟
أنا: وشو؟!!
الهندي: هازا فلم مافي مزبوط...هذا في يشوف هيئه بعدين مشكل كتير...هازا ممكن فيه برا سعوديه مافي هنا......
أنا: ياخي انت و جهك والله أنا في يجيب من هنا....كيف برا سعوديه؟ انت فكر شوي انت في معلوم (من زين تفكيري عاد)
الهندي: طيب انت فيه معلوم اسم بطل مين؟
انا: ايه، خذ عندك...منهو ياربي....ايه.......شارون ستون..(ياهي جريئه وبس!!!)....و...و...و ديمي مور...(اه من عيونها)....و...و...برتني سبيرز..(عليها بوبز محترمه)....و جينيفير لوبيز..(هاك التنَه الي يحبها قلبك)....و..نوال الزغبي..(اذا ضحكت تهبل بي)....و..و.....
الهندي(يصارخ): هـــــي صديق.....ايش هازا.؟؟ مافي فلم في زي كدا؟ هازا فلم ولا حلم؟؟!!!!!!!
يوم قال حلم انتبهت لنفسي.....وقعدت اعصر مخي...لاتكون الدعوه حلم و انها أحسبها فلم.....اي والله...اثر السالفه كلها حلم...وانا اقول ياربي انا والله شايف هالفلم في السعوديه....نعنبو الذكاء....لا وقاعد اشرح حلمي بالتفصيل لأبوهنود...ياهي فشيله.... و بأبتسامه صفراء خجوله قلت: ألا صديق كبف انت في معلوم هذا حلم؟!!!!
الهندي: أنا لازم في معلوم....أنت في يجي كبل واحد أزبوع انت في يقول كلام سيم سيم.....
وشو؟؟؟!!!!!!!!!!!!!!
انا قلتلك هالسالفه قبل اسبوع؟؟!!!!......لحظه اتذكر.......اي والله....اثرني جيتك قبل اسبوع وقلتلك نفس السالفه.....يافضيحتي فضيحاه....تكفى صديق لاتقول لأحد انا مخي مافي مزبوط...
قعدتلي كم يوم متأثر بالي صار واحاول أعالج نفسي بنفسي (من زين عقلي) ويوم جا أمس قلت بس، أنشاء الله طبت خلني أروح أدور لي فلم أوسع صدري....وانا في الطريق قعدت أذكَر عمري: هاه أنتبه تقعد تبربر للهندي سوالف مالها داعي...خله يعطيك اي فلم بس....ولا تدري؟؟....خل عنك الأفلام الغربيه ...ماوداك في دهيه الا هي...جرب هالمره فلم عربي...
الزبده...دخلت على كومار وانا فارد صطري (>----مره سمعت وحده تقول هالكلمه ...اللهم عافنا)
أنا: كيفك صديق.....وش عندك فلم عربي كويس؟
الهندي (بابتسامه خبيثه) : ليس انت ما يبغي فلم غربي؟
انا: اها بس خل عنك الفلسفه وعطني فلم عربي.
الهندي: طيب ايس اسم فلم؟
انا:ماعندي اسم..عطني أي شي...
الهندي: طيب ايس قصه؟
أنا: لا؟؟؟؟؟ تبي تذيهين علي انت وخشتك....عطني الي عندك...ولا أعجبتك سالفه الحلم تبيني أعيدها عليك يالملعون....اخلص بس اعطني اي فلم مصري حلو (مافهين شي حلو لكن مابيدي حيله)...
الهندي: في فلم هلو اسمه (تبول في الليل)...
انا: وشو؟؟؟ استح على وجهك وبلا كلام وسخ...
الهندي(بابتسامه شاهي على حليب): ايس فيه تبول في الليل؟؟؟ ما في مسكله صديق
يوم انتبهت.....لايكون الهندي يدق علي كوني احلم دايم احلام خاثره.......قال بس تلق الرجال دايم يسويها في الليل........يوم حمقت و مسكته مع مع زنارة رقبته......
أنا: شوف صديق والله اذا ما تعقل لا اموصلك باللي في رجلي...عطيناك وجه قمت تخور...عطني فلم ولا والله لا احوسك و احوس عليك المحل...
الهندي (قامت عيونه تلعب ويبلع ريقه): صديق صبر صبر انا فيه يجيب فلم......
أنا: ايه رح جب يالملعون...ما ينفع معكم الا كذا..........جب فلم زين...طيب؟
وراح يركض وثواني ولا هو جايب فلم و عطاني اياه...
طبعا انا انتشيت واستانست واجد......واقرا اسم الفلم الا وهو شي ما توقعته بتاتا......
بالله عليكم وش تتوقعون؟؟؟؟
جابي لي فلم اسمه (طبول في الليل)....والهندي ضعيف الله ماعرف يقول اسم الفلم...ويسميه (تبول في الليل)....بصراحه ماخذت الفلم....وحلفت اني ماطب على هاك المحل ماره ثانيه...معاد لي وجه....
------------------------
توَنا..توَنا.............نسيت وش الباقي
أنا عندي مشكله كبيره في الذاكره (ذاكرتي أنا مهيب ذاكره الكمبيوتر). والمشكله يبدو لي بدت منذ شهر على ما أظن أو شهرين (نسيت).
السالفه بدت من يجي شهر إلى شهرين (أو هي سنه) وهاك اليوم قاعد على الكمبيوتر حول الساعه خمس الفجر وكالعاده مغير سوالف مالها داعي ومغامرات عاطفيه فاشله (شايف نفسي حسين فهمي).
وأنا منهمك في هالتشات إلى أذني إلا فجاءة ظلمت الدنيا و ماصرت أشوف شي وجنتني دوخه وقام راسي يدور ثم خبط في الشاشه. حاولت أرفع راسي ما قدرت. أحاول...وأحاول...ثم فجاءة جاني ألم شديد في مؤخرة الرأس (أفاي على قول المصاريه).......
وفجاءة سمعت صوتا هاتفا يهاوش.....ولاه صوت الوالد الله يسلمه: يا سربوت ماغير قاعد على هالملعون أخذ وقتك...ماتنام إلا اذا قامو الناس و لا تقوم إلا أذا ناموا....نعنبوك (طيب منهو أبوي) أستح على وجهك....الي في سنك متزوج و عنده عيال وفاتح بيت...وووووووالخ.....
طبعا كل هالكلام أسمعه و انا راسي لاصق في الشاشه و الدنيا مظلمه و مع الروعه دلت سعابيلي تسورب على الشاشه ثم على الكيبورد.
طبعا الوالد الله يسلمه دايم يطق بس مهيب العاده يكفخني على حين غفله، وطبعا عرفت من بكره السبب.....أخوي الي أصغر مني مزعله..... له يومين مفرك مع شلته وقام الوالد وحط حرته فيني....لكني ماخليت دحيم هالملعون....طحت فيه يوم جا....أخذت ثاري و ثار أبوي....ورجعت كرامة العيله (أي كرامه وأي نيله).
المهم، من عقب هاك الصفقه وانا ما شفت خير...يعني بصراحه أفوت و بقوه....واليكم هالسالفه و احكموا علي هل لازم اعرض نفسي على دكتور؟
قبل كم يوم كنت عند راعي الفيديو الي في أخر الشارع....دخلت المحل و انا نفسي في فلم غربي محثرب....لكن المشكله اني نسيت أسم الفلم....قعدت ساعه أشرح لأبو هنَود وشو الفلم عنه....وأنا منغمس (كني شابوره في حليب) في شرح القصه مادريت الآ و الهندي يقاطعني
الهندي: أيش هازا صديق؟
أنا: وشو؟!!
الهندي: هازا فلم مافي مزبوط...هذا في يشوف هيئه بعدين مشكل كتير...هازا ممكن فيه برا سعوديه مافي هنا......
أنا: ياخي انت و جهك والله أنا في يجيب من هنا....كيف برا سعوديه؟ انت فكر شوي انت في معلوم (من زين تفكيري عاد)
الهندي: طيب انت فيه معلوم اسم بطل مين؟
انا: ايه، خذ عندك...منهو ياربي....ايه.......شارون ستون..(ياهي جريئه وبس!!!)....و...و...و ديمي مور...(اه من عيونها)....و...و...برتني سبيرز..(عليها بوبز محترمه)....و جينيفير لوبيز..(هاك التنَه الي يحبها قلبك)....و..نوال الزغبي..(اذا ضحكت تهبل بي)....و..و.....
الهندي(يصارخ): هـــــي صديق.....ايش هازا.؟؟ مافي فلم في زي كدا؟ هازا فلم ولا حلم؟؟!!!!!!!
يوم قال حلم انتبهت لنفسي.....وقعدت اعصر مخي...لاتكون الدعوه حلم و انها أحسبها فلم.....اي والله...اثر السالفه كلها حلم...وانا اقول ياربي انا والله شايف هالفلم في السعوديه....نعنبو الذكاء....لا وقاعد اشرح حلمي بالتفصيل لأبوهنود...ياهي فشيله.... و بأبتسامه صفراء خجوله قلت: ألا صديق كبف انت في معلوم هذا حلم؟!!!!
الهندي: أنا لازم في معلوم....أنت في يجي كبل واحد أزبوع انت في يقول كلام سيم سيم.....
وشو؟؟؟!!!!!!!!!!!!!!
انا قلتلك هالسالفه قبل اسبوع؟؟!!!!......لحظه اتذكر.......اي والله....اثرني جيتك قبل اسبوع وقلتلك نفس السالفه.....يافضيحتي فضيحاه....تكفى صديق لاتقول لأحد انا مخي مافي مزبوط...
قعدتلي كم يوم متأثر بالي صار واحاول أعالج نفسي بنفسي (من زين عقلي) ويوم جا أمس قلت بس، أنشاء الله طبت خلني أروح أدور لي فلم أوسع صدري....وانا في الطريق قعدت أذكَر عمري: هاه أنتبه تقعد تبربر للهندي سوالف مالها داعي...خله يعطيك اي فلم بس....ولا تدري؟؟....خل عنك الأفلام الغربيه ...ماوداك في دهيه الا هي...جرب هالمره فلم عربي...
الزبده...دخلت على كومار وانا فارد صطري (>----مره سمعت وحده تقول هالكلمه ...اللهم عافنا)
أنا: كيفك صديق.....وش عندك فلم عربي كويس؟
الهندي (بابتسامه خبيثه) : ليس انت ما يبغي فلم غربي؟
انا: اها بس خل عنك الفلسفه وعطني فلم عربي.
الهندي: طيب ايس اسم فلم؟
انا:ماعندي اسم..عطني أي شي...
الهندي: طيب ايس قصه؟
أنا: لا؟؟؟؟؟ تبي تذيهين علي انت وخشتك....عطني الي عندك...ولا أعجبتك سالفه الحلم تبيني أعيدها عليك يالملعون....اخلص بس اعطني اي فلم مصري حلو (مافهين شي حلو لكن مابيدي حيله)...
الهندي: في فلم هلو اسمه (تبول في الليل)...
انا: وشو؟؟؟ استح على وجهك وبلا كلام وسخ...
الهندي(بابتسامه شاهي على حليب): ايس فيه تبول في الليل؟؟؟ ما في مسكله صديق
يوم انتبهت.....لايكون الهندي يدق علي كوني احلم دايم احلام خاثره.......قال بس تلق الرجال دايم يسويها في الليل........يوم حمقت و مسكته مع مع زنارة رقبته......
أنا: شوف صديق والله اذا ما تعقل لا اموصلك باللي في رجلي...عطيناك وجه قمت تخور...عطني فلم ولا والله لا احوسك و احوس عليك المحل...
الهندي (قامت عيونه تلعب ويبلع ريقه): صديق صبر صبر انا فيه يجيب فلم......
أنا: ايه رح جب يالملعون...ما ينفع معكم الا كذا..........جب فلم زين...طيب؟
وراح يركض وثواني ولا هو جايب فلم و عطاني اياه...
طبعا انا انتشيت واستانست واجد......واقرا اسم الفلم الا وهو شي ما توقعته بتاتا......
بالله عليكم وش تتوقعون؟؟؟؟
جابي لي فلم اسمه (طبول في الليل)....والهندي ضعيف الله ماعرف يقول اسم الفلم...ويسميه (تبول في الليل)....بصراحه ماخذت الفلم....وحلفت اني ماطب على هاك المحل ماره ثانيه...معاد لي وجه....
------------------------
توَنا..توَنا.............نسيت وش الباقي