كريم سبلا

[كريم سبلا]

يا بنت حدك لاتجين الكرامه
......................كرامتي ما بيعها لو بمليار
تبقي عزيزه لين يوم القيامه
......................بٌاذاً الوالي عالم خفيا الأسرار
اموت ما جيت الردا والملامه
......................لاخنت لي صاحب ولا خنت لي جار
كريم سبلا والشرف لي علامه
......................ماني من الي يهتك العرض والعار
اصد عن درب الردا والغشامه
......................ماني علي قولك خبيثٍ وغدار
ولاني علي قولك قليل الشهامه
......................حرام تبليني بشين فلا صار
انا لخلي مخلص في غرامه
.....................ماله بديلٍ بملايين الاقطار
حبيبي الي مثل ضبي العدامه
.....................فيه القوافي تنظم مثل الامطار
مثل القمر لصار ليلة تمامه
..................... يشرق ونوره غيرعن كل الانوار
هذا كلامي والتحيه ختامه
.....................يا بنت من يوفون بالحق الأشبار





كريم سبلا

[عشاق]

مشاركه جميله من شخص يعز علي أنا شخصيا00 وينك يالقاطع؟؟ ترى مره ثانيه تقطع أسجل عليك00 أهلا ومرحبا أخي كريم سبلا والمشاركه حلوه زي راعيها :)
كريم سبلا والشرف لي علامه
......................ماني من اللي يهتك العرض والعار

[حبيبها]

فرصة لرد الدين .. ترفق ياخوي

سقطت منك بعض الحروف في ابياتك التي لمست موضوعاامسى في هذا الزمان على الالسن فقط..

وفقت حد الهاب الاكف في صدر البيت الاول..

اما العجز فلي فيه تساؤل مفاده :

شرايك تبيع بمليار+ ريال ؟

الست معي .. بأن مجرد ربط الكرامه بالمال يعني انها قابلة للبيع !!

التساؤل الثاني :

خبيث ، غدار ، قليل الشهامه .. كلمات لايمكن ان تبني جسرا بين المحبين ..فهي اتهامات لاتصدر من الد الاعداء الشرفاء..
ياعزيزي اقصى مايغضب المحب من حبيبه تقطيبة حاجب ، او نظرة عتب


التساؤل الثالث :

بعد كل هذا .. وبعد قولك ((حدك ) في البيت الاول لماذا تراجعت وتغزلت بها في البيتين الثامن والتاسع رغم تعهداتك السابقة.

اخي كريم سبلا او ((كريم سبله ))

اشهد الله اني احبك فيه .. واني ممن افتقدوك في الاونه الاخيره ..لذا اجدني ارد .. ولو تأملت ردودي لوجدتني احصرها فيمن ارى فيهم بواكير طلع .. واطلالات امل .. فلا تغضب مني ..

لك مني كل الحب ..
اخوك حبيبها
----------------------
ماسبق يدور حول المضمون وليس له علاقه بالشكل من حيث الوزن والقافيه والجرس وما الى ذلك .. فهذه تحتاج الى وقفه اخرى

[الغائب]

مساء الخير


انا اشهد انك ياحبيبها كفيت ووفيت
تصدق كنت بقول اللي قلته بس انك سبقتني

مليار وريال هههههههههههههههههه

:)

حلوه هذي اخي كريم سبلا او ((كريم سبله ))

سنة السبله والا سنة الصخونه

:)


هاه وش تقول ياراعي الذوق انت :)

[الفجر الجديد]

قرأتها عدة مرات وفي كل مرة أجد لها متعة ولذة أكثر من المرة السابقة
ولي بعض التحفظ على ملاحظات أخي حبيبها

ففي قوله: كرامتي ما بيعها ولو بمليار
فالشاعر هنا لا يتحدث بقناعاته هو .. وإنما بما يظنه البعض أن الكرامة قد تباع وتشترى بالمال !! فهو يحدثهم بلغتهم التي يفهمونها ..! وليس شرطا أن يكون هو نفسه يرى مايرون من أن الكرامة قابلة للبيع والشراء .


أما أنه بعد أن قال لها ( حدك ) عاد وتغزل بها
فأنا أعتقد أن التي خاطبها الشاعر في بداية القصيدة ليست هي محبوبته وإنما هي امرأة أخرى تريد النيل منه ومن كرامته ، كما أنها تحاول الظفر به وابعاده عن معشوقته لهذا قال لها في آخر القصيدة
انا لخلي مخلص في غرامه
.....................ماله بديلٍ بملايين الاقطار
حبيبي الي مثل ضبي العدامه
.....................فيه القوافي تنظم مثل الامطار
مثل القمر لصار ليلة تمامه
..................... يشرق ونوره غيرعن كل الانوار

هذا رأيي وننتظر لنسمع راي شاعرنا الأخ كريم سبلا .

[كريم سبلا]

هلا فيك اخ عشاق
مشكور يالغالي على الاطراء
وما عزيت الا الي يعزك وانا اخوك
اما عن القطعه ما اعتقد لانه اسبوع واحدغيرنا الجو فيه وشقرنا علي الحبايب وشفنا جينا ولا تاخرنا
والمشاركه حلوه من ذوقك يالغالي


تقبل تحياتي
اخوك
كريم سبلا

[كريم سبلا]

ياااااااااااااااااااااالله يا حبيبها معقوله آكله معك الهرجه من ذاك اليوم لين الحين..........
ما صدقت تلقي غلطه.........
ههههههههه .......امزح معك لاتصدق :)

مشكور اخوي على التكرم والرد على العبد الفقير لله
من ناحية أسئلتك الثلاثه فردت عليه الفجر الجديد وما قصرت بيض الله وجهها........ اقرا ردها وتلقي الاجوبه كلها



وتسلم يالغالي ما حبيت الا الي يحبك ويقدرك وانا اخوك ومشكور علي الرد ثاني مره

اما عبارتك "لاتغضب مني" ماعتقد لها داعي
الصراحه عمرها ماتزعل بالعكس والله اشكرك من كل قلبي
واسألك لو كنت تايه بطريق وجاك واحد ودلك تزعل منه!!!!!!!1
لا والله ماينزعل منك


وانا اطلب منك"ولاعليك آمر" اذا قريت ردي ذا انك تعطيني رايك في الوزن والقافيه والجرس حلوه الجرس ذي
وبنشوف وقفتك ورايك

ضروري اسمع رايك



تقبل تحياتي
اخوك
كريم سبلا

[كريم سبلا]

هلا غايب

ايه خذ راحتك مره خذها علي الاخر يا عكاشه

طلع الي في قلبك كله

تري الكبت يولد الانفجار

انت وحبيبها مافهمتو القصيده صح مدري ليه رغم انها وااااااااااااضحه مررره لكن مدري وش فيكم

بس ماشاء الله كان واضح انك بتقول نفس كلام حبيبها
هذي كثر منها عيوني

خذ عندك اغنيه جديده عشان تعرف انك دايم علي بالي

http://www.salmiya.net/songs/sound/abdelrahman24.ram

تقبل تحياتي
اخوك
كريم سبلا

[كريم سبلا]

هلا بالاخت الفجر الجديد

مشاء الله تبارك الله "عيني عليك بارده" تحليلك لقصة النص ميه الميه صدقيني انا صاحب القصه والقصيده لو بغيت اشرحها ما شرحتها زيك

فعلا النص فيه شخصيتين
قريت ردك مره مرتين ثلاثه خلاني اجزم ان نفس القصه ذي مرت عليك

اسعدني ان فكرت النص وصلت

بس مشاء الله عليك تفهمينها وهي طااااااايره:)
تقبلي تحياتي وياهلابك اخت عزيزه ومشكوره علي التكرم بالرد



اخوك
كريم سبلا

[امير الحب]

عزيزي واخوي كريم سبلا .
اسلوب رائع للافتخار بالنفس والاعتزاز والحق انك انسان مبدع.
وتقبل كل الحب والحترام.

[حبيبها]

اخي كريم سبلا :

طاب فالك وفال الفجر الجديد :

احترم وجهة نظركما الا ان هناك وفي كل العلوم ثوابت لادخل لوجهات النظر فيها .. فأنا لااستطيع ان اقول مثلا : وجهة نظري ان واحد + واحد = ثلاثه ..والشعر فن من حيث موهبة صاحبه وعلم من حيث انتمائه للادب من جهة وخضوعه لقواعد ثابته تفصل مابينه وبين الاشكال الاخرى للادب كالنثر والخطابه والقصه .. الخ وتميز غثه وسمينه .

ماذكرته لايمثل وجهة نظر فقط والا ماهو قولك في قول الشاعر :

عزتي غاليه والناس سوامه
قلت مابيع حتى تقطع انفاسي

في قصيدته التي استهلها بـ :


ينجرح قلب لكن ترتفع هامه
والله اني لاموت ولا انحنى راسي

يندمل جرح قلب ماتت احلامه
بس وشلون يبرى جرح الاحساسي

لو رماني زماني وسط دوامه
العواصف شديدة والجبيل راسي

وختمها بـ :

يوم صارت مابين القلب والهامه
ويش ابي بالحياة اليا انحنى راسي


ارى ان شاعرنا هنا خاطب متلقيه بما يفهمه هو وبما يفترض ان يفهمه الاخيار لا بعقليات الجهله والشواذ فالمسالة ليست اثواب ومقاسات او (( الجمهور عاوز كده ))

لا اود ان اطيل اكثر من ذلك ومااريد قوله قلته في المرة الاولى علم من علم وجهل من جهل ..

اخي اسعدني ردك كثيرا ، واعلم انك من اهم مكاسبي من النت ، وبهذه الروح يحق لنا ان نقول ان الدنيا لاتزال بخير
=============================================
اتشرف بابداء ماطلبت بشرط استكمالك لبعض الحروف الناقصة او الكلمات التي كتبت دون اعتماداو موافقة الكيبورد.. لكي تكون الامور اكثر وضوحا.. فقد اظهر خللا في وزن بيت يتضح لا حقا انه سليم لولا خطأ مطبعي فيه .

لك كل الحب

اخوك حبيبها

[كريم سبلا]

هلا بأمير الحب والاحباب

هلا فيك اخوي وحياك الله

اشكرك اخي على اطرئك واتمني ان اكون عند حسن ضنك



تقبل تحياتي
اخوك
كريم سبلا

[كريم سبلا]

السلام عليم ورحمة الله وبركاته
الي الاخ حبيبيها بعد التحبه

يخوي هدي شوي الله يديهك ……………السرعه قلبت السيارات وش فيك طاير
اول شي انا معك في ان الشعر موهبه ودراسه ……اخوك يملك موهبه 50% ان لم تكن اقل اما من ناحية الدراسه رغم اني قرات الكثير من كتب الادب (دواوين)….الا اني لم اقري كتب واحد عن الاوزان والبحور …الخ من قواعد الشعر التي يبني عليها
لذالك انا اجهل الكثير فيه لأني بالاساس لست مهتم ولست شاعر ….ولكن في بعض الاحيان تأتي امور تستفزك وتجعلك تكتب الشعر
ومنها حكاية هذه القصيده التي استفزتني وكتبت ما كتبت انا لاالومك اذا ما فهمتها لان قلوب البشر ليست واحده .
حصلت قصه نقلتها من الواقع في قالب شعري بس هذه كل المشكله اما عن القصيده التي كتبتها لنا والتي يقول مطلعها(عزتي غاليه والناس سوامه) هي قصيده جميله (ياليت تكتب اسم قايلها اذا ماكنا حبيبها هو الي قالها) ولكني اعتقد ان ضروف القصيده تختلف كثير عن ضروف ومسببات قصيدتي (صدقني لو نقلت لك القصه كامله كان زال الاشكال)
انا لم احاول زخرفت قصيدتي او انا اضهرها بمضهر جميل انا نقلتها كما هي بدون زخراف وتلميع …….. وكما حصلت في ارض الواقع
وانا نقلت قصيدتي وخاطبت المتلقي بما افهمه وبمايفترض ان يفهمه الاخيار



(( اخي اسعدني ردك كثيرا ، واعلم انك من اهم مكاسبي من النت ، وبهذه الروح يحق لنا ان نقول ان الدنيا لاتزال بخير))
صدقني اخي نفس الشعور

اما في ما يتعلق بكتابة القصيد ه فهناك خطأين
الاول مقصود وهو في شطر البيت الثالث (كريم سبلا) وفي اساس القصيده كانت (انا فلاني)
كان اللقب بدل كريم سبلا
اما الثاني غير المقصودعجز البيت اثاني (بإذاً الوالي ) الهمز تحت الالف
وخطاء ثالث بسيط
بشيٍ في عجز البيت السادس بدّل التونين بنون(اعتقد انها ماتفرق صح!!!!)

تقبل تحياتي ايه الاخ العزيز وانتبه تري السرعه قلبت السيارات



اخوك
كريم سبلا

[حبيبها]

وش سرعته!!!

عموما.. الابيات التي ذكرتها سليمه من حيث الوزن وما عليها خلاف لاجابه الله بين الاحبه!!

هناك مواقع قد تكون *السرعة* سببا لعدم الانتباه لهافقط المزيد من التركيز.

على سبيل المثال واقول المثال لا الحصر كلمة = خفيا= في عجز البيت الثاني تحتاج الى تصحيح انا على يقين بأنك لاتجهله.. وكذلك سبقتها كلمة =الوالي= في نفس البيت ليست بحاجه للالف التي تلت الواو

باختصار تصحيح البيت هو :

ياذا الولي عالم خفيات الاسرار

هذا مثال فقط .. عليك اكمال الباقي حتى افي بتعهدي لك

=======================================
ملاحظة : لم اقصد بالعلم والفن اكثر من ايضاح ان المسألة ليست وجهات نظر فهذا ليس مجالها .. ولم اقصد بها تقييم شخص لعينه سامحك الله على سوء الفهم او سامحني على على سوء التعبير !!
=====================================================
الابيات جميله وتحمل فكرة رائعه .. التسلط عليك يذكرني ببحث قدمته في احد المراحل قام المشرف عليه بتمزيقه لاكثر من اربع مرات .. وفي الختام وبعد تجاوز المرحلة ذكرني بأن ذلك كان من حرصه علي..
ادين له بالفضل في تميز ماقدمت .. وتدعو عليه الوالده ليل نهار لما تسبب فيه من هد للحيل ونقصان في الوزن
==========================================
لك كل الحب

[روح الليل]

معليش.. أدري إنها متأخرة :) بس وش أسوي.. ما بغيت أقطع نقاشكم انت والأخ حبيبها.. (ماادري منين تطلع لي الاعذار ;))

المهم.. بشر.. كيف النتايج؟


اموت ما جيت الردا والملامه
......................لاخنت لي صاحب ولا خنت لي جار

الله!! أعجبني هالبيت..

هذا كلامي والتحيه ختامه
.....................يا بنت من يوفون بالحق الأشبار

وش المقصود بِـ (الأشبار)؟؟

وبعدين إذا ممكن.. عندي لك ملاحظة صغيرة.. اسم القصيدة!!؟؟.. كريم سبلا!! هذا هو؟؟

أختك/ ..<< روح الليل >>..

[الفجر الجديد]

هلا فيك أخوي كريم سبلا

اشكرك على اطراءاك وعلى كلماتك الرقيقة
ورغم احترامي الشديد لراي أخي حبيبها إلا أني أقول لك
أنا أعجبتني القصيدة جدا .. ولامست معانيها نبضات قلبي ..
وتذوقتها بما وهبني الله إياه من مقدرة على تذوق الشعر .
وهذا يكفيني .

ممكن أخي إذا تكرمت أعرف معنى اسمك " كريم سبلا "
وارجو المعذرةعلى تطفلي .
مرة أخرى اشكرك أخي الفاضل وننتظر منك المزيد .

[ولهاااااااااان]

اولا الحمد لله على السلامة.......وهلا وغلا

ثم...لماذا كل هذا الهجوم على تلك الانثى الضعيفة......بقصيدة رائعة لولا الحدة والغضب التي تشعرنابصعوبة الموقف والتهمة ...
فهل الموضوع امتداد لما اثارك في المرة السابقة....اي ما ورد في ايميلك...؟
على العموم سعيدة بما فُعل بك لانه اخرج لنا هذه الابيات الرائعة نظما ومعنى .....والحكم يكون على الاكثر وليس على السقطات البسيطة المتعمدة وغير المتعمدة........

[كريم سبلا]

هلا حبيبها فعلا كان عندي احساس ان البيت فيه "خمبقه" وخلل
وحاولت اعدله اكثر من مره بس ماقدرة لاني حاولت احذف الكلمه كامله واجيب غيرها ما حاولت اضيف حرف بس اضافتك للحرف دالت انك شاعر ذكي ومتمكن في نفس الوقت

اما عن العلم والفن .........انا فاهم قصدك يالغالي ولا تاخذ في بالك......وسامحك الله علي سوى التعبير:)

اما عن البحث هذا عدو ولايحب الخير لك صدقني....... 4 مرات يقطعه ياولد.........مشكله كبيره !!!!!!!!
والوالده مععها حق يوم تدعي عليه




تقبل تحياتي يالغالي

واشكرك من كل قلبي

اخوك
كريم سبلا

[كريم سبلا]

الاخت روح الليل

الله يسلمك يالغاليه.....هي فعلا متاخره ومنتهيه صلاحيتها بس .....
دامها من روح الليل اكيد راح يكون لها طعم خاص .....يقولون بدو يكتشفون ان الردود الي بالمنتدي يجي لها طعم خاص ..........ماعقول ما لاحضتي ياروح الليل

النتائج الحمد لله طيبه رغم اني ما مريتهم لين الحين لكن تجينا اخبر تسر الخاطر

اما لفض "الاشبار" هم الرجال الذين يؤدون ماعليهم من حقوق ولا يضلمون الناس..... والكرماء......والشجعان..... لها معاني كثيره تدور حول المعاني السابقه....ماعمرك سمعتي الناس يقولون ذا رجال سنافي .....كلها نفس المعني وتدور حول هذا المعني

اما الملاحظه تشكرين عليها ولوني اشوف ان مالها داعي :)

تقبلي تحياتي ايه الاخت العزيزه
بس ما رديتي علي الهدايا وينها


اخوك
كريم سبلا

[كريم سبلا]

هلا بالفجر الجديد
الكلام الي قلته لك هو الحقيقه انا ماجاملتك......انتِ حللتي القصيده صح.... واعجابك بالقصيده وملامستهالنبضات قلبك....شي يسعدني ....ويدل علي نقاء هذا القلب وصفائه
وفعلا هذا يكفي.
اما الاخ حبيبها فالقصيده اعجبته مثلك وابدي اعجابه بها ولكنه ابدي بعض الملاحظات في رده الاخير وكانت ملاحظاته صحيحه .....ودقيقه ويشكر علي ابدي ملاحظاته.

اما فيما يخص كريم سبلا فكلمت "سبله" يقصدبها اللحيه لحية الرجل هذا فيما يخص لفض سبله.....اما الاسم"كريم سبلا" هو اسم مركب اي كريم اللحيه وهو يطلق علي الشخص الكريم والذي لايقتصر كرمه على من يعرف بل هو عام لجميع الناس من عرف ومن لم يعرف


وهو لقب ارتبط بي منذ الصغر "مو عشاني كريم بالعكس ....القريبين مني يقولون اني بخيل وجلده ومافك القرش"
لك هو لفب لاحد "اخوالي" الله يعطيه العافيه......وهو مقرب لقلبي وان مقرب لقلبه ورغم فارق السن الكبير بيننا الا اننا نعيش في جو صداقه رائع جدا وهو من اعز اصدقائي وانا من يوم ما كنت صغير كان كثير ما ياخذني معه في المشاوير والتمشيات والخرجات الخ....
وينطبق علي قول الشاعر:
خاله وابوه مشبحينه بأيديه
.............يلا شبوحه كان ما راح ديره

مشبحينه: يعني مجودين نسبه وهم سبب ما وصل اليه بعد الله
وهم فعلا كذالك


اتمني ان الفكره تكون وصلت
تقبلي تحياتي
اخوك كريم سبلا

[كريم سبلا]

يا صاحبي ما عوضك بالبشر حي .....(خلقٍ حميد)(واحترام)(ومهابه)
:)

انا زعلان مررررررررره زعلان
كذا وله تقطعين ولا تقولين لنا .....طيب خلينا في الصوره ......بعد اذنكم ياشباب ابغيب كم يوم........... "سكتم بكتم لاحس ولا خبر"




هلا وغلا فيك وله
الله يسلمك
المفروض حنا الي نقول الحمد لله علي السلامه
اما فيما تقولين انه هجوم علي انه هجوم علي تلك الانثي الضعيفه
هذا ليس هجوم هذا دافع عن الـ ........
بلاك ماتعرفينها يا وله ولا ماتقولين ضعيفه

لالا هذا ليس امتداد لما اثارني في الموضوع السابق .....هذا موضوع مستقل بحد ذاته وله ضروفه ومسبباته الخاصه

يصعب شرح القصه لانها طويله ومشربكه
لكن الخطاب ليس موجه الي جميع النساء موجه الي واحده هي المقصوده بالكلام ذا واعتقد انها واعتقد اذا فيه هجوم وتجني انها تستاهل


اسعدني ردك ايته الاخت الرائعه
وتقبلي تحياتي

اخوك
كريم سبلا

[ولهاااااااااان]

الاخ العزيز كريم سبله:اسعد الله اوقاتك
ولك العتبى حتى ترضى ......وكل ما في الامر انك اعلنت غيابك قبل غيابي ...ولم يكن لي ذلك الوجود الذي يفقد في سوالف حتى اعلن لهم غيابي
وكل ماغبته خمس ايام بلياليها .........زوعندما عدت وجدت اثار اقدامك قد سبقتني الى المنتدى وهي سباقة دائما

تسلم على كل حرف كتبته الله يجبر خاطرك.

[هبه الرحمن]

الأخ كريم سبلا

لقد كتبت تعقيب بسيط من قبل ولكن لم أراة واعتقد أنه لم يحمل صح ...لذى جائت مشاركتي متأخرة كثير فأرجو المعذرة
أشكرك على الكلمات الجميلة كما لا يفوتني أن ان ابدي بأعجابي بتقبلك ورحابة صدرك بتعليقات وأرشادات حبيبها ... لأني قرأت الحوار الذي جرى بينكم وأعجبت بروح التسامح والتقبل من الجميع، أسجل اعجابي بالاخذ والرد الذي جرى ... هبه الرحمن

[كريم سبلا]

الاخت وله.....
اهم شي انك رديتي للمنتدا .........بعدين مستهونه بالخمسه ايام ....هذي فتره طويله من وجهة نضري.

والله يسلمك يالغاليه


بس اشوفك مانزلتي موضيع مواضيعك وينها


تقبلي تحياتي
اخوك
كريم سبلا

[كريم سبلا]

اهلا بالاخت هبة الرحمن
من حضر ما غاب واهم شي ان التعيب وصل ولو كان متاخر....
واعجابك بكلاماتي شي يسعدني ويسر خاطري.....
اما عن اعجابك بتقبلي للنقد وتوجيهات الاخ الكريم حبيبها (مدري ليه انتم معطين الموضوع اكبر من حجمه)
وارد عليك نفس الرد الي قلته لحبيبها
لو كنت بطريق تايه ..وجاك واحد ودلك ععلي الطريق الصحيح....
وش تكون ردت فعلك؟

شي اكيد انك بتشكره علي المعروف الي سواه معك ..
وهذا الي صار بيني وبين الاخ حبيبها

اخت هبه اسمك اسم جميل ....اعجبني جدا سجلي اعجابي به
ولك مني كل التقدير والاحترام

اخوك
كريم سبلا

[هبه الرحمن]

الأخ كريم
شكرا لك يأخ كريم ...
ولي يقدم مساعدة نكرمة بهدية الشكر ... وانت وكل الأصدقاء لكم كل المحبة ... هبه الرحمن

[الفجر الجديد]

شكرا لك أخي كريم سبلا على توضيحك
وبالمناسبة اسمك ( كريم سبلا ) أعجبني قبل أن أعرف معناه !!وبعد معرفة المعنى أعجبني أكثر واكثر .

[كريم سبلا]

الاخت هبه الرحمن
العفو اختي
وفعلا الي يقدم مساعده نكرمه بهدية الشكر
ومشكوره اختي علي مشاعرك تجاه اخوانك واخواتك الي بالمنتدي


تقبلي تحياتي
اخوك
كريم سبلا

[كريم سبلا]

هلا بالفجر الجديد
العفو اختي انا ما سويت الا الواجب
اما اعجابك بالاسم شي يسعدني وانا اخوك ....واعجابك وصل ....
واشكرك من كل قلبي




تقبل يتحياتي
اخوك
كريم سبلا