الهقاوي والطعون اللي على صدري تشابه

[حبيبها]

وش يســـوي واحــدن عمــره بهــالدنيـا هبابه؟
وش يخلـي من همـوم الوقت والا وش يبدي؟


كلمــا ذعـذع هـوى الغربي بمسحـوب الربابه
فرّعــت ذيك الجـروح وبيـــحت ياخــوك سدي


الأمـــاني شـــاحبه والحلـــم غــاشيه الكــآبه
والطـريق اللي غـــزاه الشيب عيـّـــا لايــودي


والهقاوي والطعون اللي على صدري تشابه
بعـت دمٍ مــايفـــور وعـفـت وجـــهٍ مـايقــــدي


آه من دربٍ طــويلٍ شيــّــب عيــوني شهـابه
والهـواجس في الحـنايا بين جزر وبين مدي


وآه من هـمٍ تشربك فـي طريقـي والتـوى به
وآه من كف الزمان اللي شهر شلفاه ضدي


من متـى مــالاح بــراقٍ ولاطـرّى ســحــابه
في تهاتيــه الضلــوع اللي ضمــاها مســتبدي


والغـرام اللي لــوى عرق الحشا سايفت بابه
أطــرقٍ بعـثر مواعيـد الغــرام وقـــال : ودي


جفــّــلوا ريم الفلا عن روض وسميٍ رعى به
علـّــمـــوه يبـــور خــلا نه ويجفــاهم تحــــدي


والله انه الغـــايب اللي بس ذابحـــني غيــابه
ذاك لو تصــدى الجروح يظل جرحه مايصدي


ليت لي قلبٍ خليٍ غــير ذاك اللـــي غــدى به
كان مااقفــى بالســــنين وقـــال يالأيام عدي


لو بقى واهس قصيدٍ قلت في حضرت جنابه
من عــزلت بركنة المجلس ومسباحي بيدي


ياولــد دام الزمــان اللـي نبي كشــّـر بنــابه
ويش رايك نقلب الصفحـه ونعلنهـا تحدي ؟؟


لعنبو صــبيٍ يضــــرّيها على درب المهــابه
يهبـا لاخــــاله بخـــالي .... ولاجـــــده بجـــدي


صــاحبي للحــرب قـرنـاسٍ وللمسـرى ذيـــابه
والله اني لا ا تطـــاول هــامة العليـا واعــدي


صاحبي مانيب ذاك اللـي يجي محدن درى به
هــِـدني صـوب النجوم المرقبه وارقب مهدي


دام شـــرواك الرفيق الطــيب اللــي ينتخــابه
ماعلي لاراح جــرح وهلّ جــرحٍ مـســتجـدي


والعطــايــا من ولــي الكــون مافيـها طــلابه
كــل يــــدٍ فوقــها يـد ... وكلهامن تحت يـــدي


الـورق ملّ القصيد وضاق بحـروف الكتـــابه
يامغنــّــي عن سمــوم القيظ ماخـــدك بخــدي


يانعٍ حرف الشعر وقت وقطفت أحلى شبابه
علــّــم اللي غرّته معشوقته ماهــوب قــدي


لاجهــمنـا ماتحــرينـــا تخـــتراش الضـــبابه
مانسوق الا لشمس .. وماندوس الا التفدي

بدوي

[الزين]

ياولــد دام الزمــان اللـي نبي كشــّـر بنــابه
................ويش رايك ( نقفل )الصفحـه ونعلنهـا تحدي

أنا موافق بس ضد مين ...

قصيد رائعة يا حبيبها....
في انتظار الجديد ..



ــــــــــــــــــــــــــــ
من بادي الوقت هذا طبع الايامي..
.............مرات تصفى ومرات الكدر فيهـــا ؟!

[حبيبها]

ضد من اودع الذئاب تئن من رعب النعاج..
ورقى الثعالب الى مراتب الاسود

هي القوس وانت باريها..

عموما هي نقلب وليست نقفل اي انها صفحة وليست كتاااب

تحياتي

[كريم سبلا]

^1
كيفك اخ حبيبها

قصيده جميله جدا ......والاجمل منها البنت الي لابسه البرقع وكانت فوق القصيده في العدد قبل الاخير للمختلف

بس حبيت استفسر
حبيبها هو بدوي ...........ولا لا

تقبل تحياتي
اخوك
كريم سبلا

[حارس الزمن]

..حبيبها

ما أروعك ....في هذا الفيض من المشاعر المتحدية ...حين كان لا بد لها من التحدي .... ما أقوى وقعها في داخلي حين كانت ألفاظك بقدر وافر من التدفق الذي لا يدع لك مجالا تأخذ فيه نفس ازدحام العاطفة وجلجلتها ...

أشكر ل كك هذا الإبداع

اقبلني حين أبدوا لك ثرثارا ...وما إني هو !

ولك شكري

حارس الزمن

[المجهولة]

صح لسانك أخي حبيبها

تحياتي

أختك
نانا

[ولهاااااااااان]

..........واي حروف يمكنها ان تستجمع قواها وتقف بين يدي حروفك لتنعتها بما تستحقه؟

ليس لدي ما يجاري روعة ابياتك الا الدعاء بان يبلغك الله مراد قلبك كما بلغك مراد بيانك ونظمك

هذه الجزاة التي تتطاير منها حروفنا كما يتطاير الغبار من تحت اقدام جواد فارس

الصمت ابلغ من الكلام............اختك وله