سوالف للجميع - معنى اسم موزة

mouza

14-01-2001, 11:06 PM

الكثير يظن ان اسم موزة يعني فاكهة الموز
حليلي الكل يوم يشوف اسمي يبا ياكلني :) هاهاهااهاهها
تعرفون شو معنى اسمي ؟
ولا تحبون تفكرون ؟

ابوغريبه

14-01-2001, 11:10 PM

انا بصر احه مابغا اعرف معنى اسمك لانه معنا ه عندى شي واحد وهو الموز الى بأموت فيه واحبه وايد فلا تصدمينى بمعنى ثانى .

ابو غريبه ،،،،،،،،،،

mouza

14-01-2001, 11:16 PM

انا بعد احب الموز بس بعد معنى اسمي حلو :)

سردال

14-01-2001, 11:22 PM

معنا اسمك عندي

"موزة الحبوبة وشقيقها رشود" كل ما أشوف اسمك أتذكر مجلة ماجد :)

mouza

14-01-2001, 11:25 PM

عاد انا يوم كنت صغيرة ما افوت مجله ماجد كل اسبوع
بس صح انا موزة بس مب كشه شراتها :)
لا اخوي سردال غلط التخمين

أمير المحبين

14-01-2001, 11:33 PM

ياحليلج بس أريد أعرف شىء واحد الموز اسم مذكر واسمج اسم مؤنث؟ فياترى أي واحد انت من الأثنين؟

mouza

14-01-2001, 11:36 PM

انا موزة طبعا
عاد شو معنى اسمي :)

مجموعة انسان

14-01-2001, 11:40 PM

هلا موزه :)

موزه يعني مو فاكهة الموز !!!!!!!!!

وش دعوه موزه.....على فكره اسم عمتي موزه واذكر يومني صغير

كنت آخذ الموزه واقول لولد عمتي معليش باكل امك!!!!!!

وينقهر مني ويقوم يطقني ويقولي ان اسم امه مو معناه الموز!!!

واقعد اناقره واقول الا امك اسمها يعني فاكهه....لين سمعتنا

عمتي نتهاوش وجت الله يذكرها بالخير تفك بيننا بعدين قلتلها

يالله يا عمه موزه قوليله ان اسمك يعني موز...وقالتله الحقيقه

اللي عيا يتقبلها المسكين:)

المهم الحين كل ماتذكرنا السالفه نقعد نضحك:)

هاه عقب هالسالفه اقتنعتي ياعمه موزه اوووه قصدي يا اخت موزه:)

mouza

14-01-2001, 11:46 PM

ما اقتنعت :)
اسمي له معنى غير :)

أميرة السعادة

15-01-2001, 01:17 PM

السلام عليكم اختى الغاليه واحب اقولج
انه اسمج جميل
واعتفد بل متاكده انه معناه نوع من انواع اللؤلؤ
الثمين ...........
وشكرا :)

سنفور غبي

16-01-2001, 02:46 AM

كملوا... آخر شي شو طلع معنى اسمج؟ :)