View Full Version : -----> ***** أطـــــرف مـــــــــوقف .... !!! (^_^) *****
1^
الجميع مر في حياتة بالعديد من المواقف الطريفة .... :)
بعض هذه المواقف فيلم كوميدي بحد ذاتة .... :D:o:D:o:D:o:D:o:D
و من المواقف الطريفة التي اذكرها :
=====================
مرة من المرات سايرين السوق ... و كنت الحق الوالد وين ما يسير
و أشوف واجهات المحلات ... :)
و تميت الحق الوالد .. لكن تفاجأت يوم لف وجهة للخلف .... :(
طلع هذا ريال ثاني مب الوالد ... :( ... و مستغرب اني الحقة .... !
... انصدمت .. بس اشوى اني لقيت ابويه وراية .. و محد اكتشفي
:):):):):)
عدت على خير ... ( و الله لو خواتي عرفوا .. بيمسحون فيه الأرض .. :( )
الحمد لله عدت على خير ... :)
-------> ومرة كنت سايرة السوق مع خواتي و زميلتي تمشي عدالي ... :):)
فجأة طاحت زميلتي ... ( و بدال ما اساعدها ) ابتعدت عنها ... ! و اتبريت منها
.. حسيت كأني أنا اللي طحت .. :( و اتفشلت ..
قالت لي : " يا بئس الصديقة ... استعريتي مني .. هااااااااه ... !!! "
وا فضيحتااااااه :(
=====> حبايبي الحلوين و الشعانين ... خبروني ... شو أطرف موقف مر عليكم .. ؟؟؟
و لا تستحون ... ترانا اسرة وحدة .... :):):)
و أكيد عندكم مواقف تفطس من الضحك :)
تحياتي :
تـــــــــ الشعنونة ـــــــــوتة :)
بندول
12-02-2001, 04:05 PM
أطرف موقف حصل هو ايام الجامعة
كنت انا وشلت الأنس نجي الجامعه ونوقف سياراتنا في المواقف
ونركب سيارة وحده وعلى الكازينو وهات شاي وقهوة وفطور ووناسه
ولكن حبل الكذب دايم قصير
مرة من المرات رجعنا بعد الوناسه الى موقف السيارات عشان
ناخذ سياراتنا ونروح البيت وكأننا كنا في المحاضرة
وفي ذات يوم ..دن دن دن دن داااااان
ماوجدت سيارتي وظلينا نبحث عنها اللين يئسنا وقلنا أكيد
انسرقت طبعا رجعت مع اصحابي وصلوني للبيت واذا بها سيارتي عند
باب البيت ....منو اللي جابها...؟...الوالد طول الله عمره
وكان مراقبني من فتره......وانتو تعرفوا الباقي والحمد لله
moon cat
12-02-2001, 04:20 PM
شو تبغين عاطفيه أو عامه ؟ (: حبدأ عاطفيه طبعا أنا رجل حساس ألقلب ألمحتاس .. عذب وايد ناس .. وأنت أنسان حساس ولفاس طاح بلرأس !واحد من ألشباب ( ألله لايوفقه !) صوته مثل أصوات ألحريم ! عموما ألحبيب عملى فيها مقلب أكلته بشرف ! ياسلام على ألصوت ألحلو أتخيلك بلمرايا ! ومجلسى وألهاديا !!!!!!!عموما ألريال ياسلام صوت حلو يونس أنيس ألقلب ألو ! ألو! هلا ولله حبيب قلبى !!!!!عموما أنا رايح فيها وعبر عن شعورى وألخبيث كل مايواعدنى بمكان ماحصله !! تميت معاه شهرين وبعدين كشف نفسه !هاهاها يظالم لك يوم !!!! ذابحنى شهرين ألله لايبارك فيك ونا أقرا شعر مع أنى معرف أشعر وحفظ دواوين ؟ لا وهو ينصحنى يوم أسولف معاه عن ألبنت ألى تعرفت معاها !! مدرى أنه هو الخبيث !!بس صج كل ماأذكر أموت من ألضحك (: (: (:
موقف عام ألله يسلمش كنت ناوى أنحاش من ألدوام عموما فى بوابه تفصل بين خروجى هى بوابه ألتصريحات لازم تصريح عشان اطلع من مكان عملى عموما ماكان عندى تصريح قلت خلنى أجردن ألبوابين عادى كنت أسويها ؟ بس كانت ألمسافه بين ألبوابه ومكان عملى طويله وماكان فى تلك الفتره عندى سياره فرحت مشىء للبوابه صدقه جالى مسئول كبير كبير عن كل الشغل وأنا موظف صغير بلكان أشوف مسئولين!وقف ألريال حب يوصلنى عموما قلت له : أنت رايح عند البوابه رد وقال : نعم تفضل عندك تصريح ؟ قلت : لا ولايهمك روح بس وخلى ألباجى علي ؟؟؟ أستغرب وقال : كيف ؟؟؟؟ قلت :ولايمهك حكلم البواب ويطلعنى قال : كيف ؟كيف ؟ عموما أنا شكيت من ألموضوع أن هذه مايسئل ببلاش وقالى وهو يضحك : أرجع عن دوامك وخذ تصريح وتعال بوصلك !!!!!!!!هاهاهاها موقف محرج بلنسبه لى ؟ بس أعتقد هذه وتسلون
mooncat
أما حتة موقف ... ما تنحسد عليه أبدا ... !!!
تصدق عزيزي بندول ... :
انا و زميلتي كنا نوصل المحاضرة في الوقت .. و بعدين نقرر فجأة انتا ما
نحضر .. و نرجع السكن و نكمل رقااااااد من الزين ... :):):)
و يوم يتصلون قوم اميه و خواتي بجناحنا ... كانوا ربيعاتي يوشون عني
و يوقولون اني ما اداوم ... لكنهم يعرفون ان بنتهم لهلوبة و تعديها .. :)
كنت اقدس شيء اسمه نووووم :)
و شكرا يا بندول على هذا الموقف الجميل الحلو ... :)
------> بس ما قلت لي ... شو سوى بك الوالد بالتفصيل الممل ... :)
تـــــــ الحلوة ـــــــوتة :)
:)
1- طرح جميل جدا .... :)
2- كل موقف يضحك أكثر من الثاني ... :)
هاهاهاهاهاهااهاهههواواوهاووهاوهههويهيهيهيهيهيهههييهيهيهيهيهيهههيهيهيهي :):):)
احنا بعد وحدة من زميلاتنا سوت صوت ريال ... و قامت تتصل بأجنحة السكن و تغازل البنات
.. و ما عرف كيف صدقوها .. و الأدهى ان البعض تفاعل وياها ... !!!
لكن موقفك .. هههههههااهاهاههاهاهاهاهاهاهاهاهاهاهاههههههههه ... خطييييييييييييييييير
... بس و الله حرام عليه ربيعك يسوي جذيه ... !
و الموقف الثاني يفطس من الضحك .. يا مجردن انته يا مجردن ... مسكوك ... :)
تسلم يا عتوي ... مياااااااااااااااااااووووووووووو .... :)
و زيدنا كان عندك زود .... :):):)
تــــــــ الحلوة ــــــــوتة :)
moon cat
13-02-2001, 03:05 AM
ولله كثير ياتوته تحصل ولا نكت حتى بس زين أن ألمواقف عجيتش ! أشكرش على التشجيع تحياتى نسيت أهنيش بلقب أفضل منكته عموما تستاهلين ياتوته صراحه ماخبى عليش وأظن أحساس كل ألاعضاء هنا أنا أنبسط بوجود أسمك مسجل بقائمه ألحضور (: حضورش مميز ياتوته تسلمين ويعطيش ألله العافيه أسف باجى ألمواقف مقدر أقولها ! هاهاهايه مو كل شىء يقال ياتوته صحيح (:وشكرا mooncat
:)
الله يبارك فيك يا عتوي .... و انا منكم و فيكم ... :):)
و انا بعد افرح يوم اشوف اسمك في قائمة الحضور و الغياب ... هاهااههاهاهااههاي :)
قصدي قائمة الحضور ....
انته يا عتوي روح منتدى الطرائف ... و عضو مميز ... الله يسلمك يا عتوي ,,,, :)
و كان ودي تتذكر سوالف اكثر .. لأنكم انتوا الصبيان عندكم سوالف كثيرة ما شاء الله
مب مثلنا احنا :( .... :) يعني ما في امل يا عتوي.... ؟؟؟
مياااااااااااااااااااااو .... :)
تـــــــــــ امباو ـــــــــوتة
ذكي مجتهد
13-02-2001, 09:56 PM
هاذا أحد المواقف حصل لي ---> بس لما كنت صغير جداً :) :
لما كنت بالسوق مع أمي , كانت أمي تمشي قدامي و احنا نمشي مرت
حرمة بيني و بين أمي , و بعدها وقفت أسأل نفسي :
أمي الي تمشي على اليسار
والا الي تمشي قدام ؟ ؟ ؟ ؟ ؟ ؟ ؟ ؟ ؟ ؟
المهم : ( لحقت الي تمشي باليسار ) و أنا أمشي وراها شفت
حلاوهـ رحت أخذتها و لحقت الحرمة الي كنت أظنها أمي , و شديت
عبايتها و التفتت لي , لما شفت عيونها كأنها مستغربه عرفت
أنها ميب هي , و تفشـلت تفشيلة .
بعدها طنشتها و رحت أدور على أمي لين ما لقاني أخوي الي أكبر
مني , طلع حتى هو ضيعها :) , راح أخذني عند موقع الحساب .
و انتظرناها الين ما جتنا :) :) :)
الى الآن أذكر ها القصة بعد مرور سنين .
و السلام :) :) :)
فتى الامارات
13-02-2001, 10:00 PM
اطرف موقع حصلي منذ 5سنوات
الموقف صغير
اسمعوا
كنت امشي وي الوالد
وانا ما سك ايدة حتا مايضيع مني
وبعد شوي وانا اشوف نفسي
ماسك ايد واحد مصري لابس
لبس خليجي .
مسامرطيف
13-02-2001, 10:32 PM
ماني مسلم عليك ياتوته ؟؟؟
1- تاخر الدكتور في الاختبار النصفي واخذت بعضي ومشيت ورجعت البيت فانبني اخي وقال ارجع ترى الاختباراكيد بقاعه ثانيه ورجعت حصلت احد الزملاء قد خرج من الاختبار فسالني خالد كيف الاسئلة ؟؟ قلت تمام وريني المصيبة انها زي المويه فعدت الى البيت كاسف حزينا
-----> اللي ضحكني انك انت و اخوك ضعتوا بالطوشة ..... :):)
ضربتين على الراس توجع يا زكيييييييييي .... :)
ههاهاهاهاهاهههههههههه .... حلوة وايد .. :)
و تسلم عالمشاركة
تـــــــ الحلوة ـــــــوتة :)
squall
14-02-2001, 06:57 AM
but i can't write Arabic cus am using my frien Pc and he doesn't have Arabic
:)
:)
:)
عاد مصري .... !!!
تـــــــ الحلوة ـــــــوتة :)
:(
:(
شي يقهر .... !
:) بس يضحك في نفس الوقت ... علشان تنتبه و ما تعيدها :)
وهذا سلامي لك .. يا اللي ما تسلم ... بس قول لي ليش ,,,, !!!
ليكون زعلان ..؟
1^
تــــــــــ المستغربة ـــــــوتة
غمييييييييييييييييييييضة ... !!!
تـــــــــ الحزينة ــــــــــوتة :(