الله يلعن الشيطان

[الإمبراطور]

تصورو الشيطان شو يسوي بالواحد والسالفة اللي بقولها

كما يأتي:اثنين أولاد خالة وأنا أعرفهم كنا نتمشاوبعض

الأصدقاء في واحد من المراكز في دبي إنفصلنا عن بعض

ولد الخالة الأكبر اللي كان وياي كان يبا يداعب ولد

خالته فطرشله (مسج) عالتلفون والثاني ما قصر رد

عليه بمسج أحلى وتمو يراسلون بعض لين ما الأصغر فيهم

طرش مسج شوي في سب عباله لعب قام الكبير عصب وما أرسله

مرة ثانية وتم الصغير يرسل ساعة يسب وساعة شيء ثاني

ولين ما جينا نطلع ما شفنا إلا الكبير فيهم ينقض على الصغير

والثاني بعد ماقصر ضرباه بالتلفون على راسه عشان ينقذ

نفسه من ولد خالته مع العلم أنه ما كان يدري إن ولد خالته

ناويله ولو مامسكناهم عن بعض كانو تذابحو وبعد الشيطان

أغواهم وقامو يسبون بعض بألفاض قبيحة ويسبون أمهات

وآباء بعض لدرجة أنهم قامو يطلعون فضايح بعض من يوم هم

صغار الين ماكبرو فاطرينا أنا والأصدقاء جزاهم الله ألف خير

إني آخذ ابن الخالة الكبير وانروح بسيارة أجرة وهم بالسيارة

والعجيب أنهم في اليوم الثاني أول ما شافو بعض تسامحو

فالله يلعن الشيطان الي خلاهم يتضاربون ويطلعون أسرارهم

الله يلعن الشيطان وسالفتهم صارت بلسان كل الشباب اللي

حواليهم وماقول غير الله يلعن الشيطان.


..........الإمبراطور...........


مع تحياتي.....................

[سردال]

يا خوي والله السالفة تزعل!

يعني ألحين عشان مسجات وسب يتضرابون ويفضحون بعضهم!! لا حول ولا قوة إلا بالله، بس تدري؟! المراكز شو فيها من ذكر الله؟! يعني الواحد ما يحصل حد يقوله في المركز اذكر الله.

فلازم الشيطان يلعب لعبته على الناس، وبعدين الأسواق مكان تتركز فيه الشياطين حق يقصون على الناس! والله يهديهم :)

[الإمبراطور]

السالفة مو إنهم اضاربو ولا المركز بس المشكلو في السب

الي سمعته يعني كلام العدو يقوله حق عدوه.


........الإمبراطور........

مع تحياتي................

[الإمبراطور]

أربع مرات بعد.

[swa7]

يقولك الشي اذا زاد عن حده انقلب ضده .... لعنك للشيطان ما يضره بشي لانه اصلا ملعون من رب العالمين لكن الاستعاذه بالله من الشيطان يخليه يتصاغر .