View Full Version : لـسـكــان الــمـمــلــكــة فــقــط .
home alone83
21-12-2000, 06:04 AM
كم كانت آخر فاتورة تلفون لك ... ((المكالمات المحلية))((الأنترنت))؟
بالنسبة لي انا .. والله والله ان المكالمات المحلية كانت 1603 ريال طبعاً بسبب الإنترنت ..
للمعلومية ((ساعة الأنترنت 3,50 ريال)) + إشتراك الإنترنت !!!!!
تحيااااتي ...
النابغة الطائي
21-12-2000, 06:06 AM
أنا 900 ريال ..
600 ريال لي .. مدبر وضعي ..
home alone83
21-12-2000, 06:14 AM
لأنك واحد اللي يستحدمها ...
اما حنا 3 اخوان كل واحد يستخدم اإنترنت 3 ساعات كل يوم على الأقل ...
تحياااااتي ..:)
الفرزدق
21-12-2000, 06:38 AM
الله يخلي الأهل ،،
أنا أتصل بالانترنت وهم يسددون:)900ريال
مصيبة شركة الإتصالات:(:):(:)
سعودية
21-12-2000, 06:52 AM
انا سعودية .. اذا انا مالي دخل الله يخلي اللي يدفع الفاتورة
تعرف ما اعرف كم تكون بس ولا تزعل راح اسألك .. بس ان جاني تهزيئة يا ويلك :)
aziz2000
21-12-2000, 07:01 AM
الله يخللي الأهل ..:)
900 ريال .. والعهدة على الراوي .. صراحة ماشفتها .. ;)
هوم ألون ..:).. اخوانك مشتركين معنا هنا ؟..:);)
تحياتي لك ..:)
الفجر الجديد
21-12-2000, 07:05 AM
وأنا هذا أول اشتراك .. والين الحين ماجات
الفاتورة .. والله يستر
الفرزدق
21-12-2000, 07:10 AM
وش رأيك بشركة الإتصالات؟؟؟
لاتخاف ماراح يفصلون عليك التيلفون:):)
aziz2000
21-12-2000, 08:57 AM
من أفضل الشركات في السعودية !!!!!!!!!!!!!!!!! http://www.swalif.net/sforum/images/icons/icon19.gif
الفرزدق
21-12-2000, 09:36 AM
كم عندنا شركة إتصالات؟؟!!!:):):):)
من أفضل الشركات(أكيد لأنها لوحدها:))
aziz2000
21-12-2000, 09:38 AM
يادبوس .. http://www.swalif.net/sforum/images/icons/icon19.gif
بياع القلوب
21-12-2000, 09:45 AM
اقول حبايبي
اعتقد اني قاعد اصرف رواتب حق موظفين شركة الاتصالات عندنا
شوفوا
كنت بمهمة عمل بالخارج لمدة شهر وخذ يااتصالات فيني على جوالي شسوي؟ غشيم مو شاف خير ومعطينه جوال وخذ ياتوزيع بارقام للربع ( لا واحد يتصل فيني يقول كم فرق الوقت بينا وبينكم) بالله هذا كلام ينقال عبر اتصالات دوليه؟ هذا وانا بس ساعتين بالطياره عن الدمام
عموما
رجعت والا فاتوره بـ 24000 ريال
وادفع ياحظي
تلفون البيت والنت ؟؟
خليها على الله
2000 ريال
اقول ابوي !
كيف حالك ابوي؟
من زمان ماسولفت وياك والله
والله الفواتير مليانه بصندوق البريد
طال عمرك متى الراتب ؟
الفرزدق
21-12-2000, 09:49 AM
الله يعين ،،،
أنا أعتقد أن رواتب الموظفين كلها تصرف على فواتير الكهرباء والهاتف الثابت والجوال والبيجر والماء وووووووووو......ألخ
وأخرتها ديون،، سيارة أقساط لتسديد الشركات:):)
________________
عزيز يامسمار:)
بياع القلوب
21-12-2000, 10:04 AM
هلا اخ يالفرزدق
ياخي خليها على الله
خلينا نحسب طب مع بعض
نفرض ان رجل متزوج وعنده مثلا بيت ايجار
طيب
فاتورة التلفون العادي مع النت مثلا 1500نقسمها على شهر 500
فاتورة جوال قول 500
فاتورة كهرباء 400
قسط سيارة 1300
قسط ايجار البيت 2000
مقاضي البيت والزوجه والطفل 1500
بنزين 800
غير المناسبات والعزايم عند الضرورة وزيارة اهل الزوجه ومصاريف
كم صار مصروف هالمسكين؟وصلت مصاريفه الى حوالي 8000 ريال
وراتبه كم ؟؟ 6000
ايه هين
لا وباقي كمان مصاريف مدري عنها كمان
وش يسوي المسكين ؟؟؟
وبس
الفرزدق
21-12-2000, 10:14 AM
تصدق عاد ،،،
نحن نصرف بس لشركة الإتصالات
3000ريال
يعني ،،، ياحبهم للفلوس،،،
خدمات لا تستحق هذه المبالغ الطائلة ،،، ولو رجعنا إلى تركيبات الأجهزة المستخدمة لوجدنا أنها أكل عليها الزمان وشرب ،،، وكلها ما تستاهل هذه المبالغ،،،
والجوال ،،، تقدم خطوة وأرجع أخرى إلى أن تجد إرسال:)
على فكرة أيضاً ،،، خدمة الانترنت ،،، إلى الآن وهي بطيئة ،،، لم تصل لدرجة أرتياح المستخدم ،،، والأسعار لاتستحق 3 ريال وخدمتهم هكذا،،،
عندك الكهرباء في الصيف،،، كم تصل ،،،
الظاهر بنطفي المكيفات وبنطق خيمة برا ،،، ونسوي بالورق هوايات:):)ويا سلام!!!!!
بياع القلوب
21-12-2000, 10:19 AM
عاد الكهرب في الصيف مأساة
شوف حنا بالدمام الرطوبه عندنا 9 اشهر بالسنه والحر ما ينزل عن 40 درجه مئويه
تصدق عاد ان فاتورة كهرباء بيتنا تيجي كل شهر حوالي من 3000 الى 4000 ريال
اشتكينا لشركة الكهرباء فقالوا هذي طبق الشرائح توضع الاسعار
الشرائح الخاصة للبيوت والاستخدام الخاص اغلى بكثير من شرائح المصانع اللي تطحن 24 ساعه كهرباء
طيب وش ذنب الموظف الفقير طيب يصيف في بيته ويدفع هذي المبالغ؟
طيب ما يقف ل بيته وهالمبالغ يسافر اي بلد بارد يصيف ابرك له من الحر والرطوبه ومصاريف تطلع بس عشان الفقير المسكين يشعر بشوية براد في بيته ....!!!
aldossary
21-12-2000, 10:26 AM
السلام عليكم
الفرزدق
21-12-2000, 10:47 AM
مع شركة الكهرباء والإتصالات ،،،
مو بس أنت اللي تشتكي ،،، تعال وشوف الحارات اللي توزع فيها الفواتير ،،،حالتهم حالة مو مصدقين هذه المبالغ الكبيرة ،،،
__________
الدوسري،،،
وعليكم السلام ورحمة الله وبركاته،،،
بياع القلوب
21-12-2000, 10:57 AM
خليها على الله
بس بقول لك شيء
تصدق ان ثاني اكبر دخل اقتصادي لخزينة الدولة عندنا وش هو بعد البترول؟
الهاتف طبعا
وبعدها الكهرباء
وكلها مدخول من وين ؟؟
من جيوب الناس
يعني ما استفدنا شي من هالمدخول الكبير
تحياتي
الدوسري
هلا بك
مع اني اشك فيك ياخي
اول موضوع لك بسوالف وتدخل موضوع مثل هذا ؟؟ شدعوه ؟ وين تنصرف هذي ؟؟
اعترف
طلع المسجل من جيبك لو سمحت :):)
تحياتي
النابغة الطائي
21-12-2000, 12:16 PM
وش هذا ... الله يستر منين لي هاالفلوس عشان أسددهم بعدين .. ولا بعد تخبرون طلبات الحريّم بعد .. الفرزدق عنك تقسيط سيارة ::)
اسير_الصمت
21-12-2000, 01:30 PM
لا حول الله يا رب
ما كنا حلوين يا شباب ليش بس تفتحون السيرة الي تنكد هاذي ..
فواتير فواتير كهرباء + ماء + ايجار + جوال + انترنت + سياره + ......... الخ = الراتب مصفر يوم 4 في الشهر .
ما سألتوني ليش بالذات أربعه علشان الراتب يجي يوم 30 بالكثير يوم 1 و يبغالك يومين بالكثير ثلاثه علشان تسدد ........
على العموم الله يعين أهم شي الأخلاق والصحة وووووووووووووووو...
--------------------------
أسيــــــــــــــــــــــــــــــــر
أقول الحمد لله أني ماني ولد ..
الأهل هم اللي يدفعون الفواتير ..
وعمري ماشفت فاتورة النت ..
عشان حنا له خط خاص به :):) ..
شذى الورد
21-12-2000, 01:51 PM
ياحلات فواتيرك لما تجىء اخر الشهر:(:( ماتعرفون يمة ارحميينى
سلامى لكم يا..............................اتصالات
السموحة شباب يمكن دخلت بالغلط لكن الخير عندنا وعندكم مافى
حد احسن من حد:)
برق السحايب
21-12-2000, 03:23 PM
تحط جوال # الي يريد الحلو يصبر على مره
انترنت @ الهون ابرك مايكون
القسط الشهري امر عادي
اما الكهرباء والماء والاسعار المتدوله الله هم لاحول ولا قوه
شيرمان
21-12-2000, 03:34 PM
شركة الاتصالات اكبر مصيبه
ويقولون احنى ارخص 0000000000في العالم
وين
بياع القلوب
21-12-2000, 05:55 PM
هلا النابغه
هين
بس اذا بغيت تتزوج دور وحده موظفه تساعدك
لا نسيت بعد اقول لك
الخدامه وما ادراك ما مصاريف الخدم عند الاستقدام
وراتب 600 ريال بالشهر
والحسابه بتحسب
ادري اني جبت لكم الغم
بس شسوي؟
هذا اللي اسمعه واشوفه من الناس
:)
النابغة الطائي
21-12-2000, 08:25 PM
أما التوظيف طل ... لا والله لا مدرسة ولا يحزنون .. فقط شهادة الجالسين وربة البيت ..
لكن المشكلة تكمن في الأتصالات ( جوال - بيجر - أنترنت - هاتف )
وبعد الكهرباء والماء والبنزين وما أدراك ما البنزين ( بدون رصاص ) ..
ياولد والله مصيبة .. لا والأيجار ...لالالا وبعد إذا جاء عيل .. حفايظ وحليب وملابس .. ألخ
أقول ..
تعال تحت ..
فلنتوكل على الله ويرزقنا بعدين .. ومن يتوكل على الله فهو حسبه
ومن يتق يجعل له مخرجا ويرزقه من حيث لا يحتسب
ومن يتق له يجعل له من أمره يسرا
الصبر زين ..:)
home alone83
22-12-2000, 05:10 AM
للأخوة في الإمارات :
والله ان شركة الإتصالات اللي عندكم على حسب معلوماتي ..ماشاءالله موفرة لكم كل اسس الراحة المطلوبة .. صحيح انها شديدة في دفع الفواتير بس شي مقابل شي ..
الجرايد عندنا اكثر من مرة عملت مقارنة مع اسعارنا و اسعاركم والله كان فرق واضح و كبيييير !!!!
اقل مثال شوف خط الجوال عندنا 1500ريال ((ماراح اتكلم عن تسعيرة المكالمات والرسوم الشهرية)) اما عندكم ماشاءالله بدون حسد 195 درهم !!!
-----------------------------------------------------------------------------
ما اقول إلا الله يعيينا ؟؟ :)
تحياااااتي للجميع :) وكلامكم والله صح مية مية ... بس انتبهوا من aldossary شكله دبس .. لووول
تحياااتي للصديق الجديد الدوسري :)
آهات الليالي
22-12-2000, 06:02 AM
والله انا ما اشوف فاتورة التليفون و احنا بعد حاطين خط خاص للانترنت
اهلي الله يخليهم لي يدفعونها ولا ادري كم هي بس ولا يهمك هوم الون اسالك المره الجايه..
اما شركة الاتصالات عندنا
تــــــــــــــــــــحــــــــــفــــــــــــــــــــــــــه
و سيئه جدا
الاسعار غاااليه و الخدمات ما تستاهل و ان كلمت الاستعلامات انطق سنه عشان يردون عليك و ان كلمت 902 عشان مساعده للجوال اسمع answering machine message لين ما يتكرم احد الموظفين و يرد عليك و المشكله بعد لا ردوا بعضهم ما عنده سالفه ابد!!!انا شخصيا كلمت عشان البريد الصوتي رد علي واحد ما يفهم شي و كل ما سالته عن شي قال (يا اختي والله ما ادري اذا تبين اتصلي بعد شوي يكون فيه احد ثاني يساعدك) و السؤال كان بسيييييط بعدين انا اكتشفت طريقه لحل المشكله
و لعلمكم ترى موظفين الاتصالات(يمكن بعضهم مو كلهم)لهم:
بدل سكن
بدل مواصلات
جوالات مجانا لهم و لاي فرد من عايلتهم
ارقام مميزه و الطراطير من الموظفين يدفعون مئة ريال فقط مو 2900 ريال على الاقل للرقم المميز
فواتير الكهرباء مدفوعه
فواتير الماء مدفوعه
واظن ان هذا فقط للموظفين الكبار
آسفه على الاطاله
آهــــــــــــ الليالي ــــــــــات
اشواق
22-12-2000, 10:13 AM
هلا وغلا اخواني
انا اول موضوع اعلق عليه هذا الموضوع وبصراحة
شي مايسر انا ماجاتني ولا فاتورة وقلت امكن انكم اتريحوني اشوي
بس الظاهر اني انا اللي بجيب العيد فيكم
وعلي فكرة انا بسدد فواتير النت من جيبي عشان كذا بتفرق
معاي . والله يستر انشالله .
بياع القلوب
22-12-2000, 10:26 AM
هلا النابغه
خليها على الله
طيب غير تجديد الرخص والاستماره والمخالفات اللي مدري من وين حطوا قيمتها
وغيره وغيره
:)
هلا اختي اشواق
هلا بك
اذا هي على قيمة اشتراك الانترنت عادي هينه بس المشكله هي الفواتير الاصليه !!!
تحياتي
الزيرسالم
22-12-2000, 11:42 AM
طبعا ما فيه احد إلا ويشتكي من الفواتير ..
معقوله فاتوره تجي 4440 ريال طبعا فاتورة تلفون ارضي ومافيه صفر مخصص للانترنت..
ما تخش العقل صح.....
راجعتهم قالو يالله نسويلك خصم المكالمات الدوليه (على فكره حاطين المكالمات الدوليه وانا ما عندي صفر اصلا)
بس حنا نستاهل الفواتير اللي تجينا الى متى نصير غنم وينضحك علينا ليش ما كلنا نتفق ونقاطعهم ما نبي لا كهربا ولا تلفون ولا شي الحمدلله مبسوطين بلياهم .....
يطيح سوق شركة الهاتف والكهرباء وبكذا نلعب عليهم ونتحكم فيهم مثل ما هم يتحكمون فينا...
العين بالعين.....
هاه وش قلتو....
home alone83
23-12-2000, 12:59 AM
اهات الليالي .. ايه والله تــــــــــــــــ:)ـــــــحــــــــــــ:)ــــفـــــة ...
وكلامك صحيح مية مية ..
اشواق .. الله يعينك .. اقول اعملي جمعية انتي وخوياتك كل ثلاث اشهر علشان الفاتورة :)
بياع القلوب .. النابغة .. تحيااااتي :)
الزير سالم هلا بيك اخوي عضو جديد .. والله المشكلة اللي قلتها في مثلها مثاااايل :( .. لكن لا حياة لمن تنادي :(
وبالنسبة لإقتراحك خلنا نشوف الشباب ايش يقولون ؟؟
تحياااااتي..:)